Explore every episode of the podcast ពាក់កណ្ដាល ៥០០០ ព្រះវស្សា

📝សំណេរលោកពូ ខឹម វាសនា ថ្ងៃទី 10.02.2021 សំណេរជាសម្លេង÷ ពួកអឺរ៉ុប គ្រាន់តែចិត្ត វាមិនស្គាល់ផង។ មនុស្សគឺចិត្តហ្នឹងហើយ សំបកជាជំរករបស់ចិត្តទេ តែសំបកវាមិនដឹងអីទេ ដែលដឹងគឺចិត្ត ចិត្តគឺមនុស្សហ្នឹងហើយ តែមនុស្សលោកខាងលិច មិនស្គាល់ចិត្តជាអ្វីផង តើអោយវប្បធម៌របស់ពួកគេ មានភាសាឬពាក្យសំគាល់អារម្មណ៍របស់ចិត្តយ៉ាងម៉េចទៅកើត? មនុស្សខ្មែរដែលមិនដឹងរឿងនេះ គេបកប្រែ Mind នៃភាសាលោកខាងលិចថាចិត្តហើយ mind បកប្រែថាចិត្តយ៉ាងម៉េចទៅកើត បើក្នុងអារម្មណ៍វាគ្មានរូបារម្មណ៍នៃចិត្តហ្នុងផង។ ចិត្តគឺមនុស្ស បើមិនទាំងស្គាល់ថាចិត្តហ្នឹងជាស្អីផង អញ្ចុងវាស្គាល់មនុស្សយ៉ាងម៉េចទៅកើត? Mind ក្នុងអារម្មណ៍វាគឺ Thinking ។ សូមក្មួយៗគិតមើល Thinking គឺគិតទេតើ ហើយគិតគឺសាច់ខួរក្បាលធ្វើការជាមួយនឹងចិត្តបានចេញសមិទ្ធិផលជាការគិត។ តើបកប្រែពាក្យថា Mind គឺចិត្ត តើពួកអឺរ៉ុប ពេលលឺយើងនិយាយថា my mind តើវាសម្គាល់ដឹងក្នុងអារម្មណ៍ថាម៉េច? តើត្រូវអារម្មណ៍នៃចិត្តដែលយើងចង់ប្រាប់វាដែរ ឬទេ? ហើយបើចិត្តគឺមនុស្សវាមិនស្គាល់ផង ទៅរៀនចិត្តសាស្ត្រពីលោកខាងលិចដូចសាកលវិទ្យាល័យហាវើត តើវាបង្រៀនយើងពីអ្វី? អ្នកទៅរៀនចិត្តសាស្ត្រពីទីនោះ តើឆ្កួត ឬមិនឆ្កួត? អំពីរឿងចិត្ត រឿងមនុស្ស អ្នកដែលយល់ដឹងល្អិតល្អន់ជាងគេបំផុតមានតែព្រះសម្មាសម្ពុទ្ធទេ បន្ទាប់មក លោកក៏បង្រៀនអោយយើងបានស្គាល់អំពីចិត្តនេះដែរ ដូច្នេះដែលត្រឹមត្រូវនោះ យើងត្រូវបង្រៀនអំពីចិត្តដល់លោកខាងលិចមានសាកលវិទ្យាល័យហាវើតនោះជាដើមផង។ [...] សំណេរដើម៖ https://www.facebook.com/photo?fbid=3045432712351469&set=a.1376628242565266 #វប្បធម៌លោកខាងលិច

សំណេរលោកពូ ខឹម វាសនា ថ្ងៃទី09.02.2021

សំណេរលោកពូ ខឹម វាសនា ថ្ងៃទី០៦ គុម្ភៈ ឆ្នាំ២០២១

សំណេរលោកពូ ខឹម វាសនា ថ្ងៃទី ០៥ គុម្ភៈ ឆ្នាំ២០២១

ថ្ងៃ​​ទី​ ២០.១០.២០២០

លោក​ពូ​ ខឹម​ វាសនា​ ពន្យល់​ធម៌​ក្មួយ​ៗ​ នៅ​ចំការ​ខេត្ត​សៀមរាប​ ៣១.១០.២០២០

លោក​ពូ​ ខឹម​ វាសនា​ ពន្យល់​ធម៌​ក្មួយ​ៗ​ នៅ​ចំការ​សៀមរាប​ ភាគ​ ទី​២​ ថ្ងៃ​ទី​ ៣០​ តុលា​ ឆ្នាំ​២០២០

