Explore every episode of the podcast Usone Persone
| Title | Pub. Date | Duration | |
|---|---|---|---|
| Podkaste Bombaste | 31 Jul 2025 | 01:01:54 | |
Jen surpriza (ankaŭ por ni!) ‘bonusa’ epizodo! Dum la Dulanda Kongreso en Toronto, okazis diskutrondo pri podkasto, kiun partoprenis la skipo de Usone Persone, Stela B-M (por Radikala Tenero), kaj Helena Ávila (por BabiBEJO). Post la diskuto, pluraj spektantoj komentis al ni, ke ni devintus registri la diskuton kiel memstara podkasta epizodo, kaj ni bedaŭris, ke ni tion ne faris. Do, estis des pli ĝoja surprizo por ni, kiam nia amiko Alekso MILLER informis nin, ke li filmis la diskuton, kaj eĉ poste ĝin muntis!Do, se vi ne venis al Toronto ĉi-jare, ĝuu tiun ĉi kvazaŭ krosoveran* epizodon! La diskuto ankaŭ spekteblas ĉe Jutubo. *Krosovera: Komuna, kunlabora. Origininta dum nia unua viva epizodo en Ralio, 2023. Get full access to Usone Persone at usonepersone.substack.com/subscribe | |||
| 3.10 - Kanade Invade (viva epizodo) | 27 Jul 2025 | 01:12:42 | |
(Se vi ricevas tiun ĉi epizodon per podkast-aplikaĵo, sciu, ke eblas ankaŭ spekti filmitan version de ĝi ĉe nia Substak-konto!) Por epizodo 3.10, la Usonaj Personoj invadas Kanadon! Ĉi tiun epizodon oni registris antaŭ ĉeestantaro dum la Dulanda Kongreso en Toronto. Stela denove rolis kiel intervjuanto / gastiganto, sed ĉi-foje la triopo siavice preparis demandojn por la aliuloj. Oni diskutis basbalon, interŝtatalojn (kompreneble!), la novan mikronovelaron de Rafa (Centvorte) kaj ĉies spertojn dum la ĉi-jara NASK (okazinta samloke kiel la DLK). Ne maltrafu la okazon aŭskulti la solan registradon de Usone Persone en Kanado, la lando kie la podkasto koncipiĝis! Libroj Ligiloj Subtenantoj Dankon al Matt Brooks, Philip David Morgan, Ruth Kevess-Cohen, kaj Stela Besenyei-Merger pro ilia subteno! Get full access to Usone Persone at usonepersone.substack.com/subscribe | |||
| 3.3 - La Ŝtonaj Urboj (kun Anna Löwenstein) | 21 Jan 2025 | 01:24:58 | |
Por nia trideka epizodo, ni bonvenigas la verkiston Anna Löwenstein, kies plej lastatempa romano “La Memoraĵoj de Julia Agripina” ricevis la Laŭron de la Akademio en 2023. Ni parolas kun ŝi pri verkado, tradukado kaj reverkado, kaj la diferenco inter verki angle kaj verki Esperante. Kial Usone Persone estas ujista podkasto? Nepre aŭskultu por ekscii! Registrita la 9-an de novembro, 2024. Koran dankon al Alekso MILLER, kiu helpis nin solvi kelkajn sonproblemojn en la registraĵo. Se vi ne jam konas lian jutub-kanalon, “Exploring Esperanto”, ni rekomendas ĝin! Vi povas ankaŭ aŭdi lin kiel gaston en epizodo 15, “La nepoj nin benos”. Libroj menciitaj: Libroj de Anna Löwenstein ĉe FEL Lando kiu vekiĝas: rakontoj el Ukrainio Unu Palestino, Kompleta de Tom Segev Subtenu Usone Persone: Okaze de nia trideka epizodo, la tria epizodo de nia tria sezono, ni lanĉas la eblon subteni nin tri per Substako. Eblos subteni je diversaj obloj de $3. Se vi aprezas nian laboron, kaj volas helpi nin produkti pli da epizodoj, je kiom eble alta nivelo, ni tre dankus vian subtenon! Get full access to Usone Persone at usonepersone.substack.com/subscribe | |||
| 3.2 Kio kabeigus nin? | 11 Jan 2025 | 01:14:13 | |
Malgraŭ ĉiuj malgraŭoj, la usonaj personoj restas nekabeintaj - sed ĉu kabeontaj? Por satigi vian scivolemon kaj komplezi vian klaĉemon, aŭskultu tuj! Registrita la 20an de oktobro, 2024. Ligiloj Libroj Get full access to Usone Persone at usonepersone.substack.com/subscribe | |||
| Pri la afrika UK | 18 Nov 2024 | 01:39:48 | |
Ligiloj Libroj: Prezento de la libroj de Petro Desmet’ Get full access to Usone Persone at usonepersone.substack.com/subscribe | |||
| Personi Usone (kun Birke Dockhorn) | 17 Jul 2024 | 01:27:44 | |
