Explore every episode of the podcast 童顏中女的雲遊

今日就係香港電影金像獎啦，近年大家對港產片既關注度高咗，連幕後功臣既功勞都被留意，呢集請咗《窄路微塵》服裝造型設計Bonnie，講吓戲入面點解Angela飾演既清潔工，著得咁colorful 啦!

呢個podcast本身因為疫情而設，其中一個初衷係講旅行，但今年開返關，都好少更新。

我唔會摺咗呢度，會不定期營業。

今年最大得著係好多嘢都唔同晒，學咗年幾瑜伽既我，上咗瑜伽師資課程，用另一角度認識瑜伽，仲學識檢視自己既身心。

目標定喺一小步，會增加成功感，都減少咗批判自己，愛自己多啲。

新一年祝大家身心安好。

冇update podcast其中一個原因係有段時間半休息，雖然學過嘢好充實，生活分分鐘忙過以前，唔知點解冇乜勇氣講近況，但最近多返人問我podcast既嘢，所以分享少少啦。

人類太依賴智能手機，隨傳隨到覆message成為習慣，專業到好似24小時客戶服務專線，真係忍無可忍，係時候擺低手機一陣，過返啲實在既生活，每日一兩個鐘都已經足夠。

呢個佛系經營podcast隔咗好耐終於有update啦，要自己唔好心急為update而update，但好易因為拖延症變懶，唔緊要，呢次係由心而發既update，齊來深呼吸，重新出發。

MIRROR成為廣告商寵兒，佢哋既廣告無處不在，亦帶挈ViuTV收入，鏡粉紛紛支持偶像代言既產品或服務，你又有冇買埋一份呢?

蘋果日報突然同全港市民道別後，中女回顧2009年在台灣蘋果日報實習，同2011至2013年在動新聞工作既趣事。

近來唔少人想移民，或者已經移民咗去英國，唔少人會想像女仔嚮往溝鬼仔，食洋腸，等移居英國多年既巴辣姐分享吓佢既睇法啦。

「坎坷過後有艇搭」，我唔係幫緊昔日偶像黎明賣廣告，只係發生咗一件瘀爆事，中女認為同坐錯飛機差唔多級數，就係搭錯船，差啲有家歸不得T.T，好彩有一種神奇交通工具打救我。

大家對以前既頒獎禮開始厭倦，ViuTV Chill Club頒獎禮畀人耳目一新既感覺，有個環節係一人一票選新人，但原來部分人係我十年前喺亞視工作已認識，佢地係參加過《亞洲星光大道》歌唱比賽，台上一分鐘，台下十年功，所言非虛。

港台節目《五夜講場》係其中一個受歡迎節目之一，最近差啲停播，好彩最後無事，今集請咗「文學放得開」主持甄拔濤上黎講吓製作流程同感受。

太耐冇update，終於恢復元氣，不過復活假前夕遇上MIRROR但認唔到，太柒了

唔少人諗移民，台灣係其中一個熱門選擇，曾任旅遊記者嘅Cherry現居台南，佢唔係移民，而係旅居，究竟係乜東東?住台北同台南有乜分別?點識朋友?聽吓就知啦。

中女過咗個摺摺生日同新年，畀自己靜下休息下，單身多年都慣情人節毒自過，有時羨慕街裡愛人一對對，但有時享受「其實自己一個更開心」既生活。

今集係突發special，有幸被邀試玩Clubhouse，入過唔同房聽來自各行業既勁人講嘢，自己亦發表過膠論，係咁二講兩句用後感。

近日國家最高領導人著嗰件褸，成為傳媒報道焦點=.=以前喺倫敦就係喺呢個牌子打工，見證住呢個牌子易手嘅命運...仲有機會同CEO見面，但沒半點興奮-,-

米奇是中女人生天敵，將我恐懼憂慮展現得淋漓盡致，腦海有揮之不盡的陰影，一星期後，心情先慢慢平復。

聽完叱咤頒獎禮，唔知滿唔滿意賽果?同大家回顧數下中女去年最愛的廣東歌，同細數返以前做功課+音樂節目接觸過歌手既經歷。

聖誕令我掛住倫敦，但一個武肺打亂大家平時過節生活，英國仲有變種病毒，唔知大家點過呢?