ថ្ងៃ​ទី​ ១៤​ កុម្ភៈ​ ឆ្នាំ​២០២១

ចិត្តកតញ្ញូជាធម៌មេហ្វូងនៃកុសលធម៌ទាំងឡាយ សំណេរជាសម្លេង-28-01-2021 .................... ព្រះពុទ្ធប្រាប់យើងថា ចិត្តកតញ្ញូ គឺជាចិត្តមេហ្វូងគេ ដែលនឹងត្រូវនាំមុខគេក្នុងការដឹកនាំកុសលចិត្តនិងបណ្តុះកុសលធម៌ទាំងឡាយទៅអោយចិត្ត។ គិតអោយយល់នៅក្នុងវិញ្ញាណរបស់អ្នកនូវអត្ថន័យដែលព្រះពុទ្ធចង់ប្រាប់យើង។ ស្អីជាចិត្តកតញ្ញូ? ស្អីជាកុសលរបស់ចិត្ត? លក្ខណៈល្អនៃសណ្តានចិត្តទាំងអស់ជាកុសលរបស់ចិត្ត រាប់ចាប់តាំងពីលក្ខណៈឧស្សាហ៍ ព្យាយាម ចិត្តចូលចិត្តត្រិះរិះ ចិត្តតតាំងប្រឈមនឹងរឿងគួរប្រឈម ចិត្តស្អប់អំពើអាក្រក់នៅជាមួយមិនបាន និងអាសវៈកំលាំងធាតុទឹករុំចិត្តដូចជា ចិត្តករុណា សណ្តោស អធ្យាស្រ័យចំពោះរឿងគួរសណ្តោស ចិត្តមេត្តា ចាំអនុស្សាវរីយ៍ សប្បាយនឹងបានលះបង់អោយមនុស្សមានតំលៃគួរលះបង់អោយ សុទ្ធតែកុសលចិត្តដែលត្រូវតម្រង់ផ្លូវអោយត្រូវដោយបញ្ញាឬចិត្តកតញ្ញូទាំងអស់ ដូច្នេះចិត្តកតញ្ញូវាត្រូវតែជាធម៌មេហ្វូងគេនៃកុសលធម៌ទាំងឡាយហ្នុងហើយ។ ធម៌កតញ្ញូមិនត្រឹមតែជាមេហ្វូងនៃកុសលធម៌ទាំងឡាយប៉ុណ្ណោះទេ តែជាធម៌សំរាប់ធ្វើអោយចិត្តដុះកុសលធម៌ទាំងឡាយផងដែរ។ [....] សំណេរដើម៖ https://www.facebook.com/Mr.KhemVeasna/photos/a.1533663870212224/3073232326255363/

សំណេរលោកពូ ខឹម វាសនា ថ្ងៃទី 26.01.2021 ការដឹង​កំហុស​ ...............វាគ្មានបញ្ហាអ្វីទេអំពីអតីតកាលដែលអ្នកបានធ្វើកំហុសនោះ។ សូមអ្នកកុំឈឺចាប់នឹងទង្វើដែលអ្នកបានធ្វើចំពោះខ្ញុំអី ឈប់គិតសៅហ្មងនឹងកំហុសអតីតកាលរបស់អ្នកទៅ ចិត្តខ្ញុំដែលរងរបួសដោយទង្វើអតីតកាលរបស់អ្នក កំពុងរង់ចាំការព្យាបាលដោយអ្នកហើយ បើអ្នកព្យាបាលត្រូវ របួសខ្ញុំប្រាកដណាស់នឹងជាសះស្បើយដោយគ្មានបន្សល់ទុក នូវស្លាកស្នាមរបួសអ្វីបន្តិចសោះក្នុងជម្រៅចិត្តខ្ញុំ។ នេះជាចិត្តអធ្យាស្រ័យខ្ពស់ដែលជាសម្រស់ពិតនៃចិត្តខ្ញុំ។ ឥឡូវនិយាយដល់ផ្នែកខាងអ្នកដែលជាអ្នកបានធ្វើកំហុសលើខ្ញុំ តើអ្នកនឹងព្យាបាលរបួសខ្ញុំដោយរបៀបណា? គឺគ្រាន់តែអ្នកបានគិតយល់ គិតយល់គឺដឹងនូវគ្រលុកក្រលាក់នៃកំហុស នេះគឺជាការដឹងនូវកំហុសគឺដឹងនូវទំហំកំហុសរបស់អ្នក ការដឹងនេះវាជាដំណើរចាកចេញពីកំហុសបាត់ទៅហើយ។ ក្នុងការដែលដឹងនូវទំហំកំហុសខ្លួនរួចហើយ អ្នកលែងជាអ្នកបានធ្វើកំហុសលើខ្ញុំឬកំហុសណាមួយហើយ តែផ្ទុយទៅវិញ អ្នកក្លាយទៅជាជនរងគ្រោះដ៏គួរអោយសង្គ្រោះដោយការអត់អោនឈប់ត្រូវបានគេរំលឹកពីកំហុសអតីតកាលនោះទៀតហើយ បើមានអ្នកណានិយាយពីកំហុសឆ្គងអតីតកាលនាំអោយមានការឈឺចាប់ដល់របួសរបស់អ្នក គឺអ្នកនោះទេគឺជាមនុស្សដែលបានធ្វើកំហុសគួរអោយស្អប់ចំពោះអ្នក។ ប៉ុន្តែខ្ញុំសូមរំលឹកអ្នកដែរថា របួសស្នាមនៅលើចិត្តខ្ញុំមិនទាន់បានព្យាបាលនៅឡើយ ដោយពាក្យរបស់អ្នកថា អ្នកបានធ្វើកំហុសណាមួយមកលើខ្ញុំនោះទេ ព្រោះការដឹងកំហុសមិនមែនគ្រាន់តែពាក្យឬគ្រាន់តែជាការដឹងសរុបៗ ច្បោលៗ នូវកំហុសនោះទេ តែជាការដឹងគ្រលុកគ្រលាក់ខុស ខូចរបស់អ្នក អ្នកដទៃមើលឃើញភាពខុសភាពខូច គេស្អប់អំពើនោះប៉ុណ្ណា អ្នកមើលដឹងនូវកំហុសនោះ ហើយស្អប់ខ្លួនឯងដូចអ្នកដទៃដែរ គឺអ្នកមិនលម្អៀងមកខាងអញទេ ហើយការដឹងកំហុសរបស់អ្នកនេះត្រូវបញ្ជាក់ដោយវិញ្ញាណដឹងតាមទ្វារខួររបស់ខ្ញុំ គឺខ្ញុំដឹងនូវទំហំនៃការឈឺចាប់របស់អ្នកចំពោះកំហុសនោះ។ ចិត្តអ្នកកំពុងដំណើរការដឹងនូវកំហុសទៅ វិញ្ញាណតាមទ្វារមនោរបស់ខ្ញុំនឹងតាមដឹងជាប់ជានិច្ចដោយស្មោះត្រង់ និងដោយចិត្តសណ្តោសនូវការដឹងកំហុសរបស់អ្នក។ ពេលដែលវិញ្ញាណតាមទ្វារមនោរបស់ខ្ញុំបានដឹងពីទំហំនៃការឈឺចាប់ ខ្មាស់អៀននិងសោកស្តាយរហូតដល់កម្រិតអ្នកដឹងពិតប្រាកដនៃទំហំកំហុសរបស់ខ្លួនហើយ នោះរបួសស្នាមក្នុងជម្រៅចិត្តខ្ញុំ នឹងត្រូវបានព្យាបាលជាដាច់គ្មានសល់នូវស្លាកស្នាមដ៏តិចតួចណាមួយនោះទេ ហើយក្នុងចិត្តខ្ញុំ អ្នកមិនមែនជាអ្នកបានប្រព្រឹត្តិកំហុសទេ តែគឺជាជនរងគ្រោះដែលគួរអោយអនុគ្រោះសណ្តោសជាទីបំផុត។ គ្មានបុគ្គលណានៅលើលោកនេះអាចចាកចេញពីកំហុសរបស់ខ្លួនបានដោយសម្ពាធពីអ្នកដទៃដូចជាអ្នកខ្លាចអំណាច អ្នកខ្លាចបាត់ប្រយោជន៍ណាមួយ ឬខ្លាចទទួលទណ្ឌកម្មណាមួយនោះទេ គឺការចាកចេញពីកំហុសបាន លុះត្រាតែអ្នកសម្លឹងតាមទ្វារខួរឃើញពីទំហំ គ្រលុកគ្រលាក់ គួរអោយស្អប់ គួរអោយខ្មាស់អៀន គួរអោយឈឺចាប់នៃកំហុសខ្លួននោះ៕