Dum NASK, Birke Dockhorn kaj la normalaj uloj priparolas basbalon, la vivon en Usono, instruadon, kaj tiel plu. Get full access to Usone Persone at usonepersone.substack.com/subscribe | |||
| Ĉiom el la reptiloj | 22 Jun 2024 | 01:06:24 | |
Post ioma paŭzo, Usone Persone revenas por priparoli (sed ne prikrokodili) la fenomenon krokodilado. Get full access to Usone Persone at usonepersone.substack.com/subscribe | |||
| Traduku "funcle"! | 22 Mar 2024 | 01:16:11 | |
Rafa, Brandono kaj Hanso priparolas tradukadon, precipe sian propran kaj literaturan. Ho, kaj ankaŭ fonklojn. Telegrama Anonckanalo pri Usone Persone Get full access to Usone Persone at usonepersone.substack.com/subscribe | |||
| Lernu, lernu, lernu! | 09 Mar 2024 | 01:41:14 | |
Erin Piateski (Erinja) venas al Usone Persone por priparoli sian vivon en Esperantujo--kaj precipe la retejon Lernu!. Telegrama Anonckanalo pri Usone Persone Get full access to Usone Persone at usonepersone.substack.com/subscribe | |||
| La ertlita almanako | 18 Feb 2024 | 01:46:57 | |
La erudito István Ertl venas al Usone persone por priparoli aferojn plej diversajn (tamen ĉiam tanĝante iel-tiel la literaturan revuon Beletra almanako). Ĝuu!
Telegrama Anonckanalo pri Usone Persone Get full access to Usone Persone at usonepersone.substack.com/subscribe | |||
| Esperanto en la populara kulturo | 03 Feb 2024 | 01:07:28 | |
Telegrama Anonckanalo pri Usone Persone Jutuba kanalo de Esperanto-USA Libera Folio artikolo pri la podkastero Esperanto filmoj2-a Literatura Duonmaratono Get full access to Usone Persone at usonepersone.substack.com/subscribe | |||
| Ĉu fremdulo en Fanujo? | 15 Dec 2023 | 01:41:54 | |
Gastas ĉe ni la kontraŭvola ekspodkastisto Tobiasz Kubisiowski, konata aldone pro sia aktivado en PEJ, TEJO kaj la arta vivo de Esperanto. Estas malpli konate, ke li estas fervora ŝatanto de Usone persone, eble eĉ fano… En tiu ĉi epizodo, malkovru vi:
Telegrama Anonckanalo pri Usone Persone Jutuba kanalo de Esperanto-USALa plej eta librovendejo en San Francisko Get full access to Usone Persone at usonepersone.substack.com/subscribe | |||
| 3.10 - Kanade Invade (filmita viva epizodo) | 27 Jul 2025 | 01:12:34 | |
Por epizodo 3.10, la Usonaj Personoj invadas Kanadon! Ĉi tiun epizodon oni filmis antaŭ ĉeestantaro dum la vespero inter NASK kaj la Dulanda Kongreso en Toronto. Stela denove rolis kiel intervjuanto / gastiganto, sed ĉi-foje la triopo siavice preparis demandojn por la aliuloj. Oni diskutis basbalon, interŝtatalojn (kompreneble!), la novan mikronovelaron de Rafa (Centvorte) kaj ĉies spertojn dum la ĉi-jara NASK. Ne maltrafu la okazon spekti la solan registradon de Usone Persone en Kanado, la lando kie la podkasto koncipiĝis! Libroj Ligiloj Subtenantoj Dankon al Matt Brooks, Philip David Morgan, Ruth Kevess-Cohen, kaj Stela Besenyei-Merger pro ilia subteno! Get full access to Usone Persone at usonepersone.substack.com/subscribe | |||
| Jesa kaj nea (kun Stela) | 02 Dec 2023 | 01:55:03 | |
Denove Stela venas al la Usonaj personoj por priparoli siajn regulajn literaturajn projektojn--ĉi-foje, ĉefe MoVeMon. Tamen, oni povas ekscii ankaŭ:
Ligiloj: Telegrama Anonckanalo pri Usone Persone Jutuba kanalo de Esperanto-USA Substack de StelaLa plej eta librovendejo en San Francisko Get full access to Usone Persone at usonepersone.substack.com/subscribe | |||
| Kun Humphrey Tonkin | 11 Nov 2023 | 01:36:48 | |
Gastas ĉe ni la senkompara kaj nelacigebla ŝekspirologo Humphrey Tonkin, kiu lastatempe aperigis novan tradukon de Koriolano (kiun iniciatis kaj plejparte faris Marjorie Boulton). Ŝekspiro estas nia vera temo, tamen kun multe da diverĝoj en sakstratojn...
