Explore every episode of the podcast Les Fartures

Comenzamos el programa falando con Juanjo Arrojo, ún de los grandes fotógrafos d'Asturies, y la persona que más retrato la etnografía y la gastronomía n'Asturies. Vamos charrar con él de la so historia, de los sos trabayos más reconocíos y tamién de cómo ye asemeyar el paraísu. Acabamos el programa con Natalia d'Animales Viajeros, que va llevanos a percorrer les capitales andaluces. De xuru que nun les conoces toes, asina qu'esti ye un bon programa pa qu'entames una escapadina a cualesquier d'elles.

Comenzamos el programa falando con Cami Bada, de Casa Alfonso. Restaurante allugáu n'Oceño, nel valle altu de Peñamellera. Un templu de la bona cocina, famosu pelos sos tortos con cabrales y picadiellu, y cabritu d'aquella fastera con patatinos. Siguimos con Xurde Morán, tamos n'A Fontaneira, y vamos falar de músicos ciegos, de grandes batalles na domina del reinu asturianu, tamién de batalles escontra los frances y cómo non, de dalgún chigrín. Acabamos el programa entamando una nueva seición con Xandru Martino, escritor, filólogu, traductor, lletrista, académicu de la llingua ... Y tamién repunante. Vien a falanos de les Repunancies de Branu mientres esti branu como bon ribeseyanu que sufre la invasión turística.

Comenzamos el programa falando con Tarucu, conceyu pa la recuperación y la memoria la cultura'l maíz n'Asturies. Vienen al programa Miguel Sierra, Moisés Noval, Javier del Valle y Verónica, integrantes de Tarucu. Vamos falar con ellos de toles actividaes qu'entamen y tamién de la importancia del maíz n'Asturies. Acabamos el programa colos Entremeses Repunantes de Sara Ceballos. Güei vamos falar de les coles nes sidreríes, de les panaderíes que ya son Bakeries, del meyor pescao ye'l madrilanu y de los precios dinámicos. Venimos cargaos de repunancies!

Comenzamos el programa falando con Fran Heras, de Mi Candelita, que vuelve al programa a falar de La Calma, la nueva terraza qu'inauguró esti branu na parte d'atrás de Mi Candelita. Elli desendolca un conceutu más informal que nel restauran, pa picar dalgo viendo les maraviyoses vistes sobro Bañugues y la so sablera. Y de pasu, vamos falar de temes como'l personal o la conciliación y la hostelería. Acabamos el programa falando con David Tejerina, propietariu y cocineru de Sidrería Canteli. Amás de too ello, ye activista de milenta lluches sociales mientres munchos años, y güei vien a visitanos a la radiu pa falar de la gastrificación que les ciudaes asturianes, sobre manera, de Xixón. Él ye un afeutáu, ya que la propiedá quier vender la so sidrería. Falaremos con él de chigres, turismu ya identidá.

Comenzamos el programa falando con Laura y Juan, qu'acaban d'abrir un chiringuitu nel área recreativa d'As Pedreiras, en Porcía, nel conceyu d'El Franco. Juan a les brases, y Laura a los mandos de los vinos, quieren ofrecer un puntu distintu más de calidá pa poder comer y beber bien. Seguimos con Rafa Raigoso, qu'acaba tamién d'abrir el restaurante Buenavista en Perlora, con unes vistes precioses sobre la mar. Arroces, guisos, bona cocina asturiana, enllena de bon productu. Rafa quien alloñase del típicu sitiu pa turistes pa facer una cocina curiosa de calidá. Acabamos el programa con María d'Embutíos El Cuco, empresa de tresformación cárnica que lleva abierta dende 1958, y qu'amás de los clásicos, tien una llínea prestosa ecolóxica, con embutíu más saludable y tamién, con productos veganos.

Comenzamos el programa falando con Native, vuelven a Les Fartures, porque crez la familia con Edy y Kevin, dándo-y un cambéu de rumbu al restaurante p'alloñase d'esa sofisticación de los etiquetaben pa caltener esa gastronomía popular que tanto-yos (y nos) presta. Continuamos con Samuel, de Zángana Hidromiel, que vuelve a entamar esti fin de selmana qu'entra en Candas l'HidromielFest. Vien a cuntanos les novedaes y tolo que nun te pues perder del Festival. 17 y 18 de Xunetu en Candás. Acabamos el programa con Juanjo y Rosi, Cafés El Gallu. Xunión astur-peruana pa trayer los meyores café de Perú a Asturies.

