Back
Explore every episode of the podcast 異鄉90後 | 廣東話podcast
Dive into the complete episode list for 異鄉90後 | 廣東話podcast. Each episode is cataloged with detailed descriptions, making it easy to find and explore specific topics. Keep track of all episodes from your favorite podcast and never miss a moment of insightful content.
| Title | Pub. Date | Duration | |
|---|---|---|---|
| EP104| 一寸光陰一寸金 我哋係咪太介意「浪費時間」？ | 廣東話podcast | 02 sept. 2026 | 00:23:15 | |
你有冇試過：睇劇睇到一半，覺得太拖，就開始瘋狂快轉；煲幾個鐘湯，就有人問：「煮咁耐，下次唔好咁嘥時間啦！」
我哋好似由細到大都被灌輸咗一個觀念：時間要用得有效率，最好仲要有成果。
但如果你花咗時間喺一啲事情上，雖然冇乜實際成果，卻可以令你開心、放鬆、療癒，咁又算唔算「嘥時間」？
今集我哋就同大家一齊重新諗吓，香港人口中成日講嘅「浪費時間」！
--
Hosting provided by SoundOn | |||
| EP103 | 由婚禮到紅白事： 點解亞洲人總係要「做俾人睇」？| 廣東話podcast | 24 août 2026 | 00:26:49 | |
早前有位準新娘想搞adult only婚禮，卻引起想帶小朋友參加婚禮嘅親戚不快，當事人喺threads吐苦水之後引發一場小風波。由婚禮限制鬧劇、紅白事相衝嘅迷信，講到輩分階級嘅枷鎖—點解亞洲人生活好似總係要「做俾人睇」，活得咁辛苦？今集《異鄉90後》，我哋一齊傾吓呢啲困住大家嘅「亞洲人情世故」!
--
Hosting provided by SoundOn | |||
| EP102｜點解又搬？由台灣到英國，90後再次重新開始 | 廣東話podcast | 13 août 2026 | 00:32:47 | |
忍咗幾個月，今集《異鄉90後》終於可以公開 PY 移英呢件事！明明喺台灣已經建立好生活，點解 PY 仲要搬去英國？
今次搬走，唔係因為生活過得唔好，亦冇一個非常明確嘅目標，一切都係從呢個問題開始：「如果10年、20年後，我繼續留喺度，我會過緊一個點樣嘅人生？」
去到新地方，未必即刻搵到答案，但至少可以知道原來人生仲有其他可能。
今集《異鄉90後》，我哋由 PY 移英出發，傾下重新開始、退路、適應新環境，同埋點樣喺人生已經建立好一切之後，仍然有勇氣再試一次！
--
Hosting provided by SoundOn | |||
| EP101 | 讀萬卷書不如搭萬里船！15歲開始出走世界 (ft. Mac) | 廣東話podcast | 02 août 2026 | 00:52:09 | |
古語有云：「讀萬卷書，不如行萬里路。」今集嘉賓阿Mac就由15歲開始踏出香港，走遍歐美留學，最後更成功喺美國發展事業。
留學真係有錢人嘅專利？原來唔少海外交流同留學計劃都設有獎學金，幫助年輕人走出世界，開闊眼界。究竟有咩方法？又點樣改變咗阿Mac嘅人生？今集《異鄉90後》同你一齊傾！
--
Hosting provided by SoundOn | |||
| EP100 | 移英4年真實生活 由香港Marketing打入英國職場 (ft. Carrie) | 廣東話podcast | 21 juil. 2026 | 00:42:07 | |
不知不覺，《異鄉90後》嚟到第100集！🥳 今集亦終於請到第一位真正長住英國倫敦嘅嘉賓——Carrie，同大家分享佢移英4年嘅真實經歷。
