Explore every episode of the podcast Automag

Dës Kéier am Automag e Bestseller, deen elo als Nofollger an de Startlächer steet.

Di 3. Generatioun vum Modell T-ROC bei VW. Wat ännert, wat bleift a kann deen Neien iwwerzeegen? Alles Froen op déi de Christian Schmit fir eis eng Äentwert huet, wëll dee war op der Presentatioun dobäi.

Eng nei chineesesch Mark mat engem Model fir Europa

Et sinn eréischt e puer Joer hir, dat BYD séng Zelter zu Lëtzebuerg opgeschloen huet. Antëscht ass d’Gamm nawell zolitt gewuess a bitt fir all Goût a Besoin, esou hofft BYD, de richtege Modell. De Paul Origer hat dat aktuellt Flaggschëff, den Elektro-SUV Tang, am Laangzäittest.

Am Automag vun haut steet en Auto am Mëttelpunkt, deen ze kleng, ze deier an dem Noper vläicht ze haart ass. Rieds geet vum BMW M2, deen den Akim Schmit fir eis op Häerz an Nieren testen duerft.

Dat kléngt jo da scho mol no vill Leeschtung, mee wéi performant ass den US-Amerikaner da soss nach esou.

Jo kaum eng aner Mark war di lescht Zäit esou an de Schlagzeilen wéi TESLA. Gouf zäiteweis esouguer zum Politikum. Mee hei konzentréiere mir eis op den techneschen Know How. TESLA ass jo eigentlech déi Mark déi d’Elektromobilitéit a grousse Stéckzuelen virugedriwwen huet.

Wat ass dann elo anescht un deem Modell Y an der Performence Versioun?

Also dee neien Model-Y-Design erkennt e gläich u senge chicen beliichten Liicht Läischten vir an hannen. Dat bleift, éischter am Detail ginn et Ënnerscheeder, mat dezente Spoilere vir an hannen. An och e bëssche Carbonfaser gëtt spendéiert. E speziellen Performence Emblème, an d’Spigele bausse si schwaarz lackéiert.

A bannenan dann och eng Spuer méi sportiv, oder?

Jo do sinn et effektiv Sport Sëtzer mat guddem Säitenhalt. Och hei kënnt Carbon an den Asaz, an d’Brems a Gaspedal am Aluminium. Den zentralen Ecran ass elo méi grouss mat besserer Opléisung. Gefall hunn eis och de riesegen Panorama Glasdaach, Akustikverglasung, a Sëtzer déi och hannen elektresch verstallt kënne ginn. Och de Réck, wann emol méi muss transportéiert ginn. Trotzdeem, fir mäi Gôut ass den Interieur ze steril an ouni Séil.

A bei de Fuerleeschtungen gëtt elo méi gebueden?

Also interessanterweis um Pabeier fir d’éischt emol manner. Vun 514 PS elo op 460 PS. An awer ass d’Accéleratioun op 100 elo mat 3,5 Sekonnen e Sput besser, 250km/h Spëtzevitesse wäre méiglech, a virun allem konnt d’Autonomie duerch Verännerunge bei der Batterie a Wirkungsgrad ëm 60km zouléeen. De Verbrauch vun 17kw/h geet an d’Rei, genee wéi dass mat 250kw ka geluede ginn. Den Tesla Model Y Performance Dual Motor an Allrad steet op chicen opfällegen 21-Zoll-Felgen déi "Arachnid 2.0" gedeeft goufen, de Clou ass hei eng integréiert Aero-Läischt. D’Bremsen a Fuerwierk goufen upgepasst. Awer och Fiederung a Stabilsateuren. Den dach 2 Tonne schwéieren TESLA léisst sech nawell am Alldag spilles beweegen, mat agreabeler Lenkung a Réckmeldung fir de Chauffer. Wéi sportlech e wëll ënnerwee sinn kann, wéi esou zimmlech alles, um Touch Screen ofgeruff ginn.

Wat kascht dann den TESLA Model Y Performance?

Hei wéilt een dann op manst 62 990 Euro iwwerwise kréien. D’Fuerf Ultra Red schléit eleng scho mat sëftegen 2 600 Euro extra zu Buch.
Wéivill Euro engem déi extra Performence wäert ass, muss jiddereen da fir sech decidéieren.

Heiansdo muss e Visiounen am Liewen hunn. Am Automag ginn et där och elo. Skoda hat nämlech di grouss international Bün vun der IAA München genotzt fir seng Zukunftsvisiounen ze presentéieren.Dat a Presenz vun hirem Designer Oliver Stefani.De Skoda Vision O stoung do am Mëttelpunkt, an de Christian Schmit war mat zu München dobäi an hat sech mam Chef Designer doriwwer ënnerhal.

Bigster heescht deen aktuell gréisste Modell an der Gamm vun Dacia! No der Presentatioun am Süde vu Frankräich stoung elo ee méi laangen Test hei heem um Programm. Wéi den Dacia Bigster sech am Alldag schléit, dat huet de Paul Origer fir eis erausfonnt.

Haut gëtt am Automag chineesesch opgedëscht. Made in China, déi Kéier awer net am Restaurant mee am Alldag Test am Auto.
Gläich zwee Modeller vu BYD, steet jo fir „Build your Dreams“. Ass et dann elo en Dram déi zwee ze beweegen. De Christian Schmit souz hannert dem Volant fir de Vergläichstest.

Wéi ass dat, ee Rallye-Auto am Alldag ze fueren? Déi Fro huet sech de Paul Origer gestallt wéi, no der Presentatioun zu Lyon am leschte Joer, den Toyota GR Yaris elo fir een Alldagstest um Menü stoung. Schliisslech ass dee klenge Japaner mat Renntechnik a Leeschtung vollgestoppt an antëscht schonn ee Sammlerobjet. Wéi dem Paul séng Impressioune waren, dat seet en eis elo.

Zweet Jugend oder de Blues…?

1976 huet VW den éischte GTI an de Showroom gestallt an domat Generatioune vu jonken - a jonk bliwwenen - Automobilisten de Kapp verdréint. Vill Leeschtung – mir schwätze vun 110 Päerd - an eng ausgepräägte Fuerdynamik hunn de GTI berüümt a beléift gemaach. Déi dräi Buschtawe si Kult.