Comenzamos el programa falando con Asturcel, una nueva asociación creada al rodiu la celiaquía. La so idea ye ameyorar la concienciación sobre la enfermedá, y pa ello cuntamos con Eugenia Tellez, Asturceliaca; Aida Maestro, doctora especialista en medicina deportiva; y Jose Manuel Caso, téunicu n'industria alimentaria y docente. Acabamos el programa con Xuan F. Piloñeta, presidente de la Fundación Belenos, que vien a falanos de la Nueche de San Xuan. Lleendes, gastronomía, ritos ... De xuru que vas conocer munches de les coses de les que vamos falar, y otres ... Non.

Güei yo vine equí a falar del mio llibru, pero non de cualesquier manera. Vino a Les Fartures, María Herrero, que de normal veisla faciendo los informativos na TPA, con una imaxe muncho más seria, a falar de Les Farturrutes 2. Dempués vienen Didier Robles, de La Esquina de Gijón, campeón del mundu de maduración de carnes; y Sergio Prieto, de La Excusa Perfecta, que tan a piques d'abrir un nuevu restaurante en Xixón: Madurado. Carnes maduraes, delles races, incluyíes les asturianes, y bona bébora, nun conceutu nuevu na ciudá.

Comenzamos el programa falando con Daniel Exner, de Finca Gallinal. Una de les mayores pumaraes d'Asturies, que va abrir esti añu pa poder facer visites y medrar la cultura de la mazana, y la sidra, n'Asturies. Vamos falar con Daniel de la profesionalización nel sector, y tamién sobre la utopía d'aspirar a que tola sidra asturiana tea fecha con mazana asturiana. Acabamos el programa falando con Jesús Morata, que xunto con July Escobare va facese cargu d'Eni's Bar, el chiringu de playa que ta en San Antolín, en Llanes. Jesús amás ya sabéis que vien al programa a falanos del so propiu aceite, asina que vamos aprovechar tamién a que fale de les prebes d'aceite que ta faciendo per Asturies.

Comenzamos el programa falando con Iván Martínez Villar, de El Dolar. Míticu llocal nel centru d'Uviéu que reabre agora como restaurante, de la mano d'Iván. Vamos falar con él de la so trayeutoria como cocineru, y tamién de tolo que ta faciendo n'El Dolar. Acabamos el programa con Javi Solís y Verónica García-Peña, qu'esta vegada nun vienen falar de lliteratura y gastronomía cola so Casa Gris. Non, esta vegada vienen falar del so propiu llibru, "Guardianas de las Tierras del Norte", onde falen sobre les divinidaes mitolóxiques asturianes y vasques de la mitoloxía, y acaben cada estaya con un relatu de ficción cola divinidá como protagonista escrito por Verónica.

Comenzamos el programa falando con Angel Repinaldo, qu'acaba de ganar el concursu a la meyor Fideuá del mundu en Gandía. De Valencia pa Candás. Amás ganó l'añu pasáu’l concursu al meyor cachopu 2025 y foi finalista del concursu al meyor pote. Una casa onde'l pexe ye'l rei pero que, como véis, va perbién nes carnes y nos guisos. Acabamos con Borja Iglesias, del Abrelatas, que vuelve coles sos Palabres Vieyes al programa. Esta vez ensin guión y con dellos temes a tratar, onde la risa siempre va tar presente, pero ensin quitar seriedá a tolo que tratamos.

Comenzamos el programa falando con Omar Teixeira, concursante de Masterchef 14. Vamos falar con él sobre la so esperiencia nel programa, y tamién de RatioX, un mapa de conteníos onde va ayudanos a optimizar tola comida que tenemos na nevera. Una aplicación de baldre qu'esti inxenieru informáticu espertu n'IA asoleya pal mundu. Acabamos el programa falando faciendo un homenaxe a Magdalena Alperi, que dexónos va pocu. Vamos repasar la so historia y too'l trabayu que dexó de la mano de Marcos Cienfuegos.