由香港Luxury/ Retail Marketing轉戰英國銀行做Local Marketing，Carrie會同大家傾吓移民後點樣重新適應當地生活、打入英國職場，以及香港人最常遇到嘅文化差異。英國生活係咪真係想像中咁美好？Central London 近年治安變化有幾大？點解英國人咁重視Small Talk？廣告文化又點解咁鍾意「串人」？
由飲食、語言、職場文化，到準備移英前應該點裝備自己，今集一次過分享。另外，PY亦會喺第100集公布一個新消息，到底係咩新計劃？答案就喺今集《異鄉90後》！
--
Hosting provided by SoundOn | |||
| EP99 | 候鳥與留鳥：一場關於去留與守候的故事 (ft. 蒙潔) | 廣東話podcast | 12 juil. 2026 | 00:40:30 | |
講到移民，我哋成日聚焦喺離開嘅人身上——佢哋點適應新生活、點面對思鄉、點重新開始。但其實，留低嘅人又何嘗唔係經歷緊另一場離別？
今集我哋邀請舞台劇《候鳥》演員蒙潔，一齊傾吓「去」與「留」背後嘅故事。當身邊嘅人一個個離開，作為留下來的人，應該點樣作出自己嘅選擇？曾經親密嘅關係，又會因為距離而變成點樣？候鳥會遷徙，留鳥會守候，但彼此之間，仲可以點樣靠近？
--
Hosting provided by SoundOn | |||
| EP98 | 放假就飛出去 點解大家唔願留喺香港？| 廣東話podcast | 06 juil. 2026 | 00:22:43 | |
每逢長假，就算只有三日，不少香港人都會即刻計劃外遊，就算只係去深圳、澳門，都照樣衝出去！🤔
但Catherine去咗韓國生活之後，竟然反而少咗想去旅行，甚至開始享受留喺當地慢慢生活。究竟係咩令佢心態有咁大轉變？香港人點解又特別鍾意一放假就離港？你又係「放假一定要飛」定係「留喺屋企最舒服」派？今集《異鄉90後》我哋同大家一齊傾下！
--
Hosting provided by SoundOn | |||
| EP97｜《鐵拳教育》：失控嘅到底係學生、家長定社會？| 廣東話podcast | 26 juin 2026 | 00:26:01 | |
（本集含少量劇情簡介，無劇透，請放心收聽🎧）
一個問題學生變成今日咁，到底係邊個造成？老師冇能力？學生太失控？家長縱容？定其實係成個教育制度出咗問題？
Netflix《鐵拳教育》表面講校園暴力，但其實更想討論教師教權、怪獸家長、網絡輿論，以至整個社會點樣一步步形成今日嘅教育困境。有韓國地方政府甚至諗住參考劇情，研究保護教權嘅措施。但教育問題真係可以靠一兩條政策解決？
今集《異鄉90後》，我哋由《鐵拳教育》出發，一齊討論教育、家庭同社會之間嘅連鎖效應。
--
Hosting provided by SoundOn | |||
| EP96 | 移民後最大難題 係搵份好工定搵返自己？| 廣東話podcast | 17 juin 2026 | 00:27:22 | |
唔少人移民後，都會經歷職業同收入上嘅巨大轉變。有人做唔返原本嘅工作，有人要由低做起，甚至要接受收入比以前少一大截。但最難面對嘅，未必係人工少咗，而係原本建立多年嘅自我價值同安全感，好似一夜之間被打散。當連最基本嘅開飯錢都要重新努力爭取，難免會問自己：究竟我仲有無價值？當初嘅決定係咪正確？
PY同Catherine都曾經有類似嘅諗法，最後究竟係點樣調整心態？一齊嚟聽吓今集《異鄉90後》！
--
Hosting provided by SoundOn | |||
| EP95 | 香港人覺得正常 外國人完全接受唔到嘅食物 | 廣東話podcast | 07 juin 2026 | 00:27:19 | |
**收聽今集節目時切勿飲食😂
某個韓國綜藝將「食蛇」當成大懲罰，令我哋發現——原來好多香港人食開、覺得好平常嘅食物，對外國人嚟講分分鐘係完全接受唔到😳 由雞腳、內臟、皮蛋、臭豆腐，到一啲連香港人自己都未必頂得順嘅食物，究竟有咩係香港人覺得無問題，但外國人一見就卻步？又有啲嘢食，其實香港人同外國人都一致覺得「真係唔得」？今集《異鄉90後》一齊講吓最令人無法接受嘅飲食文化差異！
--