今集怒氣當頭，可能有少少mean，細數一啲我頂唔順既事，例如寫錯字、已讀不回等...同場加映茶理妹妹既分享。

搬入黎梅窩，忙坐車，忙freelance，荒廢咗個podcast，到想錄音時，怕無人再聽，隔離座鄰居鬧交爆粗聲，令自己卻步...趁想逃避寫稿，勇氣未算最低時錄咗佢，希望大家原諒我無厘神氣啦。

今集嘉賓James曾經喺澳洲留學，當年試過去主流戲院睇戲，無字幕聽唔明英文，有少少挫敗(英國主流戲院都一樣)，結果喺Arthouse cinema搵到樂趣，嗰度放映既電影有字幕，仲令佢對文化藝術產生興趣添。

近來無更新podcast，因為忙於搬屋，希望大家仲記得。在倫敦搬屋唔難，行裝少，唔使自己買傢俬，返香港一年，一係唔搬，一搬就向高難度挑戰，去大嶼山，仲有奇妙經歷--單車失而復得，日日新鮮。

今集繼續有《投資唔講廢話》主持人阿樂，分享畢業幾年做過啲咩工，睇唔出佢年紀輕輕，對升職加人工有獨特但忠於自我既見解。

當你轉工或接job，少不免要開個價，當唔同人以唔同理由想壓價，你會逆來順受，定係好清楚自己應得既價錢?錢唔係單一標準，衡量事物既價值，今集亦會講下自由定價既概念。

今集請黎呢排好紅既podcaster阿樂，佢係《投資唔講廢話》既主持人，簡單分享開channel、投資既原因，亦會講少少旅行，不過我邀請佢既時候，搞出一個天大誤會。意猶未盡唔使擔心，仲有續集。

大不列癲佬喺倫敦從事金融業，究竟佢點樣搵工，職場生活係咪多姿多彩，職場文化同香港有乜唔同呢?聽完自有分曉。

今集嘉賓係住喺倫敦既金融才俊大不列癲佬，佢除咗文質彬彬，係立場博客，facebook專頁有二千幾人like，仲係靚聲王，幾年前做過電台主持既佢，黎緊再喺大氣電波出沒，大家記住留意啦。

插畫師含蓄在今年三月，乘坐日本封關前最後一班航機至當地，展開舊東海道為期41天的徒步旅程，由東京走到大阪，走了超過560公里，為了這個旅程，他更減了90磅，告別肥仔生活。疫症蔓延的旅途風光與別不同，旅伴Jason負責拍照，他加上有趣的插畫，記錄途中的點滴。

藝術家程展緯最近根據銅鑼灣Don Don Donki員工的投訴，指出店長不讓收銀員於無客人時坐椅子休息，要求店舖遵守勞工處指引，給予員工在適當時間坐下休息，Don Don Donki表示會跟進。此外，這事勾起中女在大學時期當超市收銀員，於倫敦當侍應及售貨員，需長時間站立工作的回憶。提提大家，有時要懂得為自己爭居取應有權益，唔好硬食，職業無分貴賤，不論白領藍領，任何打工仔都應備受尊重。

「從何時你也學會不要離群，從何時發覺沒有同伴不行」，很多時候會掙扎應該跟大隊，還是按照自己步伐隨心而行，相信不少人因此迷失過，停一停，諗一諗，再上路，今集就講吓自己做節目既感受，加上最近發生既事，引發我既無聊心態。

受疫情影響，今年大家都成為了不能飛翔的旅人，所以請一位嘉賓，帶大家用耳朵旅行，佢就係阿翔，足跡遍及全球，由去澳洲working holiday，到四圍踩單車，最威水係由香港大埔踩去南非，係一位文武全才又堅毅既旅人，「最美的風景，總是在最艱辛的路上。」正正體現佢旅行既心路歷程。同佢傾下留家抗疫生活之餘，亦帶大家去中亞帕米爾高原單車之旅，同場加映講下旅行遇到二三事，包括煮飯，解決「大小事」等，發現香港人資源充足，其實好幸福。

宅在家生活苦悶，索性搵朋友吹水，錄呢集節目係我第一次同呢位嘉賓傾計，我喺倫敦住喺其中一間屋(唔係怪事發生嗰度)，開心到唔捨得走，我以前住既閣樓，而家到佢接棒。佢叫Sttail，今次聽下佢working holiday既生活，包括倫敦封城前後，當地天氣同日照時間適應，變慳妹既心路歷程，喺香港同倫敦做咖啡師既分別，當然唔少得最近至hit既去留問題。