Comenzamos el programa falando con Diego Fraile, del restaurante Diferente, de L'Entregu. Diego ya tuvo nel programa va unos años, pero repite por cuenta qu'acaba mudase al famosu llocal de La Conda, tamién en L'Entregu. Vamos falar con él d'esti cambéu y tamién de la so esperiencia cocinando n'Ibiza. Acabamos el programa con Jorge de Conde Prendes, una de les principales distribuidores de vinos d'Asturies. Va cuntanos la so historia, cómo empezaron vendiendo vinos a granel, y tamién llexía, hasta tener más de 2500 referencies nel mundu del mundu. Una charra per interesante al rodiu'l mundu del vinu.

Comenzamos el programa falando con José Couto, celiacu, que tien una cuenta nomada "Putos Celiacos" onde fala dende l'humor de la so enfermendá. Tamién tien otra, más seria, "Sin Gluten se puede vivir", onde tamién fae recetes. Acabamos con Natalia, d'Animales Viajeros, que vien a falanos del Valle del Jerte, cola so famosa floración de los crezos.

Comenzamos el programa falando con Juanjo Cima, que vien a falanos del Día del Tortu, el TortuDay, que ya va pela cuarta edición. Un alcuentru onde axunta xente venceyada al mundu de les redes y de la gastronomía asturiana pa poner en valor el nuesu tortu. Pero amás, nesta edición vien con una sorpresa, entama Cafés El Gallu, una empresa de café d'especialidá que vien direutamente de Peru. Acabamos el programa con Sandra Gómez, conocida en redes sociales como Saltando la Dieta, qu'acaba d'espublizar el so primer llibru de recetes "Mis Recetas infalibles". Vamos charrar con ella sobre'l so llibru, les sos recetes, y tamién d'esti mundu interesante de les redes sociales.

Comenzamos el programa falando con Pablo Canal, o Pablo El Sidru; y con Helder Ferreira, direuto del XVIII Festival Internacional de la Máscara Ibérica, que va celebrase per primer vegada fuera de Portugal, y va ser n'Asturies. Vamos charrar con ellos de la importancia na cultura de les mazcaraes, de les estremaes representaciones per toda Europa, pero con un continium cultural, y cómo non, de la montonera actividaes que van entamar. Acabamos el programa falando con Damián Arana, que va facer el próximu 10 de Xunu una preba de vinos a ciegues a favor de la Asociación STOP Ceguera. Vamos charrar con él del podcast nel que forma parte, "Descorchados", y aprovechando que vien, de cómo ve'l vinu anguaño.

Comenzamos el programa falando con Israel Moreno, cocineru Estrella Michelín del restauran de Ribeseya, y con Roberto de Cerveza Ordum, qu'acaben d'ellaborar una cerveza pal so restaurante. Vamos falar del procesu de creación d'una cerveza que lleva ¡¡ocle!!, y frutos coloraos, y que van ufiertar nel menú degustación dempués del vinu. Y acabamos el programa tamién con Israel Moreno, al que-y va acompangar Samuel, el so sumiller. Tres la polémica cola marcha del proyeutu de Marcos Granda, Israel pon los puntos sobre les íes y aclara tolo que quien qu'aclarar sobre Ayalga y la so Estrella Michelín.

Comenzamos el programa falando con Leticia Martínez, técnica de turismu de la mancomunidá del Nalón; y con Natalia Lobeto, de Quesería Redes. Vamos falar de la marca de calidá qu'acaben d’entamar nel Nalón col nome "Cocina de Carbón", onde quieren puxar pela gastronomía de la cuenca'l Nalón. Acabamos el programa con Sara Ceballos, que vien colos sos Entremeses Repunantes. Güei va repunanos del supermercáu que va desaniciar les pescaderíes y va vender namás pexes en bandexes de plásticu, de los coffee corners de les influencers y del campanu.

Comenzamos el programa falando Julio y Nidia, de Casa Xurde, n'Arenas de Cabrales. Xurde, que ye'l so fíu, da tamién nome al so restaurante, un sitiu onde vas comer perbien, y qu'amás, ye preciosu. Pero ye qu'amás, a Julio y a Nidia-yos xunen los deportes d'aventura, y munches más coses que vas deprender d'ellos nesta entrevista. Acabamos el programa con La Casa Gris, con Javi Solís y Verónica García-Peña. Güei vienen a falanos de "La Cabaña del Tío Tom", con confusión de versiones incluyía. D’Harriet Beeche Stowe, prohibía nel so momento por defender el desaniciu de la exclavitú nos EEXX d'America.

Comenzamos el programa falando de Vegaredes, les segundes xornaes vexetarianes nel Parque natural de Redes. Van venir al estudiu Adrián, del Balcón de Redes; y Fran del Texu - Tierra del Agua a falanos de les sos propuestes de menú pa estes xornaes, y tamién de la importancia de facer esti tipu d'alcuentros. Acabamos el programa con Xuan F. Piloñeta, presidente de la Fundación Belenos, que va venir a falanos del Antroxu, cola importancia de les mazcaraes, les distintes representaciones, y, tamién, la so gastronomía venceyada.

Comenzamos el programa falando con Mayte y Paco, el relevu nel nuevu Tendejón de Fernando, tres la xubilación de Fernando y Rosa. Un relevu natural porque ya se conocen dende va años, y amás Mayte y Paco son vecinos del mesmu Tendejón. Vamos falar con ellos del relevu, de cómo caltienen la ganadería de Fernando, y de los distintos tipos de clientes que tienen elli cola llegada los peregrinos. Acabamos el programa con Engel y Fulgencio Argüelles, que vienen a falanos de Cervesía. El primer festival de Cerveza Artesano y Poesía ¿del mundu? Van facelo'l sábadu que vien en Cenera (Mieres) y van cuntanos tolo que tienen elli preparáu.

Comenzamos el programa falando con Monchi Álvarez, l'home pegáu a una radiu que podemos esfrutar toles tardes na RPA dende cuantayá, y qu'acaba d'espublizar namás y na menos que dos llibros sobre Xixón. "Rincones de Gijón", con ilustraciones de Miguel Watio; y "Gijón en la Memoria", con semeyes de Juanjo Arrojo. Acabamos el programa con Xurde Morán, col que siguimos percorriendo'l Camín a Santiagu. Ya dexamos Fonsagrada, y vamos conociendo pueblinos y, dalgún de los sitios históricos onde paraba l'afición del Sporting camín de Lugo.

Comenzamos el programa falando con César Casado, cocineru del Married. Married foi una ayalga que taba va años n'Uviéu, ufiertando cocina distinta, mui creativa, a perbon preciu. Agora, n' Ḥontoria, Llanes; cocinando nun pequeñu y preciosu hotel, alloñáu de los focos mediáticos y cola tranquilidá del pueblu, pero con un Sol Repsol. Ún de los meyores cocineros d'Asturies. Acabamos el programa con Marcos Cienfuegos, que vien a la radiu con Julio Fernández, presidente de la IXP Miel d'Asturies. Vamos falar de tolos usos que tien el miel, amás de los llambiones, de dalguna creación que fizo Marcos pa llevar a congresos gastronómicos al rodiu'l miel.

Comenzamos el programa falando con Pedro Morán, 4ª xeneración de Casa Gerardo, ún de los restaurantes más afamaos d'Asturies, cola Estrella Michelín más vieya que tenemos, y que continua na so quinta xeneración col so fíu, Marcos. Vamos falar con él de la hestoria la so casa de comíes, de cómo llegó la cocina creativa a Asturies, y de cómo conformaron una xeneración que sentó los pegollos de la nueva cocina asturiana. Y de lo de siempre, a lo nuevo. Vamos falar tamién con Héctor Fandiño, premiu Talento by Abril 2026. Un concursu entamáu per una marca d'aceites gallega qu'acaba de ganar un cocineru mozu de la escuela d'hostelería de Morea.

Comenzamos el programa falando con Jon Tillman, que mudó cola so familia de los Apalaches norteamericanos a Asturies, y lleva escribiendo dende entós una wikipedia sobre la gastronomía asturiana. Vamos falar con él de cómo ve la nuesa, que ya ye suya, gastronomía; y tamién de les conexones entre la so fastera y la nuesa por cuenta la emigración de mineros asturianos a trabayar el cinc. Acabamos el programa con Guillermo, Paloma, Isabel y Elvira, de 1901 Cocina Gustosa, y Hotel Las Indianas. Un hotel indianu preciosu en Nueva de Llanes, onde Guillermo y Paloma, del Parador del Rey, mudaron la so cocina.