Hosting provided by SoundOn | |||
| EP94 | 喺韓國排音樂劇，最大挑戰竟然係個肝？(ft. 胡希文 Yoyo) | 廣東話podcast | 01 juin 2026 | 00:43:51 | |
異鄉90後不知不覺已經過咗兩周年啦🥳今集我哋邀請到重量級嘉賓胡希文 Yoyo，同大家分享去年參演韓國音樂劇《初雪》嘅幕後點滴。由收到演出邀請、學習韓文、同韓國劇組排練，到製作規模同正式公演嘅經歷，Yoyo 都會一一同大家細說。原來喺韓國排音樂劇，最大挑戰未必係唱歌跳舞，而係個肝？🤔 究竟發生咩事，就要留意今集《異鄉90後》啦！
P.S.特別鳴謝游大東促成今次訪問！
--
Hosting provided by SoundOn | |||
| EP93 | 學習工具日漸發達 但係咪對所有人都有幫助？| 廣東話podcast | 18 mai 2026 | 00:28:21 | |
而家嘅學習模式同十幾年前好大分別，以前tablet唔俾帶返學校，而家幾乎人人帶一部返學，仲有用AI、補習等等。不過學習方法點變，最緊要係有嘢落到袋。究竟呢啲改變係好事定壞事，定係冇所謂？🤔 咁就要聽今集《異鄉90後》啦！
--
Hosting provided by SoundOn | |||
| EP92 | 一日到黑都咁開心 你不是真正的快樂？| 廣東話podcast | 05 mai 2026 | 00:29:32 | |
自己支持嘅球隊贏波開心，買到個靚袋開心，食到好嘢又開心😌 雖然話做人最緊要開心，但係咪一定要一日到黑都咁開心？長期處於咁開心嘅情緒係咪好事？有研究指出，長期處於高能量反而係情緒響起警號🧐 今集《異鄉90後》就同大家講吓對快樂嘅睇法！
--
Hosting provided by SoundOn | |||
| EP91 | 移民KOL唔係百科全書 做決定前應該點樣慎選資訊？| 廣東話podcacst | 26 avr. 2026 | 00:27:50 | |
早幾年移民潮嘅時候，移民KOL好似雨後春筍咁樣出現。但係時間耐咗，有部份KOL引發各種爭議，例如資訊不足、角度過於偏頗，或者變咗做廣告Channel等等。究竟我哋決定移居移民之前，應該點樣選擇適合嘅資訊？而呢啲KOL係咪完全冇用？咁就要聽我哋今集《異鄉90後》討論移民KOL啦～
--
Hosting provided by SoundOn | |||
| EP90 | 多國收緊永居政策 究竟仲想唔想要外國人？| 廣東話podcast | 16 avr. 2026 | 00:29:53 | |
最近日本收緊永居政策，搞到唔少外國人叫苦連天。其實唔止日本，唔少地方嘅簽證條件越收越緊。雖然有唔少職位而家主要都係由外國人擔任，但咁嘅政策變化似乎將外國人拒於門外，同時又有啲吸納外國人才嘅政策到頭嚟成效甚微。究竟係咪真係需要外國人？我哋真係睇唔透🤷
--
Hosting provided by SoundOn | |||
| EP89｜老土嘢原來係寶 唔識貨定冇包裝好？| 廣東話podcast | 06 avr. 2026 | 00:29:02 | |
細個嘅時候，我哋成日覺得旗袍、裙褂、舊時代歌手呢啲嘢好老土，但係人大咗，反而開始慢慢欣賞到當中嘅美。可能係因為身處異地，用咗另一個角度去重新理解；又或者係經過新嘅包裝同演繹，先令我哋重新發現佢哋嘅價值。究竟係我哋變咗，定係佢哋變咗？今集《異鄉90後》同大家一齊講下「老土變寶」😌
--
Hosting provided by SoundOn | |||
| EP88 | 由獨處文化到城市生活：點解我哋愈嚟愈鍾意一個人？| 廣東話podcast | 29 mars 2026 | 00:30:55 | |
近年愈來愈多人開始享受一個人嘅時間，例如自己去旅行、食 lunch、甚至一個人揸車周圍走。獨處好似變成一種生活方式，唔單止可以放鬆自己，亦同城市節奏同居住環境（例如香港嘅土地供應）有關。不過，當「一個人」變成習慣，甚至開始依賴，會唔會對人際關係產生影響？今集《異鄉90後》就同大家傾吓一個人嘅時間！
