同香會 The Aromatherapy Club ｜ 廣東話香薰治療 精油調香 – Details, episodes & analysis

原來嗅覺同認知功能有好大嘅關係? 有不少研究就就發現嗅覺變差會是很多認知疾病嘅先兆，新冠之後大家嘅腦霧就係其中一種！今集同大家分享三個研究實證用精油香氣幫助改善認知功能的方法！

上集同大家分享咗要點樣睇精油標籤，今集就同大家分享一下，點樣可以透過我哋嘅視覺同嗅覺，去判斷精油嘅品質。咁樣先可以知道，佢會唔會可能因為唔小心保存而變質，同埋買得更安心！

2024唔經唔覺已經過咗個半月，你今年嘅新年大計已經完成咗幾多呢？想提升工作效率其實精油都好幫到手！今集會分享幾分精油嘅研究，睇下尤加利、迷迭香、苦橙葉等點幫到我哋做嘢！

屋企有好多精油但唔知點用？想用精油調香但成日失敗？《同香會》將會以聲音帶你感受香氣，一同探索唔同精油嘅特性同功效，一齊享受天然香氣嘅好處！

唔想喺買精油嘅時候中伏，咁就要睇清楚個標籤！原來佢哋嘅產地、萃取方法都暗藏好多密碼？今集就同大家分享一下點樣睇當中嘅內容

雖然天氣開始回暖，但係時不時一陣雨🌧️，就會令到氣溫突然之間急降。多變嘅天氣好容易就會冷親，出現上呼吸道嘅感染同感冒。今集就同大家分享下，如果小朋友遇上呢啲問題，可以用咩精油幫手呢？🌱用嘅時候有咩方法同有咩要注意呢🧐？

*如果身體不適嘅情況已經持續多日，記住要去尋求醫生嘅專業意見！

畀自己大約四分鐘嘅休息時間，放低所有煩嘅事，好好同自己連結，放鬆咁感受植物香氣🌱

唔知呢排大家壓力大唔大呢？2023香港有調查指出87%嘅汄都有壓力,所以今日就同大家講下精油係點樣幫到大家去舒緩壓力，亦都同大家分享一個三角呼吸練習，希望大家係好大壓力嘅時候，都一齊聞住精油，好好放鬆放鬆💆🏻‍♂️💆🏻‍♀️

又到咗呢個潮濕嘅天氣，成日覺得好攰好眼瞓，屋企個感覺又唔舒服，究竟有咩精油可以幫到手？今次就同大家分享幾支春天潮濕必備嘅精油！