Telegrama Anonckanalo pri Usone Persone Jutuba kanalo de Esperanto-USAKursoj de la Londona Klubo Get full access to Usone Persone at usonepersone.substack.com/subscribe | |||
| Nia somero... | 29 Oct 2023 | 01:24:26 | |
Ĉu vi scivolas, kion ni faris somere? Kompreneble ni ne restas ĉe tiu temo!
Telegrama Anonckanalo pri Usone Persone Jutuba kanalo de Esperanto-USAKursoj de la Londona Klubo Eventoj: Libroj: Get full access to Usone Persone at usonepersone.substack.com/subscribe | |||
| Nur mezboneta... (kun Karina Oliveira) | 16 Sep 2023 | 01:40:41 | |
Usone persone revenas por sia dua sezono! Por inaŭguri ĝin, la triopo invitas al sia virtuala kunvenejo la plurfakan spertulon Karina Oliveira, lastatempe elektitan kiel la novan redaktoron de Kontakto. Rafa, Brandono kaj Hanso sondas ŝin pri diversaj temoj: Duolingo, la Esperanto-movado en Brazilo, la graveco de internacieco, kaj kompreneble legataĵoj. Kaj en la fino malkovru tion, kion Rafa opinias "nur mezboneta"... Ligiloj Telegrama Anonckanalo pri Usone Persone Jutuba kanalo de Esperanto-USAKursoj de la Londona Klubo Eventoj: Libroj: Ekstrakto el "La Rado de la Tempo" (Tradukita de Don Harlow) Get full access to Usone Persone at usonepersone.substack.com/subscribe | |||
| Antaŭ la fanoj (vive dum NASK) | 26 Jul 2023 | 01:03:17 | |
Usone persone venas al vi...usone kaj persone, de la sama ĉambro kun preskaŭ cent esperantistoj. Tiuj demandas al Rafa, Brandono kaj Hanso pri ĉio (sed sen garantio)...kaj la triopo rakontas pri siaj spertoj en Esperanto-lernado. Tiu ĉi estos la lasta epizodo dum iom da tempo--sed ne zorgu! Usone persone revenos por sia dua sezono post somera paŭzo. Ĝis post tio, en Esperantio! ;) Get full access to Usone Persone at usonepersone.substack.com/subscribe | |||
| La nepoj nin benos... | 10 Jun 2023 | 01:17:40 | |
Multaj el vi jam konas Alekson Miller, jutubiston kaj aktoron, kiu venas al Usone persone hodiaŭ kiel gasto. Baldaŭ debutos la 5a Usona Bona Filmfestivalo—kiel ĝi estiĝis? Kion celas Alekso kaj Esperanto-USA per ĝi? Plej grave, ĉu la nepoj lin benos? Ligiloj: Telegrama Anonckanalo pri Usone Persone Jutuba kanalo de Esperanto-USA Jutuba kanalo de Exploring Esperanto Paĝo pri la Usona Bona Film-Festivalo ĉe Esperanto-USA Eventoj: Libroj: Get full access to Usone Persone at usonepersone.substack.com/subscribe | |||
| Litove denove | 15 May 2023 | 01:37:15 | |
La triopo bonvenigas Aušrinė kaj Eidmantė, du junajn litovojn, por priparoli la eksterordinararan sukceson de la burĝonanta junulara movado en Litovujo. Laŭ la propra atesto de Brandono, dum la lasta IJF eĉ ĉeestis pli da litovoj, ol italoj! Kiel lando malpli enloĝata ol Kansaso fariĝis nova nodo por Esperanto en Eŭropo? Kial ilia sperto pruvas, ke Esperanto ja estas sekto? Aŭskultu ĉi tiun epizodon por ekscii pri ĉio ĉi…kaj ankaŭ por ekscii pri multaj aliaj flanktemoj kaj diverĝoj en sakstratojn kun viaj perdiĝemaj ĉiĉeronoj Brandono, Rafa, kaj Hanso.