--
Hosting provided by SoundOn | |||
| EP87 | 韓國人神奇小習慣 謎之微波爐用法、瘋狂換毛巾... (ft. Celia) | 廣東話podcast | 23 mars 2026 | 00:34:33 | |
喺韓國生活耐咗，慢慢會發現由用微波爐、換毛巾，到搭公共交通工具，都有一啲幾「韓國式」嘅生活習慣。有啲令人睇到一頭霧水，有啲又覺得幾貼心，甚至希望佢哋可以一直保留落去。今集《異鄉90後》叫埋 嘉賓Celia，一齊同大家拆解幾個韓國人日常中又奇怪又有趣嘅小習慣！
--
Hosting provided by SoundOn | |||
| EP86 | 同長輩去旅行心很累 對人歡笑背人垂淚? | 廣東話podcast | 16 mars 2026 | 00:31:02 | |
同長輩去旅行一向都係高難度挑戰，呢樣又唔like，嗰樣又唔適應所以除咗衣食住行要準備周到，近年唔少人分享心得應付長輩，究竟呢啲心得係唔係work呢？無曬自由時間、對付長輩分分鐘仲攰過返工，點解仲要同長輩去旅行？今集異鄉90後PY同埋Catherine 同大家分享吓帶長輩旅行嘅親身經歷、仲有獨門秘訣！
--
Hosting provided by SoundOn | |||
| EP85 | 夢想中一日放假大計： 行街、大長征同瞓公園? | 廣東話podcast | 06 mars 2026 | 00:31:20 | |
假如突然間有一日假，你哋會做啲乜？做事比較有目標嘅PY，就算放假都會對準目標買嘢睇嘢，而Catherine就會選擇漫無目的咁四圍行吓，或者瞓喺度乜都唔做。但係呢啲放假計劃，究竟係容易實行，定係只能流於幻想？今集異鄉90後同大家傾下放假大計！
--
Hosting provided by SoundOn | |||
| EP84 | 我哋最近煩緊啲乜？ 原來大家都有可能焦慮過 | 廣東話podcast | 27 févr. 2026 | 00:30:40 | |
今集Catherine同PY講下最近煩緊乜，Catherine想喺Pre-wedding嗰陣著多條裙，PY就諗緊點樣戒多巴胺。唔好以為呢D煩惱得兩位主持自己先有，各位諗深一層可能都有呢個煩惱🧐 快啲聽下兩位主持點樣解決或者克服問題啦～
--
Hosting provided by SoundOn | |||
| EP83 | 點解有啲潮流留得低 有啲轉頭就無? | 廣東話podcast | 12 févr. 2026 | 00:44:31 | |
近排唔同熱潮來去如風，好似大寶冰室、甘棠、杜拜朱古力、尋秦記等等。諗返起以前興嘅嘢，可以屹立不倒到今時今日嘅五隻手指都數得曬，點解佢哋會留得低呢？潮流退卻之後，留落嚟嘅影響又會係乜？快啲聽下今集《異鄉90後》講下今期韓國、台灣同香港流行過嘅嘢 😎
--
Hosting provided by SoundOn | |||
| EP82 | 舊劇推介 (下) : 病毒、戰爭同人性 值得細味嘅外國劇 | 廣東話podcast | 06 févr. 2026 | 00:26:23 | |
呢集《異鄉90後》由 PY 帶大家睇兩套外國劇集。一套講外星病毒入侵，中招之後竟然可以獲得全世界嘅知識，聽落好似好正，但 PY 同 Catherine 卻覺得未必係一件好事；另一套就以以巴衝突同反恐為主題，PY 睇嘅時候都要一路分析。究竟點解呢？快啲嚟聽吓 PY 今集推介咩劇集啦！
--
Hosting provided by SoundOn | |||
| EP81 | 好作品經得起時間考驗 (上) 真心推介港劇&紀錄片 | 廣東話podcast | 30 janv. 2026 | 00:25:23 | |
最近大家翻睇舊劇，Catherine都唔例外，龜速睇緊尋秦記😂除咗尋秦記同埋「銀行家の女」名媛望族之外，Catherine同PY都想同大家推介吓啲「舊」作。今集Catherine就同大家介紹別開生面嘅港劇同揭露體壇陰暗面嘅紀錄片，睇過嘅可以再睇多次，未睇過嘅不妨開嚟睇啊💁♀️
--
Hosting provided by SoundOn | |||
| EP80 | 一開口就冷場？話題終結者自救指南 | 廣東話podcast | 22 janv. 2026 | 00:45:24 | |
有冇發覺同人吹水嗰陣會有以下情況？
1. 冇人接到個話題
2. 成日傾到不歡而散
3. 對方聽到反曬白眼
出現以上情況，你有可能俾人覺得係好kam嘅話題終結者🧐 究竟呢個係咪死症？有冇辦法解決？快D聽最新一集《異鄉90後》啦😎
--
Hosting provided by SoundOn | |||
| EP79 | 最低消費、用餐時間、排隊等位... 出街食飯邊樣最谷氣？| 廣東話podcast | 15 janv. 2026 | 00:51:18 | |
雖然成日話要出街食飯振興經濟，但係有好多位都咪話唔谷氣！某啲舖頭要排隊等位都算，入到去用餐時間有限制，仲要有最低消費，分分鐘飯都未食完就趕你走，嗌少兩道菜仲會公審你… 歡迎聽吓今集《異鄉90後》，同大家討論出街食飯。
--
Hosting provided by SoundOn | |||
| EP78 | 結婚年齡持續上升 原因究竟係愛、責任定係錢？ | 廣東話podcast | 09 janv. 2026 | 00:45:10 | |
以前細個成日聽人講話要30歲前結婚，但現實就係無論香港、台灣定韓國，大家都過曬30歲先結婚，而且平均結婚年齡一年遲過一年😂點解大家都選擇遲結婚，又或者唔結婚，甚至連拖都唔拍呢？遲結婚還遲結婚，韓國嘅結婚率竟然觸底反彈，結婚場地又勁搶手，究竟係咩一回事？一齊聽下《異鄉90後》，聽下非科學分析遲結婚原因！
--
Hosting provided by SoundOn | |||
| EP77 | 外國人點學廣東話？廣東話老師10年觀察大公開！(ft. Carmen) | 廣東話podcast | 29 déc. 2025 | 00:53:01 | |
廣東話係我哋眼中難學又難精，連PY同Catherine都唔知點樣教另一半講廣東話， 所以今集請嚟廣東話老師Carmen，講解吓10年嚟點樣由淺入深咁教學。
究竟對外國人嚟講，廣東話最易同最難學嘅係乜、有無方法可以快啲開口講到…？仲有一個字原來我哋竟然自己都讀錯，搞到成日誤會人哋有懶音，呢個究竟係咩字呢？我哋一齊聽吓今集異鄉90後！
P.S. 前2分鐘開場白有少少雜音，後面會正常翻，本集技術問題請多多包容><
--
Hosting provided by SoundOn | |||
| EP76 | 我的童年如何 我的性格也必如何？| 廣東話podcast | 17 déc. 2025 | 00:44:38 | |
而家嘅你係點形成？其實同成長背景有好大關係，例如家庭教育、學校生活、甚至童年經歷，都默默塑造咗你嘅行為同習慣，即係做事有條理、敢唔敢打小強、對食嘢嘅控制等等。當中有啲影響係正面嘅，但亦有啲可能係被忽略嘅童年陰影，甚至演變成心理創傷。
今集《異鄉90後》就同大家一齊傾吓，童年經歷究竟點樣影響我哋嘅性格，同埋我哋又可以點樣面對呢啲影響。
--
Hosting provided by SoundOn | |||
| EP75 | 30歲之後 健康同友誼只會一去冇回頭？(下集) | 廣東話podcast | 07 déc. 2025 | 00:22:21 | |
上集我們講到30歲之後，開始自己唔夠成熟，又未學齊應有技能；而呢集我哋就講下去到呢個年齡，健康同友誼開始好難維持… 究竟兩樣嘢都係一去冇回頭，定係有方法減慢衰老同友誼永固？想知PY同Catherine點諗，就要聽今集《異鄉90後》啦！
--
Hosting provided by SoundOn | |||
| EP74 | 30歲心態仍未成熟 面對挑戰只能煮到埋嚟就食？(上集) | 廣東話podcast | 20 nov. 2025 | 00:31:24 | |
雖然已經年過30，但係PY同Catherine覺得同自己無論心態定金錢上，都同小時候認知中嘅30歲有一段距離。有時候生活上面對某啲挑戰，難免都會手足無措。究竟喺廿幾歲嘅時候，使唔使為30大關提早做好準備，定係其實順其自然就OK ？
