Usone Persone – Details, episodes &amp; analysis

Radikala Tenero

Subtenantoj

Dankon al Matt Brooks, Philip David Morgan, Ruth Kevess-Cohen, kaj Stela Besenyei-Merger pro ilia subteno!

Get full access to Usone Persone at usonepersone.substack.com/subscribe

Read moreCollapse

3.10 - Kanade Invade (filmita viva epizodo)

Season 3 · Episode 10

Sunday, July 27, 2025 • Duration 01:12:34

Por epizodo 3.10, la Usonaj Personoj invadas Kanadon! Ĉi tiun epizodon oni filmis antaŭ ĉeestantaro dum la vespero inter NASK kaj la Dulanda Kongreso en Toronto. Stela denove rolis kiel intervjuanto / gastiganto, sed ĉi-foje la triopo siavice preparis demandojn por la aliuloj. Oni diskutis basbalon, interŝtatalojn (kompreneble!), la novan mikronovelaron de Rafa (Centvorte) kaj ĉies spertojn dum la ĉi-jara NASK.

Ne maltrafu la okazon spekti la solan registradon de Usone Persone en Kanado, la lando kie la podkasto koncipiĝis!

Libroj

Centvorte (Amazon)

Centvorte (UEA)

Ligiloj

Radikala Tenero

Subtenantoj

Dankon al Matt Brooks, Philip David Morgan, Ruth Kevess-Cohen, kaj Stela Besenyei-Merger pro ilia subteno!

Get full access to Usone Persone at usonepersone.substack.com/subscribe

Voje Foje

Season 3 · Episode 9

Thursday, June 19, 2025 • Duration 58:22

Por epizodo 3.9, la Usonaj Personoj diskutas la Vojon de Sankta Jakobo / la Jakobvojon (hispane: "El Camino de Santiago”, portugale: “O Caminho de São Tiago”), laŭ kiu Brandono pilgrimis pli frue dum la jaro. Hanso klarigas la historion kaj la religiajn signifojn, kaj Brandono rakontas pri siaj spertoj, surprizoj, kaj sopiroj.

Plej grave: ĉu Brandonon plene indulgis la eklezio? Aŭskultu por eltrovi!

Ligiloj

Blogeroj de Brandono pri la Jakobvojo: Parto 1 kaj Parto 2

La Vojo de Sankta Jakobo

Subtenantoj

Dankon al Matt Brooks, Philip David Morgan, kaj Stela Besenyei-Merger pro ilia subteno!

Get full access to Usone Persone at usonepersone.substack.com/subscribe

Read moreCollapse

3.8 - Verŝu la TEJO-n

Season 3 · Episode 8

Monday, May 5, 2025 • Duration 01:40:50

Gastas ĉe nia mikrofono Tyron SURMON, prezidinto de TEJO por 2023-24.

Kun li ni multe diskutas kio funkcias bone kaj malbone en TEJO kaj en la movado ĝenerale, kia estas la sperto servi en estraro aŭ eĉ prezidi organizon, kaj kion ni prognozas por la estonteco de la movado.

Kiel juna esperantisto trovas sian vojon al TEJO? Kial TEJO-anoj apud la aĝlimo malpli ofte trovas sian vojon aktiviĝi en UEA? Ĝis kiu grado respondecas Hanso por la plej enliberafoliigindaj aferoj?

Registrita la 3an de majo, 2025

Ligiloj

Substako de Brandono

La Kaŝita Vivo de Zamenhof

Libroj:

La Sindikato de Jidaj Policistoj

Baza Literatura Krestomatio

Get full access to Usone Persone at

3.7 - Baza legolisto (2-a parto)

Saturday, April 5, 2025 • Duration 01:22:25

En ĉi tiu epizodo ni daŭrigos nian diskuton pri la Baza Legolisto kompilita de William Auld en 1988 kaj ĝisdatigita en 1997. En la 9-a epizodo de nia unua sezono, en 2023, ni diskutis la unuajn 10 verkojn en la listo, kaj hodiaŭ ni daŭrigos nian trarigardon trae.

Ni volas elkore danki Matt Brooks, nian unuan subtenanton pere de Substako, kaj ankaŭ Phillip David Morgan, kiu lastatempe abonis. Dankon, Matĉjo kaj Phillip!

Ankaŭ vi povas mone subteni nin, se vi volas helpi nin pagi la kostojn de la registrado kaj aliaj elpezoj.

Libroj diskutitaj:

Fajron sentas mi interne

Naskitaj sur la ruino (bitlibre)

Sur kampo granita

Bakŝis

Jen la sablo el mia klepsidro

La litomiŝla tombejo

Vivo kaj opinioj de mastro M'Saud

Se grenereto...

Kredu min, sinjorino!

Get full access to Usone Persone at

Ni parolez Ido!

Season 3

Tuesday, April 1, 2025 • Duration 01:02:12

Dankon pro tio, ke vi aŭskultis ĉi tiun epizodon la 1-an de aprilo! Ni atendas viajn komentojn pri nia estonta Idistiĝo. 😉

Jen la transskribo de la epizodo:

Saluto ed esez bonvenanta a tre specala epizodo di "Usono Persone". Me esas Rafa, e kun me, quale sempre, esas Hans e Brandon.

Hans: Saluto, me esas Hans.

Brandon: Saluto, me esas Brandon.