Telegrama Anonckanalo pri Usone Persone Eventoj: Libroj: Get full access to Usone Persone at usonepersone.substack.com/subscribe | |||
| La strigo kaj la pitono | 16 Apr 2023 | 01:47:31 | |
Rafa, Brandono kaj Hanso priparolas ĉion hodiaŭ: la drinkaĝon en diversaj Usonaj ŝtatoj (kaj kial tio ligiĝas al interŝtataloj), pitonojn, kaj eĉ la furorantan rimedon por lerni diversajn lingvojn kvazaŭlude, Duolingon. Bonvenon al la rondo! Telegrama Anonckanalo pri Usone Persone Informo pri la forigo de aliaj E-kursoj en Duolingo Artikolo, kiu interesis Hanson en 2015 Por lerni pli bone, rezignu bone (artikolo de Hanso pri lingvolernado) Get full access to Usone Persone at usonepersone.substack.com/subscribe | |||
| Gasto Plene Trompema | 25 Mar 2023 | 01:27:32 | |
Hodiaŭ antaŭ la mikrofono Rafa, Brandono kaj Hanso bonvenigas iom nekutiman gaston. Verŝajne ĉiuj jam pri ĝi aŭdis, sed kompreneble indas esplori, kion ĝi scias, kaj kion ĝi prognozas pri Esperanto, Usone persone, kaj ĉio alia. Temas ja pri aŭtomato, kiun ni trovas Gasto Plene Trompema. Ligiloj UEA en konscio de Esperantistoj Tartarin de Alphonse Daudet, tradukita de Jean Delor kaj Paul Le Brun Al Torento (senpage alŝutebla) “The Crucible” (Angla Vikipedio) Get full access to Usone Persone at usonepersone.substack.com/subscribe | |||
| Ĝuinda por la tuta familio! | 09 Mar 2023 | 01:30:38 | |
Denove ĉe si Brandono, Rafa, kaj Hanso bonvenigas Stelan kvazaŭ la kvaran, honoran membron de Usone persone. En epizodo temanta pri literaturaj konkursoj la kvaropo priparolas la psikan impulson, kiu kondukas al Esperantumado, verkadon, kaj tiel plu. La vagado certe estos ĝuinda por la tuta familio! (Eĉ se foje aperas en ĉi epizodo sakroj mildaj.) Ligiloj I’ll Burn That Bridge When I Get To It! Get full access to Usone Persone at usonepersone.substack.com/subscribe | |||
| Voje Foje | 19 Jun 2025 | 00:58:22 | |
Por epizodo 3.9, la Usonaj Personoj diskutas la Vojon de Sankta Jakobo / la Jakobvojon (hispane: "El Camino de Santiago”, portugale: “O Caminho de São Tiago”), laŭ kiu Brandono pilgrimis pli frue dum la jaro. Hanso klarigas la historion kaj la religiajn signifojn, kaj Brandono rakontas pri siaj spertoj, surprizoj, kaj sopiroj. Plej grave: ĉu Brandonon plene indulgis la eklezio? Aŭskultu por eltrovi! Ligiloj Blogeroj de Brandono pri la Jakobvojo: Parto 1 kaj Parto 2 Subtenantoj Dankon al Matt Brooks, Philip David Morgan, kaj Stela Besenyei-Merger pro ilia subteno! Get full access to Usone Persone at usonepersone.substack.com/subscribe | |||
| Esperanto reformita?! | 31 Jan 2023 | 01:32:41 | |
Ĉu vi scias, ke en 1894 Zamenhof proponis sufiĉe drastan reformon al Esperanto? Kia ĝi estis--kaj kial la majstro tion entreprenis kiel esperinto en Grodno? Rafa, Brandono kaj Hanso prezentas la ŝanĝojn, priparolas ilin, kaj diskutas liajn kialojn. Kion vi opinias pri reformoj al Esperanto--pri tiuj ĉi, kaj pri ĉiu (aŭ ĉu ni diru pri omnu)? Skribu al ni--usonepersone@pm.me! Ligiloj: Grava artikolo pri diversaj reformproponoj de Zamenhof en Esperantologio Primaraj fontoj troviĝas en unua etapo de esperanto (pvz originalaro I); mendebla de JEI Sociolekta Triopo (inkl. Ligilojn al la PDF-dokumentoj) The Dawn of Everything: A New History of Humanity (La Krepusko de Ĉio: Nova Historio de la Homaro) Paĝo kun informo pri NI Sequoyah (ankoraŭ nenio pri la lasta novaĵo) Get full access to Usone Persone at usonepersone.substack.com/subscribe | |||