--
Hosting provided by SoundOn | |||
| EP73 | 返工潛規則多到爆！請假睇眼色、message捉字蝨... | 廣東話podcast | 13 nov. 2025 | 00:44:41 | |
雖然成日話奇怪規則背後，總有暖心原因，但係有時返工某D規則又真係好R頭：幾時放假有限制、點send message又有守則要跟、WFH都要check下你IP地址… 究竟呢啲規則睇唔順眼只係打工仔心態問題，定係世代差異？
--
Hosting provided by SoundOn | |||
| EP72 | 編行程、翻譯、道歉都靠AI？有啲嘢始終取代唔到 | 廣東話podcast | 06 nov. 2025 | 00:47:57 | |
而家大家生活都離唔開AI，無論係Gen圖、翻譯、編行程、計數，甚至係道歉都用AI，生活似乎方便咗好多，但AI學嘅嘢越多，我哋學到嘅嘢似乎越少，甚至越嚟越唔用腦？🤔 不過有啲嘢始終係AI取代唔到，究竟係咩呢？咁就要留意今集嘅異鄉90後啦！
--
Hosting provided by SoundOn | |||
| EP71 | 學語言樽頸位重重 到底可以點化解？| 廣東話podcast | 30 oct. 2025 | 00:46:05 | |
學英文、普通話、日文、韓文或其他外語，總有數之不盡嘅樽頸位，好似早前大家好辛苦咁準備韓文考試TOPIK，結果一個＂圓形監獄＂考起唔少考生🤔 唔少人會因為呢D樽頸位而受挫，更會因此而放棄學外語。不過呢啲位其實係咪咁難克服，定係Not a big deal？今集《異鄉90後》我哋用自己嘅親身經驗，同大家講下學外語嘅困難之處！
--
Hosting provided by SoundOn | |||
| EP70 | 移民澳洲生存指南：防曬、防蚊、防OT？（ft. Joyce） | 廣東話podcast | 24 oct. 2025 | 00:49:13 | |
《異鄉90後》節目有史以來首次迎嚟聽眾做嘉賓😍 Joyce移民去澳洲之後，時間多咗，居住環境大咗，平日WFH但竟然仲可以日行萬步，究竟點解呢？ 大家提到澳洲，就一定會諗起袋鼠同樹熊，不過阿Joyce話，防曬同防蚊產品先係澳洲特產，送禮自用都啱使🤣 除此之外，今集仲講吓澳洲嘅衣食住行，究竟澳洲有幾大、有幾熱？
想知道澳洲港人係點生活，就要留意今集《異鄉90後》啦！
--
Hosting provided by SoundOn | |||
| EP69 | $33凍檸茶係咩味道？遊客巴士線原來香港人都啱搭 | 廣東話podcast | 16 oct. 2025 | 00:48:19 | |
各位身在海外嘅港人每次返香港，指定動作除咗係呻天氣熱😂 仲會食盡香港獨有嘅美食。Catherine喺中秋唔單止食茶餐廳、邊爐放題，仲大膽挑戰$33凍檸茶，究竟味道如何呢？今次仲發現香港飲食業嘅變化，究竟邊啲品牌淡出市場，邊啲又慢慢走入民居呢？
除咗飲飲食食之外，Catherine仲打開遊客mode，去咗各大香港景點，當中滿意度最高嘅，竟然係遊客巴士線喎🤔 想知點解，就要聽今集《異鄉90後》啦😏
--
Hosting provided by SoundOn | |||
| EP68 | 初遊英國小發現 飲食、交通、OOO都熟口熟面？| 廣東話podcast | 09 oct. 2025 | 00:44:45 | |
今次PY帶大家去英國！雖然成日俾人話係美食沙漠，不過唔係冇好嘢食，只係好食嘅嘢同英國關係不大🤔 除此之外，喺英國有唔少香港人熟悉嘅嘢，包括飲食、交通，同埋＂OOO＂🤣 就算係第一次去英國，都好有親切感。
想知PY喺英國有咩見聞，就要收聽今集《異鄉90後》啦！
--
Hosting provided by SoundOn | |||
| EP67 | 食物中毒原來全年無休 出街食飯可以點自保 ? | 廣東話podcast | 02 oct. 2025 | 00:40:54 | |