សំណេរលោកពូ ខឹម វាសនា ថ្ងៃទី 25 មករា ឆ្នាំ 2021

សំណេរ​លោក​ពូ​ ខឹម​ វាសនា​ ថ្ងៃ​ទី​ 09​ កក្កដា​ ឆ្នាំ​2020

លោកពូ ខឹម វាសនាបកស្រាយព្រះធម៌ដល់ក្មួយៗ នៅចំការខេត្តសៀមរាប

សំណេរ​លោក​ពូ​ ខឹម​ វាសនា​ ថ្ងៃ​ទី​ ០៦​ កក្កដា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ០៥​ កក្កដា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ០៤​ កក្កដា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ១៣​ មិថុនា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ១៦​ សីហា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ 13​ សីហា​ ឆ្នាំ​ 2020

សំណេរ​លោក​ពូ​ ខឹម​ វាសនា​ថ្ងៃ​ទី​24​.08.2020

សំណេរ​លោក​ពូ​ ខឹម​ វាសនា​ ថ្ងៃ​ទី​ 14​.08.2020

សំណេរលោកពូ ខឹម វាសនា ជាសម្លេង-25-01-2021 ...............នៅលើលោកនេះ បើមនុស្សថោកឬថ្លៃ ល្អអាក្រក់ព្រោះសំដីគេថា នោះគ្មានទេមនុស្សល្អថ្លៃថ្នូរ។ មនុស្សថោកឬថ្លៃ ល្អឬអាក្រក់ អាស្រ័យលើសភាពពិតរបស់ចិត្តនៃបុគ្គលនោះ ហើយសភាពចិត្តនោះវានឹងស្តែងចេញតាមទង្វើរបស់បុគ្គលនោះផ្ទាល់ ដូច្នេះហេតុអ្វីពាក្យសំដីរបស់អ្នកដទៃ ឬការកាត់តរូបភាពផ្សេងៗរបស់អ្នកដទៃ ទៅជាមានសំពាធមកលើចិត្តរបស់យើងទៅកើត? ចិត្តដែលរងសម្ពាធពីពាក្យសម្ដី ឬទង្វើរិះគន់ណាមួយរបស់អ្នកដទៃមកលើខ្លួន នោះហើយជាចិត្តរងលោកធម៌ដែលព្រះពុទ្ធលោកសម្ដែងនោះ។ ពូចេញដំណើរក្នុងការបម្រើវិស័យពន្យល់ដែលជាធម្មជាតិរបស់ពូ ពូត្រូវគេវាយប្រហារច្រើនរូបភាពរាប់មិនអស់ ប៉ុន្តែទង្វើរបស់ពួកគេតាមរូបភាពណាក៏ដោយមិនអាចបង្វែរដំណើរផ្ដល់បញ្ញាអោយវិញ្ញាណសត្វរបស់ពូបានទេ។ ពាក្យនីមួយៗ រឿងរ៉ាវអ្វីមួយ ឬគំនិតណាមួយដែលត្រូវយកមកពន្យល់រាស្ត្រ ពូគិតទៅគិតមកក្នុងធម្មជាតិវិញ្ញាណជាអ្នកពន្យល់របស់ពូល្អិតល្អន់អស់ហើយ គិតឃើញថាត្រូវតែពន្យល់មនុស្សអំពីពាក្យហ្នឹង អំពីគំនិតហ្នឹង អំពីរឿងរ៉ាវហ្នឹង គិតប៉ុន្មានដង គិតគ្រប់ជ្រុងជ្រោយ នៅតែរកឃើញថាគំនិតហ្នឹង ពាក្យហ្នឹង រឿងរ៉ាវហ្នឹងត្រូវ ហើយវាគួរតែយកទៅពន្យល់មនុស្សហើយ គឺអារម្មណ៍ពូបាញ់ឆ្ពោះទៅរកវិធីបញ្ចេញគំនិតនោះ រឿងរ៉ាវនោះ ពាក្យនោះអោយបានជាមូលដ្ឋានក្នុងការពិចារណាទៅអោយវិញ្ញាណមនុស្ស។ ពូគ្មានដែលរងសម្ពាធរបស់ពាក្យសម្ដី ឬអំពើវាយប្រហារណាមួយមកលើពូទេ ពូដឹងក្នុងចិត្តច្បាស់ថា គេមិនយល់ គេវាយប្រហារជារឿងធម្មតាដែលនឹងត្រូវកើតមានចំពោះពូទេ។ ពូនឹកក្នុងចិត្តថាមនុស្សរយរណូករណែលពេញតែផែនដីទេដែលចិត្តរបស់ពួកគេរងសម្ពាធលោកធម៌អ៊ីចឹងនោះ តែចំពោះពូដែលសារជាតិជាអ្នកពន្យល់ផ្ដល់ចំណេះដឹងដល់វិញ្ញាណមនុស្ស លោកធម៌គ្មានឥទ្ធិពលចំពោះចិត្តពូទេ សរសើរពូគ្រាន់តែដឹងថាគេសរសើរត្រូវ ជាអារម្មណ៍អ្នកបានទទួលអ្វីដែលពូពន្យល់ បង្អាប់គឺជាអ្វីដែលនឹងត្រូវកើតមាននៅពេលដែលមនុស្សមិនយល់ពីការពន្យល់របស់ពូ។ អារម្មណ៍ពូប្រឆាំងដាច់ខាតនឹងអារម្មណ៍ដែលគេបញ្ចេញមកថាធម្មតាដើមឈើខ្ពស់តែងតែត្រូវរងឥទ្ធិពលខ្យល់បក់បោកអញ្ចឹងហើយ នេះជាចិត្តដែលរងសម្ពាធលោកធម៌ទេ ចិត្តពូខុសពីសភាពចិត្តបែបហ្នឹងដាច់អាល័យ។ ពូឈរក្នុងភាពជាអ្នកពន្យល់យ៉ាងរំភើយត្រដែតត្រដឹមខ្ពស់ផុតអស់ចិត្តមនុស្សក្នុងលោកប្រកបដោយទំនុកចិត្ត។ មកដល់ពេលនេះទើបពូដឹងថាហេតុអ្វីចិត្តពូខ្ពស់ផុតអស់មនុស្សយ៉ាងនេះ? អូ! ពូយល់ហើយនេះជាចិត្តរបស់ព្រហ្មរក្សាលោកដែលមកយកសំបកមនុស្សដើម្បីជួយពន្យល់យិតយោងវិញ្ញាណសត្វ កុំអោយដាំក្បាលចុះទៅក្រោមនាពាក់កណ្ដាលកម្លាំងត្រាស់ដឹងរបស់ព្រះពុទ្ធព្រះនាមសមណគោតមនោះទេតើ! ពូសើចម្នាក់ឯង អូ! អ៊ីចឹងបានជាវាអ៊ីចឹង! អ៊ីចឹងបានវាត្រឹមត្រូវតាមសភាពជាអ្នកពន្យល់។ អើ! អ៊ីចឹងបានវាត្រូវ គឺវាត្រូវតែអ៊ីចឹងហ្នុងហើយ! ចិត្តមនុស្សដែលឈរយ៉ាងរំភើយត្រដែតត្រដឹមផុតអស់ចិត្តមនុស្សក្នុងលោកដោយហេតុបីយ៉ាងៈ ទីមួយៈ ដឹងយ៉ាងច្បាស់អ្វីដែលយើងកំពុងតែធ្វើនោះ កំពុងតែប្រកាន់យកនោះជារឿងត្រឹមត្រូវ ហើយអ្វីដែលមនុស្សទូទៅកំពុងតែធ្វើនោះជារឿងខុសទេ។ ទីពីរៈ សប្បាយចិត្តពេញចិត្តនឹងកំណើតរបស់ខ្លួនដែលខុសគេ មិនឆ្កួតដូចមនុស្សគគោករណូករណែលលើផែនដីនោះ។ ទីបីៈ គិតយល់តើឧបសគ្គយ៉ាងម៉េចដែលនឹងត្រូវកើតមានចំពោះខ្លួនបើសិនណាជាខ្លួនធ្វើទង្វើដែលខ្លួនយល់ថាត្រឹមត្រូវប្រឆាំងនឹងទង្វើរបស់មនុស្សរណូករណែលពេញផែនដីនោះ។ បើថ្លឹងថាខ្លួនមានសមត្ថភាពអាចទប់ទល់នឹងឧបសគ្គដែលនឹងកើតមានចំពោះខ្លួននោះហើយ គឺចិត្តនឹងត្រូវឈរលើផ្លូវខុសគេរបស់ខ្លួនយ៉ាងហី។ នេះជាហេតុផលបីយ៉ាងរបស់ចិត្តដែលរួចផុតពីឥទ្ធិពលលោកធម៌។ ជាអ្នកដឹកនាំមនុស្ស ឬជាអ្នកនាំផ្លូវមនុស្ស បើចិត្តនៅរងសម្ពាធលោកធម៌ កុំធ្វើជាអ្នកនាំផ្លូវគេ ទុកអោយគេជានាំផ្លូវខ្លួនវិញទៅ៕