| Baza legolisto 1 | 07 Jan 2023 | 01:14:28 | |
Rafa, Brandono kaj Hanso kunvenas por respondi (almenaŭ parte) al la plej ofta demando de aŭskultantoj: kion vi opinias pri la plej famaj verkoj en Esperantujo, tiuj, kiuj troviĝas en la fama "Baza legolisto" kompilita de Auld? Get full access to Usone Persone at usonepersone.substack.com/subscribe | |||
| Mil naŭcent dek | 17 Dec 2022 | 01:17:40 | |
Rafa, Brandono, kaj Hanso priparolas la teatraĵon 1910 kun ĝia verkinto kaj du ĉefaj aktoroj, okaze de la lastatempa publikigo de la teatraĵo kiel filmo en YouTube fare de Alex Miller. Artikolo de Sro Mann (La “Mann”-uskripto) Ebrio de William Auld Beletra Almanako 43 (Bite kaj papere) Peter Jameson’s Secret Language Get full access to Usone Persone at usonepersone.substack.com/subscribe | |||
| Niaj plej bonaj spertoj | 04 Dec 2022 | 01:37:16 | |
Rafa, Brandono kaj Hanso kunvenas denove por priparoli siajn plej bonajn spertojn en Esperantujo, spronite de demando de unu el siaj aŭskultantoj (al kiu nun sagas glumarko plej luksa). Ne hezitu starigi pliajn demandojn al ni per retmesaĝo al usonepersone@pm.me! Ligiloj La kurioza incidento de la hundo en la nokto La Grafo de Monte-Kristo ĉe FEL Get full access to Usone Persone at usonepersone.substack.com/subscribe | |||
| Brite sprite | 10 Nov 2022 | 01:51:31 | |
Rafa, Brandono kaj Hanso bonvenigas la unuan fojon Tim Owen, direktoron de Esperanto-Asocio de Britio, pedagogon, kaj membron de la Akademio de Esperanto. Malgraŭ siaj eminentaj kvalitoj, Tim estas sprita, parolema brito, malteda homo kaj aparte interesa kiel gasto. En tiu ĉi epizodo tiu ĉi kvaropo priparolas la elstare fekundan produktadon de EAB dum la lastaj kelkaj jaroj--kial ĝi tiel brile sukcesas? Kiel ĝi kunlaboras kun tradukistoj, aŭtoroj, kaj eldonejoj? Kio diferencigas ĝin disde aliaj eldonejoj en Esperantujo? Bonŝance por vi, la fero daŭre ardas--se unu el niaj aŭskultantoj volas proponi sin kiel tradukiston al EAB, baldaŭ komenciĝos konkurso tiucele! Ligiloj Complete Esperanto (Librejo Esperanta en Usono) Ĉu li bremsis sufiĉe? (senpage kiel bitlibro) La kurioza incidento de la hundo en la nokto Sesdek ok (Amazon en Usono) (kiel bitlibro) La Grafo de Monte-Kristo ĉe FEL Get full access to Usone Persone at usonepersone.substack.com/subscribe | |||
| Movemuloj (kun Stela) | 22 Oct 2022 | 01:34:55 | |
Rafa, Brandono kaj Hanso denove bonvenigas Stelan por priparoli MoVeMon, kiu baldaŭ komenciĝos. Kune ili parolas pri la graveco de konstanteco en verkado kaj tradukado, kiel statis iliaj lastaj provoj en MoVeMo, kaj la libereco de nedenaskuloj. Ligiloj: Bobelarto (aliĝu tie ĉi al MoVeMo) La Grafo de Monte-Kristo ĉe FEL Proverboj sub lupeo (interesa komentario pri la proverbaro) Ulysses (tre utila aplikaĵo por organizi verkadon - kvankam nur por la operaciumo Makintoŝo) Scrivner (simile utila, havebla por Vindozo kaj Makintoŝo) Get full access to Usone Persone at usonepersone.substack.com/subscribe | |||
| Ĉu Esperanto estas sekto?! | 08 Oct 2022 | 01:29:17 | |