最近韓國天氣慢慢轉涼，似乎冇夏天咁容易食物中毒，但PY同Catherine睇返過往經驗，幾乎都係冬天中招🧐 而且唔只關季節事，喺任何地方食飯都有機會出事，就連百貨公司都出現過致命食物中毒事件😱 點解有D地方好似成日都有食物中毒？我哋又應該要點自保？
--
Hosting provided by SoundOn | |||
| EP66 | 騙徒手法層出不窮 只能斬腳趾避沙蟲？| 廣東話podcast | 24 sept. 2025 | 00:42:37 | |
無論香港、台灣定韓國，騙徒行騙手法越來越多，電腦、短訊、求職，甚至係攞快遞都可以呃到錢🥲 都已經見到咁多人上當，但係點解仍然越來越多人墮入圈套？我哋可以做嘅係盡力預防，定係只能斬腳趾避沙蟲？
--
Hosting provided by SoundOn | |||
| EP65 | Cafe慘變平價私人辦公室 逼到老闆奇招盡出？| 廣東話podcast | 11 sept. 2025 | 00:52:53 | |
香港人去台灣同韓國最鍾意去Cafe，貪佢比香港平一大截，同埋打卡位夠多🧐 Jansen今次仲帶我哋去台北咖啡店，試下世界各地嘅手沖咖啡☕ 至於當地人就鍾意去Cafe溫書同開工，但似乎俾有心人濫用，帶晒架生擺大檔開工，除此之外仲有好多令人咋舌嘅使用情況🤔
究竟Cafe要點出招對付呢D怪客，而我哋想响Cafe辦公溫書又應該點做好？《異鄉90後》同大家傾下港台韓咖啡店！
--
Hosting provided by SoundOn | |||
| EP64 | 去睇波定睇女神？ 台韓棒球風氣大不同 | 廣東話podcast | 04 sept. 2025 | 00:46:05 | |
近排Catherine開始鍾意睇棒球，八月中仲特登去台北同PY一齊睇富邦嘅比賽（當然主要係去睇Kapo啦😁），發現韓國同台灣嘅棒球比賽氣氛真係好唔同，特別係台灣啦啦隊風氣開始盛行，唔止帶動現場氣氛，仲吸引到唔少新手入場，而呢股啦啦隊旋風似乎吹緊返韓國🤔 除咗啦啦隊之外，仲有啲乜嘢可以吸引到人睇棒球或其他運動賽事呢？今集《異鄉90後》就同大家傾吓台灣同韓國嘅棒球風氣！
--
Hosting provided by SoundOn | |||
| EP63 | 踩遍世界尋突破 運動員生涯滑過30歲界限（ft. 王蘊妮Mimi）| 廣東話podcast | 28 août 2025 | 00:44:34 | |
香港速度滾軸溜冰運動員王蘊妮Mimi唔經唔覺已經踏入30大關，佢曾經揚言2018年雅加達亞運之後退役，不過到今時今日仍然繼續向前衝，究竟咩原因令佢堅持？目前又有冇退役打算？為咗有更好嘅訓練質素，Mimi唔少時間喺海外受訓，佢點樣打破國界，同世界各地嘅選手打成一片？香港令佢最牽腸掛肚嘅究竟係啲咩呢？🤔
今集《異鄉90後》，同港隊代表傾下運動員生涯嘅喜悅、困境同將來！
--
Hosting provided by SoundOn | |||
| EP62 | 人口減少升學率反跌 公開試係必要之惡？| 廣東話podcast | 21 août 2025 | 00:42:51 | |
早排Jupas放榜，錄取比例得36%，係近5年最低，點解考生少咗反而少人入到U？🤔 你又有冇留意到，愈來愈多成績優異嘅考生集中揀醫科，反而以前眼中嘅「神科」已經冇咁受歡迎？
PY同Catherine有諗過，除咗公開試之外，學術以外嘅成績可唔可以成為升學門票？咁樣做又會唔會帶嚟新嘅問題？《異鄉90後》同大家一齊探討公開試呢個「必要之惡」。（呢度俾返credit 試當真）
--
Hosting provided by SoundOn | |||
| EP61 | 極端天氣密密嚟 要超前部署定望天打掛？| 廣東話podcast | 14 août 2025 | 00:39:30 | |
各位今日又過咗500年啦，馬浚偉都唔知游咗幾多次水
暴雨同颱風愈來愈多，就算做足預防操施，都可能避免唔到損失。既然係咁，作為老闆、打工仔、活動主辦或者其他身處崗位應該要點樣應對，定係只能坐穩呢？