សំណេរ​លោក​ពូ​ ខឹម​ វាសនា​ ថ្ងៃ​ទី​ 28.01.2021

#សំណេរខ្លីៗជាសម្លេង -ការប្រតិកម្មតបទៅនឹងសត្វទុគ្គតិភព 23-01-202 ....... សត្វនិយាយយល់គ្នាបានមិនមែនលូនចូលទៅក្នុងបេះដូងគេដើម្បីមើលចិត្តគេទេ គឺស្តាប់គេនិយាយហើយ យកចិត្តខ្លួនទៅស្ទង់ចិត្តគេ ឬយកបញ្ញារបស់ខ្លួនទៅស្ទង់ចិត្តគេ ហើយយល់ចិត្តគេ ដឹងថាគេចង់យ៉ាងម៉េច។ សត្វទុគ្គតិភព ស្ទង់ចិត្តគេ តាមតែសភាពចិត្តខ្លួនទេ ព្រោះចិត្តសត្វទុគ្គតិភពគ្មានបញ្ញាទេ ព្រោះចិត្តវារុំកំលាំងធាតុភ្លើងធ្វើអោយចិត្តដែលកើតពីកំលាំងវិលបញ្ច្រាស ហៅថាវិប្បយុត្តិគឺគ្មានបញ្ញាទេ ដូច្នេះសង្ខេបដោយខ្លីពីសភាពលក្ខណៈនៃមនុស្សដែលមានបញ្ញាគឺសម្គាល់ដោយសមត្ថភាពអាចស្ទង់យល់ចិត្តគេបាន បើសង្កេតឃើញថាគ្មានសមត្ថភាពស្ទង់យល់ចិត្តគេបានទេ គឺគ្មានបញ្ញាហ្នុងហើយ វាអាចជាសត្វទុគ្គតិភពហ្នុងហើយ។ ពូសុំរំលឹកមេរៀនចាស់របស់ពូវិញថា ចិត្តកត្តញ្ញូ ឬចិត្តមានបញ្ញាគឺអាចស្ទង់ចាប់សញ្ញាចិត្តគេត្រូវ រួចហើយប្រតិកម្មតបវិញមិនលើសមិនខ្វះ។ ឥលូវរៀនស្ទង់ចាប់សញ្ញាចិត្តគេសាកមើល មនុស្សដែលនិយាយវាយប្រហារឌឺដងឡែបខៃ ឬបង្ហាញការមិនចាប់អារម្មណ៍ចំពោះចិត្តខ្វល់ខ្វាយ ចិត្តផ្ដល់អោយ ចិត្តសង្រ្គោះប្រកបដោយទស្សនៈវិស័យច្បាស់លាស់នៃLDPចំពោះសុខទុក្ខនិងបញ្ហាទាំងអស់របស់ពលរដ្ឋខ្មែរ តើក្មួយៗស្ទង់ចិត្តអ្នកទាំងនោះឃើញថាចិត្តអ្នកទាំងនោះមានសភាពយ៉ាងម៉េចដែរ? គឺជាមនុស្សអាត្មានិយមគិតតែប្រយោជន៍ផ្ទាល់ខ្លួន មិនដែលមានវិប្បដិសារីដែលខ្លួនគិតខុសទៅលើគេនោះទេ ប្រភេទចិត្តទាំងនោះគឺបើធ្វើខុសទៅលើគេ គិតខុសទៅលើគេមួយម៉ឺន មួយលានដងចិត្តខ្លួនគ្មានបញ្ហាអ្វីទាំងអស់ ប៉ុន្តែបើគេប៉ះពាល់ខ្លួនវិញ មិនបានដាច់ខាត។ ស្ទង់ដឹងសភាពចិត្តបែបនេះហើយ ប្រតិកម្មតបវិញអោយសមស្របនឹងសភាពចិត្តនេះ កុំនិយាយការពារទង្វើត្រឹមត្រូវដោយបង្ហាញហេតុផលបែបនេះ ឬបែបនោះដើម្បីប្រាប់ពួកគេថាអិលឌីភីជាគណបក្សត្រឹមត្រូវ ជាគណបក្សសង្គ្រោះ ជាគណបក្សដែលមានចិត្តខ្វល់ខ្វាយនឹងសុខទុក្ខប្រជាពលរដ្ឋខ្មែរ និងជាគណបក្សដែលមានទស្សនៈវិស័យភ្លឺស្វាងក្នុងការដោះស្រាយបញ្ហាខ្មែរអោយសោះណាក្មួយ គឺកុំទៅតាមផ្លូវហ្នឹងអោយសោះណាក្មួយ ពូសុំរំលឹកហើយ រំលឹកទៀតថាកុំទៅតាមផ្លូវហ្នឹង ប្រតិកម្មបែបហ្នឹងត្បកមិនចំកណ្ដាលក្បាលនៃចិត្តមនុស្សប្រភេទនេះទេ ខុសមកលើគេមួយម៉ឺនមួយលានដងក៏មិនអីដែរ តែបើប៉ះពាល់មកខ្លួនវិញតែមួយដងក៏មិនបានដែរ។ ពួកក្មួយខំបកស្រាយពន្យល់ដោយស្មោះត្រង់ និងមានហេតុផលច្បាស់លាស់ដើម្បីបង្ហាញចិត្តពិតរបស់អិលឌីភីទៅពួកគេក៏ដោយ តែត្រូវដឹងចិត្តពួកគេថាគេមិនខ្វល់ទេ យើងបកស្រាយត្រង់នេះ គេងាកទៅថាអោយយើងត្រង់នោះទៀត យើងបកស្រាយត្រង់នោះ គេទៅវាយប្រហារគ្មានដឹងក្បាលកន្ទុយអត់ហេតុ អត់ផល មិនខ្លាចខ្លួនបានខុសទៅលើគេត្រង់នោះទៀត សម្ដីរបស់វាគ្មានដែលមានការទទួលខុសត្រូវអីទេ គ្មានខ្វល់រឿងខុសមកលើយើងទេ។ ក្មួយខំបកស្រាយ ឆ្លើយតបខុសនឹងទម្រង់ចិត្តរបស់ពួកវាហើយ កុំបាច់បកស្រាយ ហើយវាយបកទៅវាវិញថា បងឯង ប្អូនឯង ក្មួយឯង ពូឯង មីងឯង អ្ហែងមើលចិត្តគេមិនយល់គឺអត់បញ្ញាហើយ បើអត់បញ្ញាហើយជាចិត្តសត្វទុគ្គតិភពហើយ ខ្ញុំមិនថាអ្នកឯងជាអ្នកនរក ឬប្រេតទេ ខ្ញុំសូមលើកតម្លៃអ្នកបន្តិចទៅចុះ ចិត្តអ្នកឯងនេះកំណើតខ្ពស់បំផុតត្រឹមតិរច្ឆាន ខ្ញុំថានេះ កុំគិតថាខ្ញុំនិយាយលេងសើច ឌឺដងស៊កសៀតអោយអ្នកឯងអោយសោះ ការពិតចិត្តសត្វអត់បញ្ញាមើលចិត្តគេមិនយល់ គឺជាចិត្តសត្វទុគ្គតិភពមែនណា។ របស់មានរូបអាចមើលឃើញ មានតូច មានធំដូចជាជួរភ្នំ ផ្ទះ ឡាន ដើមឈើ តូចធំអញ្ចឹងទៅ ចំណែកអ្វីៗដែលអត់រូបវាមានសភាពធំតូចអញ្ចឹងដែរ បើវិញ្ញាណតាមទ្វារខួររបស់អ្នកឯងមើលមិនយល់រឿងដែលធំៗដូចជាការធ្វើនយោបាយរបស់អិលឌីភីជារឿងធំណាស់ យូរឆ្នាំណាស់ហើយ ជារឿងកណ្ដាលវាលប្រដូចទៅនឹងរូបធំជាងជួរភ្នំទៅទៀត បើវិញ្ញាណតាមទ្វាររបស់អ្នកឯងមើលមិនយល់ចិត្តអិលឌីភីថាយ៉ាងម៉េចផង ថាជួយ ឬចង់បានអំណាចផ្ទាល់ខ្លួនដូចគណបក្សដទៃទៀត នោះវិញ្ញាណរបស់អ្នកឯងជាវិញ្ញាណសត្វទុគ្គតិភពយ៉ាងជាក់ប្រាកដ។ យកពាក្យខ្ញុំទៅត្រិះរិះគិតមើល មែន ឬមិនមែន? មនុស្សដែលចិត្តវាមិនគិតខ្វល់ខ្វាយនឹងកំហុសវាដែលបានធ្វើខុសទៅលើគេទេ គឺត្រូវឆ្លើយតបទៅចិត្តវាបែបហ្នឹងវិញទើបត្រូវណាក្មួយ៕