En tiu ĉi epizodo ni distanciĝas de temoj literaturaj kaj esploras gravan demandon: Ĉu Esperanto estas sekto? Unue, kio estas sekto? Kiel Esperanto similas (aŭ malsimilas) tion? Ĉu ni kredas, ke eblas ŝanĝi tiujn ĉi trajtojn de Esperanto, Esperantistoj kaj Esperantujo? Aŭskultu nun por malkovri ĉion ĉi... Solaris (en Usono ĉe Librejo Esperanta) Kantoj tradukitaj de Hanso en KantarViki Get full access to Usone Persone at usonepersone.substack.com/subscribe | |||
| Tradukado kaj aliaj mensogoj | 19 Sep 2022 | 01:33:40 | |
Rafa, Brandono, kaj Hanso bonvenigas vin al sia tablo por priparoli la tradukarton--kaj ĝian apartan gravecon al Esperanto. Sendu viajn reagojn, demandojn, eblajn temojn, kaj neeldonitajn tradukojn al UsonePersone@pm.me; se vi mencios vian adreson, ni sendos al vi specialan glumarkon! (Rigardu ĝin; ĝi belas--aparte konsiderante la prezon!) Ligiloj Get full access to Usone Persone at usonepersone.substack.com/subscribe | |||
| Nur duone Usone (kun Stela) | 05 Sep 2022 | 01:28:06 | |
Rafa, Brandono, kaj Hanso bonvenigas Stela kiel gaston en sia dua epizodo de Usone persone. La kongresa sezono finiĝis, sed tial estas multe pli da tempo por legi kaj pripensi la Esperanto-kulturon! Tiu ĉi epizodo estas "duone Usone", ĉar Brandono jam transiris Atlantikon reen al sia hejmo en Portugalujo, kaj Stela partoprenas la babiladon de Budapeŝto. Sendu viajn reagojn al UsonePersone@pm.me Ligiloj: Sur bluaj planedoj (ankaŭ ĉe Book Depository) Infanlibroj de EAB (ankaŭ ĉe Librejo Esperanta) Libroj de Anna Lowenstein ĉe FEL (ankaŭ bite) Lingvo kaj Vivo ĉe UEA (ankaŭ ĉe Librejo Esperanta) Don Quijote (bite kaj senpage ĉe HEF) Beletra Almanako 43 ĉe UEA (ĉe Amazon) La malamiko de Putin ĉe Book Depository (ĉe Google Play) (ĉe Smashwords) La recenzo de Hanso pri La malamiko de Putin The Idiot (ĉe Book Depository) La Grafo de Monte-Kristo ĉe FEL La bapto de caro Vladimir ĉe UEA Get full access to Usone Persone at usonepersone.substack.com/subscribe | |||
| Kvazaŭ komenco | 26 Aug 2022 | 01:04:30 | |
Ĝuu la debutan epizodon de Usone persone...en kiu Rafa, Brandono kaj Hanso priparolas la Universalan Kongreson en Montrealo, la estontecon de la Esperanto-movado en Nordameriko, kaj plurajn novajn librojn. Ligiloj: Borges kaj Esperanto (Ralph Dumain) Esperanto: Lingua Franca and Language Community (Fiedler and Brosch) Get full access to Usone Persone at usonepersone.substack.com/subscribe | |||
| 3.8 - Verŝu la TEJO-n | 05 May 2025 | 01:40:50 | |
Gastas ĉe nia mikrofono Tyron SURMON, prezidinto de TEJO por 2023-24. Kun li ni multe diskutas kio funkcias bone kaj malbone en TEJO kaj en la movado ĝenerale, kia estas la sperto servi en estraro aŭ eĉ prezidi organizon, kaj kion ni prognozas por la estonteco de la movado. Kiel juna esperantisto trovas sian vojon al TEJO? Kial TEJO-anoj apud la aĝlimo malpli ofte trovas sian vojon aktiviĝi en UEA? Ĝis kiu grado respondecas Hanso por la plej enliberafoliigindaj aferoj? Registrita la 3an de majo, 2025 Ligiloj Libroj: La Sindikato de Jidaj Policistoj Dankesprimoj: Ni volas elkore danki niajn subtenantojn Matt Brooks kaj Phillip David Morgan. Dankon al ili ambaŭ! Get full access to Usone Persone at usonepersone.substack.com/subscribe | |||
| 3.7 - Baza legolisto (2-a parto) | 05 Apr 2025 | 01:22:25 | |