Comenzamos el programa falando con Enol, de Xagó Surf. Acaben d'empezar la so séptima temporada na sablera de Xagón, en Gozón, rescatando'l míticu Bar Quedevo y convirtiéndolo nun sitiu d'alcuentru pal pueblu, pa los turistes, pal mundu cerveceru y pal mundu del surf. Cerveces propies, pizzes de Zio Pig, surf y una montonera d'eventos y conciertos n'un de los sitios de moda d'Asturies. Acabamos el programa falando con Barbara y Yareah, d'El Trasgu la Fronda, una granxa escuela y muncho más en Llaviana. Sé granxeru per un día, o xúnete a les sos rutes teatralizaes de "L'Aldea Perdía". Pero tamién encarga ún de los sos menús, onde la estrella ye la so sidra y'l corderu a la estaca.

Comenzamos el programa falando con Edén Jimenez, del Grupu Divenire. Edén forma parte de La Esquina del Peso, L'Amasería, Las Terrazas de Sardalla y El Balcón de Bueño. Una charra sobre hostelería, gastronomía, cómo xestionar negocios, y la vida en xeneral, con una de les persones más inquietes nesti mundiu n'Asturies. Acabamos el programa con Xurde Morán, tamos ya saliendo d'A Fonsagrada, que ye un conceyu per grande, y tien munchos rincones ainda por descubrir.

Comenzamos el programa falando con Jose Álvarez, de la Taberna Narciso, Mónica Armantina, y Xuan F. Piloñeta, de la Fundación Belenos, que vienen a falanos de la Escuela de Teitáu, que van entamar esti branu pa Teberga. Una convivencia onde vas remocicar un teitu mientres unos díes arrodiáu n'andecha d'espertos na materia. Amás vienen a falanos qu'el próximu día 1 convoquen a tolos que se quieran apuntar na braña'l Rebe ḷ ḷón con folixa, charres y tamién gastronomía. Acabamos el programa con Javi Solís y Verónica García-Peña, que vienen a la radiu cola so Casa Gris a falar de lliteratura y gastronomía. Nesta ocasión, de Jane Eyre, de Charlotte Brontë.

Comenzamos el programa con Borja Alcázar del Abrelatas, que vien a la radiu a falanos de les males crítiques que reciben los restaurantes nes redes sociales. Un tema polémicu nel que vas acabar llorando de risa por cuenta dalguna crítica qu'arrecibió Borja. Acabamos el programa con Sara Ceballos que vien colos sos Entremeses Repunantes. Falaremos d'OTEA, de llambionaes de Selmana Santa y de si somos más de bocartes o de sardines.

Comenzamos el programa falando con Bea y Dani, Umami. Dos hermanos que ya lleven 9 años al frente del únicu teppanyaky d'Asturies. Cocina xaponés, con toque de plancha, saliéndose de los tópicos del país y cola posibilidá d'acompañalo de bebíes sorprendentes, ya inclusive cócteles. Acabamos el programa con Marcos Cienfuegos, que vien acompañáu d'Elena Gómez, presidenta de la IXP Choscu de Tinéu. Vamos falar con ellos del choscu, al que-y lleven años dándo-y un bon emburrión, pero qu'aínda sigue siendo abondo desconocíu pa munchos y munches asturianes.

Güei vamos falar con 3 muyeres enllenes de talentu y remangu, con Luci de La Tabernilla de Oviedo, con Mirta de El Torneiro, y con Mariali, de El Verano. Centru, Occidente y Oriente nun mesmu programa, 3 guisanderes, amás de les más moces, que vienen con una nueva visión sobre la gastronomía. Vamos falar de guisar, de la muyer na gastronomía y va cuntanos dalguna sorpresina que tienen ente manes.

Comenzamos el programa falando con Ángel, del restaurante Arraigo, na Posada de Llanera. Un restaurante onde se guisa, onde nun hai atayos, onde los callos y les cebolles rellenes son d'otru mundiu, y onde la güerta propia (y dientro poco, dalgo de ganadería) tien muncha importancia. Acabamos el programa con Los Vicentos, dende Cabrales, un grupu musical que naz al rodiu la gastronomía. Muncha folixa, pero tamién muncha fartura.