喺任何天氣，最好就喺安全地方聽《異鄉90後》啦！
--
Hosting provided by SoundOn | |||
| EP60 | 《母胎單身》同其他戀綜零舍唔同 可以做A0反面教材？| 廣東話podcast | 06 août 2025 | 00:50:10 | |
（本集內容含劇透，請小心服用）
Netflix《母胎單身戀愛大作戰》近排成為Threads熱話。本身唔多睇戀愛綜藝嘅PY同Catherine睇得勁投入，唔只係睇住12位A0求偶又搞笑又激氣，仲可以了解韓國文化同埋仲未出到Pool嘅原因。呢個節目唔止係為A0而設，仲可以話係咁多位嘅反面教材🤣
今集我哋會從唔同角度拆解呢套綜藝，無論你係戀綜老手定新入坑，一齊嚟聽吓你對角色、文化同拍拖觀嘅睇法啦！
--
Hosting provided by SoundOn | |||
| EP59 | 韓國人眼中嘅感性 其實係我哋嘅日常爛攤子？｜ 廣東話podcast | 01 août 2025 | 00:51:43 | |
韓國人眼中，台灣街頭嘅市井風情就係所謂嘅「台灣感性」；而香港，喺佢哋眼中就等於霓虹燈、西式建築同懷舊氣息。講真外國月亮好似真係特別圓，佢哋影啲平平無奇嘅街角，都影到成幅畫咁😂 但點解佢哋會對呢啲元素咁著迷？
至於我哋自己心目中最有「香港感性」嘅建築同景象，其實早就逐漸消失。問題係，呢啲唔見咗嘅，真係只係景點咁簡單？今集《異鄉90後》，PY同Catherine講下香港同台灣感性
--
Hosting provided by SoundOn | |||
| EP58 | 命運使然走遍英美澳 只為尋求無悔真生活 (ft. Eric) | 廣東話podcast | 24 juil. 2025 | 00:42:29 | |
近年聽到部份海外港人計劃二次移民/移居，而今集嘉賓Eric過往亦因為種種原因，曾經喺英國同澳洲居住，最後定居美國波士頓。雖然要不斷移居，聽見都覺得攰，但過程令佢領略到何謂生活同快樂。
想知道點解Eric會走遍四大洲，同埋點樣調整心態適應新地方，就要收聽今集異鄉90後啦！
--
Hosting provided by SoundOn | |||
| EP57 | 看不順眼Gen Z 係佢哋問題定世界變咗？(本集白花油味極濃) | 廣東話podcast | 18 juil. 2025 | 00:49:07 | |
Gen Z喺唔少人眼中不外乎以下印象：可以整頓職場、乜嘢事都擺晒上網、熱愛（改良版） Y2K，同時又好鍾意拍短片等等。不過有啲標籤，究竟真係咁率直勇敢，定係只係未受過社會毒打？而我哋又應該點樣看待Gen Z？就要留意今集異鄉90後啦！
p.s. 本集白花油味極濃，並疑似有向全世界挑機成份，敬請留意 🤣
--
Hosting provided by SoundOn | |||
| EP56 | 神奇消費行為睇到人R晒頭 財散真係人安樂？| 廣東話podcast | 11 juil. 2025 | 00:48:21 | |
為咗食好嘢排長龍，買公仔爭崩頭，為咗小卡同入簽售買幾廿隻碟，整體嚟講可以話使錢嘅方式越嚟越神奇🤣 當然使錢係為咗得到快樂，但係呢個快樂會唔會維持到好耐？使嘅錢同得到嘅快樂又係唔係成正比？今集異鄉90後同大家講吓拗晒頭嘅使錢方式！
--
Hosting provided by SoundOn | |||
| EP55 | 30歲後健康狀況不進則退 ChatGPT分分鐘仲有效過睇醫生？| 廣東話podcast | 03 juil. 2025 | 00:47:39 | |
年過30，錢冇咗仲可以賺返嚟，但身體健康同青春小鳥一樣一去不回來，失眠、消化不良、鼻鼾、感冒越搞越耐…我哋用盡唔同方法減慢衰退，不過PY竟然話，有時問ChatGPT反而仲有用😲 係真唔係呀？今集《異鄉90後》講下點樣保持身體健康！
--
Hosting provided by SoundOn | |||
© My Podcast Data · Independent project · Data from Apple & Spotify