En ĉi tiu epizodo ni daŭrigos nian diskuton pri la Baza Legolisto kompilita de William Auld en 1988 kaj ĝisdatigita en 1997. En la 9-a epizodo de nia unua sezono, en 2023, ni diskutis la unuajn 10 verkojn en la listo, kaj hodiaŭ ni daŭrigos nian trarigardon trae. Ni volas elkore danki Matt Brooks, nian unuan subtenanton pere de Substako, kaj ankaŭ Phillip David Morgan, kiu lastatempe abonis. Dankon, Matĉjo kaj Phillip! Ankaŭ vi povas mone subteni nin, se vi volas helpi nin pagi la kostojn de la registrado kaj aliaj elpezoj. Libroj diskutitaj: Naskitaj sur la ruino (bitlibre) Vivo kaj opinioj de mastro M'Saud Aliaj Ligiloj Get full access to Usone Persone at usonepersone.substack.com/subscribe | |||
| Ni parolez Ido! | 01 Apr 2025 | 01:02:12 | |
Dankon pro tio, ke vi aŭskultis ĉi tiun epizodon la 1-an de aprilo! Ni atendas viajn komentojn pri nia estonta Idistiĝo. 😉 Jen la transskribo de la epizodo: Saluto ed esez bonvenanta a tre specala epizodo di "Usono Persone". Me esas Rafa, e kun me, quale sempre, esas Hans e Brandon. Hans: Saluto, me esas Hans. Brandon: Saluto, me esas Brandon. Quale vi sendubite remarkis, ni ne plus parolas Esperanto, ma Ido. Pos kelka reflekto, ni decidis, ke Esperanto vere havas nula reala chanco divenar la internaciona linguo dil tota mondo, do ni decidis lernar ed uzar Ido —specale pro ke ne plus esos obliganta uzar la akuzativo! De nun, la podkasto Usono Persone esos en Ido e lua nomo chanjos ad "Usonez Personez", e ni kurajigas nia askoltanti adherar al maxim chida linguo-komunitato en la mondo! Ni parolez Ido! Irga-kaze, nia hodia temo esos la joki quin homi tra la mondo tendencas facar en Joko-dio, ye la unesma di aprilo. Dum la nexta horo ni diskutos kad esas amuziva facar tala joki, e quanta homi tendencas esar trompata da li. … Se vi havas pensi pri la temo di hodie, voluntez skribar ad usonezpersonez@pomo.me —quale la frukto, ne la literi. De Rafa, Hans, E Brandon, Ne esas trahizo parolar Ido! Kaj, okaze, ke vi ankoraŭ ne Idistiĝis, jen la enhavo en Esperanto: Saluton kaj bonvenon en tre speciala epizodo de "Usone Persone". Mi estas Rafa, kaj kun mi, kiel ĉiam, estas Hanso kaj Brandono. Hanso: Saluton, mi estas Hanso. Brandono: Saluton, mi estas Brandono. Kiel vi sendube rimarkis, ni ne plu parolas Esperanton, sed Idon. Post iom da pripensado, ni decidis, ke Esperanto vere havas neniun faktan eblon iĝi la internacia lingvo de la tuta mondo, do ni decidis lerni kaj uzi Idon —aparte pro tio, ke ne plu estos devige uzi la akuzativo! De nun, la podkasto Usone Persone estos en Ido kaj ties nomo ŝanĝiĝos al "Usonez Personez", kaj ni kuraĝigas niajn aŭskultantojn aliĝi al la plej mojosa lingvokomunumo en la mondo! Ni parolez Ido! Ajnokaze, nia hodiaŭa temo estos la ŝercoj kiujn homoj tra la mondo emas fari en Ŝercotago, la 1-an de aprilo. Dum la sekva horo ni diskutos ĉu estas amuze fari tiajn ŝercojn, kaj kiom da homoj emas esti trompitaj de ili. … Se vi havas pensojn pri la temo de hodiaŭ, bonvolu skribi al usonezpersonez@pomo.me —kiel la frukto, ne la literoj. De Rafa, Hanso, Kaj Brandono, Ne estas perfido paroli Idon! Ni kore dankas José Antonio Vergara kaj Gonçalo Neves pro ilia helpo traduki niajn petolaĵojn en Idon.Dankon ankaŭ al Stela Besenyei-Merger pro la kreo de la tre bela logotipo por Usonez Personez, kiun ni alkroĉis. Okaze ke vi volas lerni pri pli Ido, jen lernolibro por Esperantistoj. Get full access to Usone Persone at usonepersone.substack.com/subscribe | |||