Comenzamos el programa falando celebrando'l 40 Aniversariu de Casa Pedro, el gran restaurante asitiáu en San Xuán de Parres. Vamos cuntar cola presencia de Cristian y Aroa, y tamién de Yolanda, so ma, que xunto con Pedro, entamó esta guapa historia. Acabamos el programa falando del nuevu llibru d'Arantza Margolles, "Rutas con historia por Asturias", onde axunta rutes coles sos histories, munches d'elles desconocíes, detrás.

Comenzamos el programa falando con Adrián Fernández, propietariu de la bodega Señorío de Ibías, una de les más premiaes y reconocíes dientro la DOP Cangas. Allugada en Cecos, Ibias, lleva ellaborando vinos dende 2018. Amás tien nel mercáu’l primer rosáu ecolóxico dientro la DOP. Acabamos el programa con Jose González, del restaurante-hotel-spa el Tixileiro, cerca de la bodega de Señorío de Ibias, tamién dientro del conceyu d'Ibias. Va preparar mientres esti mes d'abril un menú "Ushido" con carne wagyu A5 y posibilidá d'agospiamientu. Pero amás falaremos de les dificultaes de tener un restaurante nuna fastera tan alloñada.

Especial de Les Fartures dende Gastroḷḷar. Parte 2 Comenzamos el programa falando con Jose Berasaluce, una de les mayores eminencies nel mundu gastronómicu español. Direutor d'artes y humanidaes de la UCA, la Universidá de Cádiz. Direutor del master d'innovación de la cultura gastronómica de la UCA, y autor de llibros tan afamaos como "El engaño de la gastronomía española". Acabamos el programa falando con Inés Butrón, una de les escritores y divulgadores más afamaes na gastronomía española. Profesora d'Historia de la gastronomía na Basque Culinary Center, Collaboradora de dellos medios y autora del afamáu blog "Hule y Mantel".

Especial de Les Fartures dende Gastroḷḷar. Aprovechamos l'alcuentru de Gastro ḷ ḷar pa entrevistar a delles personalidaes nel mundu la gastronomia. Comenzamos con Yolanda León, el 50% de Cocinandos xunto con Juanjo. Estrella Michelín nel preciosu Palaciu San Marcos de Lleón, cola que vamos falar d'estrelles, productos llioneses, y cómo se siente ser de les poques muyeres cabezaleres na gastronomía española. Siguimos con Rubén Morán, qu'en Posada de Valdeón ta faciendo del so Desván Valdeón un destín onde axunta a la perfeición tradición y novedá, Vamos falar de turismu, d'andoyes (androjas como dicen p'allá) y de lo difícil que ye caltener un restaurán nun pueblu con per pocos habitantes. Y acabamos el programa con Juan Carlos García, del Estrella Michelín Vandelvira. "Ún de los restaurantes más guapos d'España", asitiáu en Baeza, Jaén. Vamos falar con él del peligru de la gastrificación y de cómo caltener ser un restaurante pal pueblu mientres l'alta cocina cada día ye namás pa les élites.

Comenzamos el programa falando con Lluis Nel Estrada de Gastro ḷ ḷar, el festival gastronómicu qu'entamó esti fin de selmana y tien les sos principales actividaes mientres el llunes ya'l martes. Va cuntanos tolo que van facer, pero tamién vamos falar de gastrificación y gastronomía asturiana.  Acabamos el programa viaxando pel mundu gracies a Natalia d'Animales Viajeros (.es). Nesti programa Natalia va llenanos a Viena, falaremos de los indispensables que tienes que visitar, de los recovecos prestosos que namás ella conoz, pero tamién de lo que ties que comer ellí. 

Comenzamos el programa falando con Álvaro y María, un madrilanu y una venezolana qu'atoparon l'amor n'Asturies y abrieron el so propiu restaurante tres, sobre manera Alvaro, tar cocinando en dellos restaurantes importantes. Agora en Cualloto, Anma ye un restaurante frescu, onde Álvaro asoleya la so creatividá y María alluma la sala. Acabamos el programa con Xuán F. Piloñeta, de la Fundación Belenos, que vien a falanos del Ciclu d'Iviernu n'Asturies. Equí nun valen les estaciones como los entendemos agora, equí ye la natura y la collecha la que marca'l ritmu añal y la que dicta'l trabayu ... Pero tamién les folixes.

