Explorez tous les épisodes du podcast Tifaouine

ليوم راح نحكي على الغجر لي لاطالما اهتممت بيهم من صغري .. ربما كانت بدايتو بفضول بصح من بعد افتتنت بموسيقاهم و ثقافتهم ، ليوم راح نحكي عليهم من خلال افلامهم و غناهم .. راح نتعرفو عليهم من خلال الفن و خاصة سينما و موسيقى طوني غاتليف الهايل !

زعما العثمانيين جاو بنية "المنقذ" ولا كانت ليهم نوايا استعمارية ؟ و كيفاه حتى كارل ماركس جا لدزاير ، و واش عجبو فيها ؟ و زعما الديموقراطية الي لطالما افتخروا الدول بيها هي النظام الامثل ؟ في حلقة ليوم راح نهدر على نظام تسيير الامازيغ .. ثاجماعث ، و على شوي عفايس كذا منا منهيه .

الفن كان سلاح لأصحاب الحق ، بيه يوصلو صوتهم و قضيتهم على جال الرأي العام .. في حلقة اليوم راح نهدرو على فنانين جندّوا الفن نتاعهم لخدمة قضايا التحرر ، و لنصرة الثورة و الثوّار .. للحريّة . و شكر خاص للصديق محمد أمين بن لولو على مشاركتو معايا لمعلومات بزاف ( خاصة في الراب ) يعطيك الصحة 🙏🏼

الحلقة تاع ليوم هي عبارة على بلايليست وين الغنا العربي يڤابل الغنا الڤاوري ، راح تلقاو أمل مثلوثي، الشاب حسني ، فرانك سيناترا ، داليدا و فيروز ، رشيد طه و ليلي بونيش و غيرهم من الفنانين لي قدرو ينقلو اللحن الڤاوري للشرقي ❤️

حلقة اليوم جاية تڤولش مزيج بصح بفكرة لغنية الڤاورية و واش يقابلها بالعربية ، هاذي غير عيّنة من شوي غنا ، ليلي بونيش وحدو حلقة .. مهم .. استمتعوا !

ليوم و بدون سابق إنذار هزيت التلفون و بديت نسجل في حلقة اليوم مع مامّا . هدرنا خفيف ظريف على تأثير مانديلا و مع اللخر على أخينا لي يبيع لاتاي قدام دارنا.. راح تسمعو بزاف جملة : حبس مخي .. خطاكش صح مخي حبس

ليوم هدرت على عفسة لي لطالما بهرتني و عجبتني .. الفن الإيراني و السينما على وجه الخصوص ، و ما نقدرش نقول السينما الايرانية من غير ما نذكر المخرج الكبير عبّاس كيارستمي . أحمد طارق راح يشرف حلقة اليوم و يعرفنا بدورو على لمحة من تاريخ إيران الحاضر ، و كيفاه تأثرت السينما الايرانية بيها . و يهدرلنا على أفلام حبها لواقعيتها و شاعريتها ♥️ .

الوشام ماكانش فقط رمز من رموز الجمال عند المرأة الامازيغية ، الوشم ذكرى و تاريخ .. الوشم مقاومة و رفض الاستعباد . في حلقة اليوم راح نحكيو حكاية الوشم عند النساء الامازيغيات قديما و علاقتهم بيه في يومنا هذا .

العفسة لي تجمع ما بين رواية 'راوية الافلام' و فيلم سينما باراديسو هو حب السينما و النوستالجيا ، و هذا على واش راح نحكي في حلقة اليوم ♥️🎞