សំណេរលោកពូ ខឹម វាសនា -22-01-2020 .................... ភាពអាត្មានិយមរបស់សត្វមនុស្ស មើលតាមសភាពខាងក្រៅនៃសភាពលោកិយជាមនុស្ស យើងឃើញថាភាពអាត្មានិយមមិនល្អទេ គឺមនុស្សអាត្មានិយមជាមនុស្សមិនល្អទេ។ មនុស្សភាគច្រើនមិនរវល់នឹងភាពល្អឬមិនល្អនោះទេ ហើយគេរិតតែមិនខ្វល់នឹងមើលថាខ្លួនគេអាត្មានិយមមែនឬមិនមែនអាត្មានិយម ព្រោះមនុស្សអាត្មានិយមដូចពួកគេនេះច្រើនរណូករណែលណែនណាន់តាន់តាប់ណាស់លើផែនដីនេះ គេគ្មានទៅគិតរឿងមនសិការ ឬមិនមនសិការអីទេ គិតអោយតែបានមកអញ ចង់ហ្អែងមិនល្អក៏ហីទៅ កុំទៅខ្វល់ អោយតែចំណេញមកខាងអញ។ តែតាមដំណើរធម្មជាតិ ភាពអាត្មានិយម មិនមែនមិនល្អនោះទេ គឺវាមិនត្រូវទៅវិញទេ គឺខុសទេ គឺមនុស្សមានចិត្តអាត្មានិយម ធ្វើអីទាល់តែបានមកអញគឺវាមិនបានមកសត្វអ្នកមានចិត្តអាត្មានិយមនោះទេ លោកិយឃើញថាបាន តែដំណើរធម្មជាតិមិនបានមកខ្លួនទេអ្នកធ្វើអ្វីដើម្បីអោយបានមកអញ គឺខុសធម្មជាតិបង្កើតលោកហើយ ខុសគន្លងធម៌ហើយ គឺសំយ៉ុងក្បាលចុះក្រោមហើយ ជាចិត្តខុស ខូចប្រយោជន៍ដល់អ្នកប្រឹងដើម្បីខ្លួនឯងនោះហើយ។ ព្រះពុទ្ធមិនបានប្រៀនប្រដៅមនុស្សអោយធ្វើអំពើល្អចំពោះអ្នកដទៃនោះទេ លោកមិនបានប្រៀនប្រដៅសត្វមនុស្សអោយធ្វើប្រយោជន៍ចំពោះអ្នកដទៃនោះទេ គឺមិនមែនអីចឹងទេណា ស្តាប់អោយវិញ្ញាណអ្នកដឹងថាព្រះពុទ្ធប្រាប់សត្វពីរឿងអីណា គឺព្រះពុទ្ធប្រាប់អំពីដំណើរធម្មជាតិដែលវាប្រព្រឹត្តទៅ វាមានដំណើរយ៉ាងម៉េច? លោកសំដែងដំណើរធម្មជាតិអោយវិញ្ញាណសត្វយល់ដំណើរនេះថាវាមានដំណើរការយ៉ាងម៉េចទេតើ គឺដើម្បីអោយសត្វធ្វើទៅត្រូវ គឺបានប្រយោជន៍មកសត្វហ្នុងហើយ មិនមែនធ្វើដើម្បីអ្នកដទៃឯណា គឺដើម្បីអ្នកធ្វើហ្នុងហើយទេតើ តើសត្វយល់សំដីព្រះអង្គទេ? សត្វអើយសត្វ សត្វឯងកើតមកពីកំលាំងទេ វាមិនត្រូវកើតមានជាសត្វទេ បានវាត្រឹមត្រូវ តែបើវាដឹងថាខ្លួនថាជាសត្វអីចឹងគឺជាការដឹងច្រឡំរបស់សត្វឯងហើយ គឺអវិជ្ជារបស់សត្វឯងហើយ ដូច្នេះផ្លូវដែលត្រឹមត្រូវរបស់សត្វច្រឡំថាមានខ្លួនរបស់សត្វនោះ គឺអវិជ្ជាហ្នឹងណាសត្វ។ ដឹងច្រឡំឬច្រឡំដឹង ប៉ុណ្ណឹងស្តាប់យល់ទេណាសត្វ? ដោះស្រាយបញ្ហារបស់សត្វឯងគឺដោះស្រាយបញ្ហាអវិជ្ជាគឺបញ្ហាច្រឡំទៅជាដឹងឬដឹងច្រឡំរបស់សត្វដឹងច្រឡំថាខ្លួនជាសត្វហ្នឹងណា មិនមែនព្រះពុទ្ធប្រៀនប្រដៅសត្វឯងអោយចេះធ្វើល្អចំពោះអ្នកដទៃនោះទេណាសត្វអវិជ្ជា។ តើសត្វអវិជ្ជាឯងយល់ទេត្រង់ហ្នឹងសត្វ? ប្រវែងផ្លូវដែលសត្វអវិជ្ជាឯងត្រូវដើរគឺវាលវដ្ដសង្សារវែងឆ្ងាយអនេកអានន្តណាស់ ហើយផ្លូវត្រូវដែលសត្វឯងត្រូវដើរសំគាល់អោយជាប់ក្នុងអារម្មណ៍គឺ អដ្ឋង្គិកមគ្គណាសត្វអវិជ្ជា គឺផ្តើមចេញដោយអង្គទីមួយគឺសម្មាទិដ្ឋិ គឺអត់អញក្នុងផ្លូវអារម្មណ៍ណាសត្វ អោយតែខុសអង្គទីមួយគឺអារម្មណ៍អញហើយ ធ្វើអីក៏ខុសដែរ គឺវាខុស វាខាត វាហិន វាហោចដល់សត្វអវិជ្ជាឯងហ្នឹងណាសត្វ តើសត្វអវិជ្ជាឯងស្តាបយល់ទេសត្វអវិជ្ជា? ព្រោះដឹងខ្លួនថាជាសត្វគឺដឹងច្រឡំទេ អីចឹងហើយបានជាព្រះពុទ្ធប្រាប់ផ្លូវត្រូវដើម្បីអោយសត្វធ្វើដំណើរអោយបានប្រយោជន៍មកសត្វច្រឡំថា អដ្ឋង្គិកមគ្គៈគឺជាផ្លូវត្រូវដែលសត្វត្រូវដើរ បើដើរផ្លូវមួយទៀតគឺផ្លូវអញ អត្តាគឺផ្លូវខុសហើយ នាំទុក្ខដល់សត្វហើយ ព្រោះវាជាផ្លូវខុស ផ្លូវខូច ផ្លូវខាតរលាយហិនហោចដល់សត្វហើយសត្វ។ ប៉ុណ្ណឹង តើសត្វអវិជ្ជាឯងស្តាប់យល់បានទេសត្វអវិជ្ជា។ ធ្វើល្អចំពោះគេព្រោះចិត្តសត្វឯងល្អ នោះគឺធ្វើល្អជាប្រយោជន៍ដល់ចិត្តសត្វឯងហើយ គិតអំពីសុខទុក្ខគេ នោះនឹងបានបញ្ញាយល់ចិត្តអ្នកដទៃដល់វិញ្ញាណសត្វឯងហ្នឹងណា មានប្រយោជន៍ទៅសត្វដទៃឯណាក្រៅអីខ្លួនសត្វឯង? សត្វគ្រប់គ្នាមានកម្មជារបស់ខ្លួន តើសត្វអវិជ្ជាឯងយល់បានទេសត្វ?