Comenzamos el programa falando con Jose Antonio Campoviejo, El Corral del Indianu, que cumple esti xunu 30 años al frente del so restaurante. 27 d'ellos con Estrella Michelín de siguío. Vamos falar con él de cómo xestionar tantos años un restaurante con tanto ésitu, facelo rentable, y alloñáu de les zones más turístiques d'Asturies. Una conversación seliquina al rodiu la gastronomía asturiana con ún de los sos meyores cocineros. Acabamos el programa con Xurde Morán, col que siguimos percorriendo'l Camín de Santiagu. Tamos en Fonsagrada, onde atopamos tanta ufierta cultural y gastronómica, que Xurde sigue, un programa más, falándonos d'ella. Y sí, hai muncho más que pulpu ellí.

Comenzamos el programa falando con Susana García, que cumple 10 años col so blog de recetes de cocina "Piruletas de Jamón", espublizando'l so nuevu llibru "Asturias en el Plato", con 72 (+1) recetes de la gastronomía asturiana. Un llibru prestosu, didáuticu, perfácil d'usar, con, amás, una fotografía bien cuidada. Acabamos el programa con Mariana, de La Miga de Mariana. Vamos un pasín más allá, y dempués de falanos de les dificultaes téuniques entamando'l so nuevu obrador, tamién vamos falar del gastu personal y emocional que conlleva entamar nuevos proyeutos.

Comenzamos el programa repunando con Sara Ceballos y los sos Entremeses Repunantes. Güei va falar de Bud Bunny, de la nueva cafetería de moda con estética xaponesa de Xixón, de la polémica de l'angula y del nuevu centru comercial Cotsco en Sieru. Acabamos el programa con La Casa Gris, la sección onde Javi Solís y Verónica García-Peña axunten lliteratura y gastronomía. Güei vienen a falanos de "Leyendas" de Gustavo Adolfo Bécquer, un clásicu del que, de xuru, ainda nun lo sabes too.

Comenzamos el programa falando con Julín Menéndez, de La Raíz 15, qu'acaba de tornar de Madrid Fusión col premiu a la Segunda Meyor Croqueta nel concursu qu'elli entamen. Vamos falar con él del concursu, de tolo que vivió en Madrid Fusión, y tamién de tolo que fai na Raíz 15. Acabamos el programa con David Vilasboas, amigu asturianu que trabaya dende va años en Supervivientes, n'Honduras. Abrimos pa unos díes a los y les oyentes de Les Fartures la oportunidá d'unvia-y a David toles preguntes de tolo que queríen saber del programa y él va contestar ... Tolo que-y dexen les sos cláusules de confidencialidá.

Comenzamos el programa falando con Luis Menéndez, d'Alalunga, qu'acaba volver de Madrid col premio embaxo'l brazu de la Meyor Tapa d'España en Madrid Fusión 2026. Vamos falar con él d'"Andarrica", la tala con sabor a andarica cola que trunfó, pero tamién de cómo Luis ta axudando a camudar la cultura'l pinchu n'Asturies, ganando tolos concursos dientro y fuera d'Asturies. Acabamos el programa con Juanjo Cima, de Las Tablas del Campillín y La Taberna Asturiana, que vien a la radiu a falar de la 4ª Edición del PoteDay. El día qu'axunta influencers y demás gandaya al rodiu'l Pote. Un día festivu, pero qu'amás, vien siempre con unes xornaes del Pote nos sos restaurantes. Atentos, nesta edición, con Croqueta de Pote.

Comenzamos el programa falando con Cesar Antón, de Pastelería El Fontán. Pastelería de Tinéu que lleva abierta dende 1960 y de la que César ye ya la segunda xeneración. ¿Probablemente les meyores milfueyes del mundu? Si nun lo son, tan cerca. Pero ye qu'amás, fai una montonera de coses más de les que nos va falar. Acabamos el programa con María Arias Fotografía. Una cámara de TV que tamién ye fotógrafa y que lleva munchos años dedicada a la semeya gastronómica. Vamos falar con ella de la importancia d'una bona imaxe nun chigre, pero tamién del engañu de munches de les semeyes que vemos que nun correspuenden cola realidá.