Quale vi sendubite remarkis, ni ne plus parolas Esperanto, ma Ido. Pos kelka reflekto, ni decidis, ke Esperanto vere havas nula reala chanco divenar la internaciona linguo dil tota mondo, do ni decidis lernar ed uzar Ido —specale pro ke ne plus esos obliganta uzar la akuzativo!

De nun, la podkasto Usono Persone esos en Ido e lua nomo chanjos ad "Usonez Personez", e ni kurajigas nia askoltanti adherar al maxim chida linguo-komunitato en la mondo!

Ni parolez Ido!

Irga-kaze, nia hodia temo esos la joki quin homi tra la mondo tendencas facar en Joko-dio, ye la unesma di aprilo. Dum la nexta horo ni diskutos kad esas amuziva facar tala joki, e quanta homi tendencas esar trompata da li.

…

Se vi havas pensi pri la temo di hodie, voluntez skribar ad usonezpersonez@pomo.me —quale la frukto, ne la literi.

De Rafa,

Hans,

E Brandon,

Ne esas trahizo parolar Ido!

Kaj, okaze, ke vi ankoraŭ ne Idistiĝis, jen la enhavo en Esperanto:

Saluton kaj bonvenon en tre speciala epizodo de "Usone Persone". Mi estas Rafa, kaj kun mi, kiel ĉiam, estas Hanso kaj Brandono.

Hanso: Saluton, mi estas Hanso.

Brandono: Saluton, mi estas Brandono.

Kiel vi sendube rimarkis, ni ne plu parolas Esperanton, sed Idon. Post iom da pripensado, ni decidis, ke Esperanto vere havas neniun faktan eblon iĝi la internacia lingvo de la tuta mondo, do ni decidis lerni kaj uzi Idon —aparte pro tio, ke ne plu estos devige uzi la akuzativo!

Get full access to Usone Persone at

3.6 - Toronte Estonte

Sunday, March 2, 2025 • Duration 01:16:20

En tre speciala epizodo, la usonaj personoj esploras Toronton, la urbo, kie okazos la Dulanda Kongreso kaj NASK en Julio. Ĉiĉeronas por ni Andy Blair kaj Jed Meltzer, du membroj de la LKK. Venu konatiĝi kun la ĉefurbo de Esperanto por Nordameriko en 2025!

Ligiloj

Tem-kanto de la Dulanda Kongreso

Kanada Esperanto-Asocio

Libroj:

Trezoro (parto 1)

Neŭtrale - Sten Johansson

Get full access to Usone Persone at usonepersone.substack.com/subscribe

3.5 - LIPE (kun la Esperantisto de la Jaro, Stela B-M)

Season 3 · Episode 5

Monday, February 3, 2025 • Duration 01:59:16

Por la kvina epizodo de nia tria sezono, venis al nia tablo nia kara Stela Besenyei-Merger, kiu lastatempe estis dufoje premiita, kiel la Esperantisto de la Jaro por 2024, kaj kiel la unua ricevanto de la Premio Maertens. Ni invitis ŝin por paroli pri ŝia sperto, kion signifis por ŝi tiuj premioj, kaj kial gravas rekoni la laboron kaj kontribuojn de tiuj, kiuj dediĉas sin al la afero.

Ni longe diskutis pri kial gravas lerni de veteranaj movadanoj, kaj agnoski ties kontribuojn. Nur kelkajn minutojn post la registrado, ni lernis pri la forpaso de Renato CORSETTI (1941-2025). Renato kontribuis dum jardekoj al nia movado. Inter alie li prezidis por TEJO (1971-1973) kaj UEA (2001-2007), kaj estis delonge tre aktiva membro de la komitato de UEA. Krom tio, li estis la edzo de Anna Löwenstein, nia lastatempa gasto, kaj ni sendas niajn kondolencojn al ŝi kaj al la infanoj de Anna kaj Renato. Ni bedaŭras, ke ni neniam havis okazon gastigi lin, kaj dediĉas la epizodon al li.

Registrita la 1-an de februaro, 2025.

Foto de Renato Corsetti: Aleks Aɴᴅʀᴇ - Propra verko, CC BY-SA 4.0, https://commons.wikimedia.org/w/index.php?curid=48489480

Ligiloj

Novaĵo pri forpaso de Renato CORSETTI

Esperantisto de la Jaro

Premio Grégoire Maertens

Intervjuo de Mark Fettes al Stela

Libroj

Y2K

Get full access to Usone Persone at

3.4 - Pri ĵurnalismo (kun Kalle Kniivilä)

Sunday, January 26, 2025 • Duration 01:45:28

Por la kvara epizodo de nia tria sezono, ni bonvenigas al Kalle Kniivilä, nuntempa Esperanta ĵurnalisto kiu aparte profunde verkis pri Ukrainujo kaj Rusujo dum la lastaj jaroj. Lia plej nova libro traktas la rakontojn de diversaj ukrainoj, kun la fono de la milito.

Ni registris iom post la balotado en Usono, do, la temo iĝis eĉ pli aktuala.

Ni ankaŭ parolas pri diversaj aspektoj de ĵurnalismo kaj de la nuntempa Esperanto-movado, kaj kiel ĝi povus mem iĝi pli aktuala.

Registrita la 10-an de decembro, 2024.

Ligiloj