| 3.6 - Toronte Estonte | 02 Mar 2025 | 01:16:20 | |
En tre speciala epizodo, la usonaj personoj esploras Toronton, la urbo, kie okazos la Dulanda Kongreso kaj NASK en Julio. Ĉiĉeronas por ni Andy Blair kaj Jed Meltzer, du membroj de la LKK. Venu konatiĝi kun la ĉefurbo de Esperanto por Nordameriko en 2025! Ligiloj Tem-kanto de la Dulanda Kongreso Libroj: Get full access to Usone Persone at usonepersone.substack.com/subscribe | |||
| 3.5 - LIPE (kun la Esperantisto de la Jaro, Stela B-M) | 03 Feb 2025 | 01:59:16 | |
Por la kvina epizodo de nia tria sezono, venis al nia tablo nia kara Stela Besenyei-Merger, kiu lastatempe estis dufoje premiita, kiel la Esperantisto de la Jaro por 2024, kaj kiel la unua ricevanto de la Premio Maertens. Ni invitis ŝin por paroli pri ŝia sperto, kion signifis por ŝi tiuj premioj, kaj kial gravas rekoni la laboron kaj kontribuojn de tiuj, kiuj dediĉas sin al la afero. Ni longe diskutis pri kial gravas lerni de veteranaj movadanoj, kaj agnoski ties kontribuojn. Nur kelkajn minutojn post la registrado, ni lernis pri la forpaso de Renato CORSETTI (1941-2025). Renato kontribuis dum jardekoj al nia movado. Inter alie li prezidis por TEJO (1971-1973) kaj UEA (2001-2007), kaj estis delonge tre aktiva membro de la komitato de UEA. Krom tio, li estis la edzo de Anna Löwenstein, nia lastatempa gasto, kaj ni sendas niajn kondolencojn al ŝi kaj al la infanoj de Anna kaj Renato. Ni bedaŭras, ke ni neniam havis okazon gastigi lin, kaj dediĉas la epizodon al li. Registrita la 1-an de februaro, 2025. Foto de Renato Corsetti: Aleks Aɴᴅʀᴇ - Propra verko, CC BY-SA 4.0, https://commons.wikimedia.org/w/index.php?curid=48489480 Ligiloj Novaĵo pri forpaso de Renato CORSETTI Intervjuo de Mark Fettes al Stela Libroj Lingua, Politica, Cultura. Serta Gratulatoria in Honorem Renato Corsetti: Festlibro en Esperanto, la itala kaj la angla (ne menciita dum la epizodo, sed bona komencpunkto por orientiĝi pri la vivo kaj verki de Renato Corsetti) Get full access to Usone Persone at usonepersone.substack.com/subscribe | |||
| 3.4 - Pri ĵurnalismo (kun Kalle Kniivilä) | 26 Jan 2025 | 01:45:28 | |
Por la kvara epizodo de nia tria sezono, ni bonvenigas al Kalle Kniivilä, nuntempa Esperanta ĵurnalisto kiu aparte profunde verkis pri Ukrainujo kaj Rusujo dum la lastaj jaroj. Lia plej nova libro traktas la rakontojn de diversaj ukrainoj, kun la fono de la milito. Ni registris iom post la balotado en Usono, do, la temo iĝis eĉ pli aktuala. Ni ankaŭ parolas pri diversaj aspektoj de ĵurnalismo kaj de la nuntempa Esperanto-movado, kaj kiel ĝi povus mem iĝi pli aktuala. Registrita la 10-an de decembro, 2024. Ligiloj Artikolo de Kalle pri ties Esperantistiĝo Intervjuo al Kalle fare de Nicola Ruggiero pri la verkado de Kalle Intervjuo al Kalle fare de Hanso pri la libro "Lando kiu vekiĝis" Libroj: Eldonejo Mondial, kun pluraj libroj de Kalle Radical de Sofia Warren Get full access to Usone Persone at usonepersone.substack.com/subscribe | |||