Comenzamos el programa falando con Cerveza Scone, una de les cerveces más veteranes na escena asturiana. De Xixón, faciendo cerveza dende 2017. Tienen amás, na so fábrica, la opción de poder visitalos, con una preba de cerveces y quesos asturianos; y una zona de bar pa dir a tomar unes cerveces. Acabamos el programa con un poco de metal, Caballo Moldavo. Grupu que lleva dende 2019 dando caña n'Asturies, con un direutu prestosu onde vas acabar col cuellu rotu de tanto solmenar la melena ... Los que la tengan, claro.

Comenzamos el programa falando con Mario, de Cerveza Limbo. Una nueva cervecería qu'acaba d'abrir nel paséu la Playa San Llorienzu de Xixón, a pie de playa, y, qu'amás, tien la so propia fábrica de cerveza nel so llocal, lo que la convierte n'ún de los pocos brewpubs d'Asturies. Acabamos el programa con Xurde Morán, siguimos en Fonsagrada, conociendo tolos chigres, cafeteríes, confiteríes ... El conocimientu de Xurde nun tien fin.

Comenzamos el programa falando con Cristina y Calor, de Pantry By Eleonore, qu'acaben de ganar el concursu al meyor roscón 2026. Una pastelería qu'entamó a partir d'un restaurante gastronómicu en Salinas, y qu'agora ye uno de los referentes nel mundu la pastelería. Amás, con pizzes, brunch, eventos, parte salada, un proyeutu pa facer la so propia cerveza y la so propia soda; y la vuelta del restaurante pa esti branu. Acabamos el programa con Alba Abiega, qu'abandonó'l mundu les multinacionales pa entamar col so pa, Alba en Ribera, una bodega de vinos de Ribera de Duero mui asturiana. Un proyeutu preciosu qu'amás vien con premiu, el so primer vinu, Alba desde Cero, acaba de ser nomáu "Mejor Vino Tinto de España 2024" pa la Guía de Vinos Gourmet 2026, amás d'algamar 91 puntos Parket.

Comenzamos el programa falando con Mario y María, de Casa Mario, sidrería que lleva unos aniños en La Felguera dándonos munches allegríes. Lo de siempre, pero más nuevo y bien fecho, col puntu amás que Mario ye cortador de xamón y fai una amiestu de Sidra y Xamón única n'Asturies. Acabamos el programa falando de les Xornaes de Caza de Redes que van celebrase esti fin de selmana que vien nos conceyos de Sobrescobiu y Casu. Vienen a venos Néstor, del Restaurante Los Cabornos, de Sobrescobiu; y Diego, del Restaurante Arniciu, de Casu.

Comenzamos el programa falando con Bibiana y Julieta, madre y fía, d'el restaurante El Cencerro. Uno de los restaurantes más míticos y queríos de Xixón. Lleven 18 años abiertes y van cuntanos el secretu pa la so llonxevidá calteniendo la calidá. Carne de la buena, pero muncho más, nun sitiu afayadizu y prestosu a dos pasos del centru la ciudá. Acabamos el programa con Natalia, d'Animales Viajeros (.com), que vien a falanos d'estaciones de sky, de les de casa y les d'acullá. Va cuntate les más prestoses, les meyores pa esquiar, les que tienen más folixa y tamién va repunar de dalguna.

Comenzamos el programa falando con Aitor Luis Vega y Patricia y Borja del Nieto's. Acaben d'axuntase pa crear L'Asturiana, la nueva hamburguesa qu'el Nieto's va presentar al Campeonatu d'España d'hamburgueses. Caúna lleva un cachín de quesu azul de Los Caserinos, marcáu a soplete. Acabamos el programa con Xuán Fernández Piloñeta, que vien a presentanos l’últimu númberu de Belenos, la revista qu'asoleya la Fundación Belenos. Bichos, historia, arqueoloxía, etnografía ... n'una de les revistes con mayor calidá que vas atopar nel mercáu.