សំណេរលោកពូ ខឹម វាសនា វិញ្ញាណគឺមនុស្សហើយ។ វិញ្ញាណដែលដឹងតាមទ្វារជំនួយទាំងប្រាំ គឺទ្វារភ្នែក ទ្វារត្រចៀក ទ្វារអណ្តាត ទ្វារច្រមុះនិងទ្វារកាយ គឺដឹងមិនខុសគ្នាទេ តែដឹងតាមទ្វារជាប្រធានគេ គឺជាប្រភពជំលោះ ព្រោះការដឹងតាមទ្វារខួរនេះ វិញ្ញាណដឹងមិនងាយនឹងដឹងដូចគ្នាទេ។ ទ្វារមនោរបស់ព្រះពុទ្ធដឹងថាជីវិតជាទុក្ខ តែសត្វមនុស្សដឹងថា បើគ្មានលុយ គ្មានមុខមាត់ខ្ពង់ខ្ពស់ជាដើមនោះ ទើបជីវិតជាទុក្ខមែន តែបើមាន ជីវិតមិនមែនជាទុក្ខទេ។ [...]

សំណេរលោកពូ ខឹម វាសនា ថ្ងៃទី២៩ មិនា ឆ្នាំ ២០២០ [...] ពូសង្ខេបឡើងវិញ គឺកាន់សីល និងធ្វើពិធីបុណ្យធ្វើទានតាមបែបព្រះពុទ្ធសាសនា នេះហើយគឺសម្គាល់ថាអ្នកកាន់ព្រះពុទ្ធសាសនានោះ មែនឬក៏មិនមែន? ប្រយ័ត្នគិតតែពីខឹងពូ មិនបានគិតមើលថាពូនិយាយនេះពិតឬមិនពិត។ ការពិតព្រះពុទ្ធលោកសម្ដែងអំពីដំណើរប្រព្រឹត្តទៅនៃធម្មជាតិហៅថាធម៌ វាគ្មានទាក់ទងនឹងពិធីបុណ្យបែបសាសនា ឬបានកាន់សីលព្រោះខ្លាចបាបស្អីហ្នុងទេ គឺព្រះអង្គសម្ដែងអំពីដំណើរប្រព្រឹត្តទៅនៃធម្មជាតិទាំងអស់ ហើយយើងអ្នកស្តាប់ គឺត្រូវស្តាប់ឱ្យយល់អំពីដំណើរធម្មជាតិដែលព្រះពុទ្ធសម្ដែងនោះ នេះគឺការស្ដាប់ការពន្យល់ធម៌នាំឱ្យយើងកើតបញ្ញា។ ក្មួយៗសង្កេតមើលចុះអំពីការសម្ដែងធម៌នៃព្រះសង្ឃ និងគ្រហស្ថដែលគេចាត់ទុកថាជាអ្នកខ្លាំងៗខាងព្រះពុទ្ធសាសនា តើមានប្រព្រឹត្តតាមដំណើរនេះដែរឬទេ? តើមាននរណាស្ដាប់ទៅហើយកើតបញ្ញាទេ? នេះហើយព្រះពុទ្ធសាសនាក្នុងជំនឿរបស់ប្រជាពលរដ្ឋខ្មែរ។[...] សំណេរដើម៖ https://www.facebook.com/photo?fbid=2763113997250010&set=a.1376628242565266

សំណេរលោកពូ ខឹម វាសនា ថ្ងៃទី ២៩ មិនា ឆ្នាំ២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ២៨​ មិនា​ ឆ្នាំ​២០២០

សំណេរលោកពូ ខឹម វាសនា ថ្ងៃទី ១០ មករា ឆ្នាំ២០២០

សំណេរលោកពូ ខឹម វាសនា ថ្ងៃទី ០៧ មករា ឆ្នាំ២០២១

សំណេរ​លោក​ពូ​ ខឹម​ វាសនា​ ថ្ងៃ​ទី​ ១៨​ ​ធ្នូ​ ឆ្នាំ​២០២០

សំណេរលោកពូ ខឹម វាសនា ថ្ងៃទី ២៦ មិនា ឆ្នាំ ២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ២៦-២៧​ មិនា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ២៨​ កក្កដា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ២៤​ កក្កដា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ២៣​ កក្កដា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ១៩​ កក្កដា​ ឆ្នាំ​ ២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ១៨​ កក្កដា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ១២​ កក្កដា​ ឆ្នាំ​២០២០

សំណេរលោកពូ ខឹម វាសនា ថ្ងៃទី ១១ កក្កដា ឆ្នាំ២០២០

សំណេរលោកពូ ខឹម វាសនា ថ្ងៃទី ១១ កក្កដា ឆ្នាំ២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ១១​ ​កក្កដា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ១១​ កក្កដា​ ឆ្នាំ​២០២០

សំណេរលោកពូ ខឹម វាសនា ថ្ងៃទី ០៨ កក្កដា ឆ្នាំ២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ០៦​ កក្កដា​ ឆ្នាំ​២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ០២​ កក្កដា​ ឆ្នាំ​២០២០

សំណេរលោកពូ ខឹម វាសនា ថ្ងៃទី០២ កក្កដា ឆ្នាំ២០២០

សំណេរ​លោក​ពូ​ ខឹម​ វាសនា​ ថ្ងៃ​ទី​ ២៣​ មិថុនា​ ឆ្នាំ​២០២០

បកស្រាយ​ដោយ​លោក​ពូ​ ខឹម​ វាសនា​ ថ្ងៃ​ទី​ ២២​ មិថុនា​ ឆ្នាំ​២០២០