glichzitig – Details, episodes & analysis

n diesem Gespräch erkunden die Gastgeber die Herausforderungen und Schönheiten moderner Freundschaften, insbesondere im Kontext der Generation Z und der kulturellen Unterschiede zwischen der Schweiz und

Besti Fründschafta, Catch-Up Fründschafta, Fründschafta wo mr eich gar nid wennd: Willkomma zur grossa Friendship-Folg.

Mier besprechend hüt, was guati Fründschafta würkli usmacht, was es brucht zum Fründschafta würkli pfläga und natürlich beantwortemer ein für alle mal: Kamma mit Katza-Menscha überhaupt befründet si? D'Antwort luutet: jo, aber...!

Viel Spass bim driilosa! <3

Was isch schlimmer: Uf Temu bstella oder Spotify unterstütza? Beides nid so cool aber bi Temu zieht d'Milena ganz klar d'grenz. Eva muass biichta dass ihra Boykott leider nid ganz so eifach fallt und Milena stellt es ultimatum. Das ganza passiert mit ma ständiga Nervakitzel, wil d'Eva im na illegala Ruum podcastet (redet sie sich jedafalls ii).

Anways, gohts hüt eigentlich um Energie-Management, nur fählt üs beidna leider grad d'Energie zum drüber reda - drum sägemer an dera Stell: Das Thema wird demnächst vertieft.

Susch no mit dabii: en klina "Wie kann sie nur" Review, wia d'Milena mol wieder inflagranti verwütscht worda isch und was üs susch halt grad no so dur de Kopf gschossa isch. Enjoy! <3

iehr gsehnd richtig. eus gihts no! mier hend eus en langi (sehr langi) sommerpause gegönnt, sind jetzt aber wieder uuuumeee. wenn ehr wend wüsse was bi eus im sommer so gloffe esch, wies d eva inen fernsehshow gschafft het, i wellem pfarrer sini glogge d milena glüütet het und dass hpv ned en diagnose fürs lebe muess bedüte, denn loset doch die ersti folg vo dere zwoite staffle glichzitig. oh und slided id dm’s (oder schribet es mail 😅) mit euchne ruprik-vorschläg. lg, euchi unregelmässigi chaotischi lieblingspodcast.

en liste mit sache wo mer bim podcaste ned sett mache:

1. sich vorher während 2 stund imne instensivi gspröch scho allllles verzelle

2. absolut fest extrem krass tusig übermüedet si

3. en liste vorlese

4. sich nullllll vorbereite

5. gschichte verzelle wo mer scho mol im podcast verzellt het

fazit: check bi 5/5 ✅ bewertig drum so 4/10 🥲 joaaaa… was wemmer sege? wär cool wenners glich irgendwie wördet lose. so im hintergrund während em choche. bi luutstärchi 2. deal? deal! 🤝

Achtung, es wird deep! 🥹

Es goht hüt um di grosse und kliine Veränderige im Läba, vor allem aber um di grosse! Uswandere, Job-Wechsel und das als Frau ab em 21. Läbensjohr ominpräsente Thema ✨Kinder kriege✨. Wia stoht's um üse Kinderwunsch? Welli Erwartiga het Gsellschaft an Fraue? Was, wenn Frau kei Kind möcht – es ungfiltrets Gspröch mit all the feels und natürlich nere grosse Prise Humor!

Losed drii und gäbend üs gern eure Senf dazua, miar liabend de Ustuusch mit eu!

Oder wia üsi KI schriba wür:

In dieser Episode diskutieren Milena und Eva ihre persönlichen Erfahrungen mit Auswanderung, Beziehungen und den Herausforderungen des Erwachsenwerdens. Sie reflektieren über den Druck, Kinder zu bekommen, und die gesellschaftlichen Erwartungen, die Frauen oft belasten. Die beiden teilen ihre Ängste und Wünsche in Bezug auf die Zukunft und beleuchten Mythen über Fruchtbarkeit und die Realität des Elternseins. In dieser Episode diskutieren Milöns und Evinski verschiedene Aspekte der Elternschaft, von der Bedeutung der Spermaqualität über persönliche Vorstellungen zur Geburt bis hin zu gesellschaftlichen Erwartungen an werdende Eltern. Sie reflektieren über die verschiedenen Phasen der Kindheit und die unterschiedlichen Elternstile, die es gibt. Abschließend geben sie persönliche Empfehlungen zu Büchern und Musik, die sich mit den Themen Schwangerschaft und Elternschaft befassen.

hey babes. es isch en morgefolg und sie esch schön. mir redet über versuechts uriniere bi de fraueärztin, gueti und schlechti erfahrige mit de spirale und co., misslungni vorstelligi vo mitarbeiterinne (gueti seel?! thank you no, roland), brüele bi mamis, und wie immer: no viel meh. hebed euch sorg, your heads high und euse podcast gern. viel liebi.

Zweiti Fol and we're coming in hot!

Hebed eu fest, Grätschis, hüt hemmer so einiges für eu am Start: Milena het's wiedermol mit me Sexgrüsel z'tua, und d'Eva hockt zu 80% vo dera Folg ufem Grossmueter Stuehl - gähn!

Mier beantwortend hüt euri jucy Froga, werdend kli rot wenn's ums Thema Sex goht (who tf are we?) und werdend zwüscheziitlich au richtig deep!

70 Minute Glichzitig-Gold - schnapped eu en Tee oder es Bier und losed drii!

Oder wie üsi KI säge wür:

In dieser Episode des Podcasts «Gleichzitig» diskutieren die Hosts Milena und Eva über verschiedene Themen, die von persönlichen Lebensveränderungen bis hin zu Beziehungen und gesellschaftlichem Druck reichen. Milena erzählt von ihrer neuen Lebenssituation und ihrem Hobby Tennis, während sie auch die Herausforderungen mit ihrem Tennislehrer teilt. Die Hosts beichten lustige und peinliche Geschichten aus ihrem Leben und reflektieren über die Bedeutung von zweiten Chancen in Freundschaften und Beziehungen. Zudem wird der Druck, den junge Menschen in Bezug auf Beziehungen und sexuelle Erfahrungen empfinden, thematisiert. Abschließend wird über Feminismus und persönliche Entwicklung gesprochen.

d'milna het gmerkt, dass hostels doch ned so cool sind, d'eva freut sich uf freiheit und beidi hend natürlich wieder wunderbari rants für eu parat! welcome back ihr tolle grätscher:inne ✨

östriich, fetisch, büecher