Explorez tous les épisodes du podcast ساعة تسويق

"رحلة المستخدم"

ممكن تفتكر ان عملية شراء منتجك/خدمتك هي الخطوة الأخيرة أو الأهم في رحلة المستخدم..

بس الحقيقة انها واحدة من خطوات كتير بيمر بيها كل عميل محتمل ومبتخلصش بمجرد ما يشتري..

ودي واحدة من أكبر الغلطات اللي بتحصل في شركات كتير وخصوصا الشركات الناشئة..

ولو انتا متابع للتطورات فغالبا سمعت عن مصطلح الـ growth وان من أساسياته انك تكون فاهم كويس أوي الـ marketing funnel أو الـ user journey..

عشان كده عملنا الحلقة دي مع عمر الغياط واتكلمنا عن أهمية فهم رحلة المستخدم وايه هي مراحلها المختلفة و ازاي اقيس النجاح في كل مرحلة وهل بتختلف تقسيمتها على حسب البزنس موديل وبعد ما احدد المراحل ازاي احدد المرحلة اللي هبدأ أركز عليها.

لو عايز تفهم أكتر عن تسويق النمو وكيفية تطبيقه على شركتك الناشئة ممكن دليل النمو السريع للشركات الناشئة يفيدك. ده كتاب PDF بسيط ممكن نبعته على الايميل الخاص بيك من خلال الرابط ده: https://bit.ly/Growth-PDF

"ماكينة طباعة الفلوس"

لو رجعت بالزمن 20 سنة ورا وسألت عن طرق التسويق اللي ممكن تستخدمها عشان تستهدف جمهور معين وتصرف فلوس علشان تظهر قدامه..

هتلاقيها حاجات زي الـ TV أو الـ Magazines أو حتى الـ Direct Mail.

كل الاختيارات دي مكلفة جدا و نتائجها غير مضمونة وبتاخد وقت كبير عشان تجربها ومن الصعب انك تقيس وتحسن نتائجها..

بس في عصرنا الحالي، الوضع اختلف تماما..

دلوقتي تقدر تختار فئة معينة من الناس عندهم اهتمامات محددة وتظهر قدامهم بميزانية معقولة وتوقيت انت اللي تقدر تتحكم فيه..

وده السبب ان في ناس بتوصف الـ Paid Ads انها ماكينة طباعة الفلوس..

طبعا من أشهر منصات الاعلانات المدفوعة هي الـ Facebook

في الحلقة دي احنا متكلمناش عن ازاى اعمل اعلان وازاي اختار المنصة المناسبة وكل الكلام اللي ممكن تلاقيه في أي online course..

اتكلمنا عن ازاى تخطط وتنفذ الـ Campaign من ناحية الميزانية وازاي تقسمها على الـ user journey و ايه البديل لو معنديش ويب سايت عشان أستفيد بأكبر قدر من الإعلانات وايه أكتر أنواع كونتنت بتجيب نتايج وايه أهم العناصر اللي لازم أعملها A/B testing وكمان اتكلمنا عن الـ Influencers وازاي وامتى تحقق منهم أكبر استفادة.

لو انتا لسه بتبدأ في المجال أو أول مرة تعمل اعلانات البيزنس بتاعك، فغالبا الحلقة دي هتحتاج منك ورقة وقلم وتسمعها كذا مرة وتذاكر كل مصطلح بيتقال عشان تستفيد منها بأكبر قدر ممكن..

ضيف الحلقة هو أحمد شاهر وهو واحد من أصيع الـ Ads experts في ستارت ابس جالاكسي..

هو شاهر من النوع اللي مبيحبش يقعد في البيت وكان بيسجل معانا وهو قاعد في كافيه والصوت ممكن ميكونش بالجودة اللي متعودين عليها بس أنصح أي حد انه يتغاضى عن النقطة دي عشان الكلام اللي بيتقال غالبا مش هتلاقيه في حتة تانية ولو حصل هيبقى بفلوس وفلوس كتير كمان..

***
عايز تكبر شركتك وتشيل عن دماغك مشاكل التسويق من اول انك تلاقي خبراء في مجال تخصصك لحد الوصول لنتائج ملموسة؟ تقدر تبعتلنا من هنا: https://bit.ly/3vWybw7

لو انت خبير تسويق و عايز تشتغل مع خبراء بيكبروا أنجح الـ startups؟ تقدر تبعتلنا من هنا: https://bit.ly/33kD85k

"بنبيع لكل الناس" 

قبل ما تعمل استراتيجية تسويق لأي منتج أو خدمة، غالبا هتدور على ال creative brief واللي بيكون موجود فيه ال target audience.

بس المشكلة ان كتير من أصحاب أعمال أو حتى من فريق التسويق نفسه بيغلطوا غلطة انهم بيبيعوا لكل الناس.

بس اللي محدش يعرفه انك عشان تبيع لكل الناس هتحتاج مجهود وفلوس ومصادر أكتر بكتير من لما تبيع لجمهور مستهدف أو target audience.

وده مبيكونش متوفر الا في شركات كبيرة زي بيبسى و فودافون مثلا.

عشان كده عملنا الحلقة دي مخصوص مع علي سلامة عشان نتكلم عن الـ   customer persona و ايه الهدف من وجودها و ايه الطرق اللي ممكن أعرف بيها الفئة المستهدفة للمنتج بتاعي والمفروض يكون عندي كام فئة و هل المفروض أهتم أكثر بدراسة جمهوري المستهدف ولا المنافسين.

 ***

عايز تكبر شركتك وتشيل عن دماغك مشاكل التسويق من اول انك تلاقي خبراء في مجال تخصصك لحد الوصول لنتائج ملموسة؟ تقدر تبعتلنا من هنا: https://bit.ly/3vWybw7

لو انت خبير تسويق و عايز تشتغل مع خبراء بيكبروا أنجح الـ startups؟ تقدر تبعتلنا من هنا: https://bit.ly/33kD85k

المبيعات هي شريان حياة أي شركة

أفضل مندوب مبيعات ممكن تستثمر فيه هو الويبسايت

ميزته هي انك ممكن تبيع لـ 100عميل في نفس الوقت وبنفس المجهود

بس الموضوع مش بالبساطة دي والويبسايت مش مجرد تصميم حلو وخلاص

لوعندك موقع بتصميم رائع بدون اهتمام بجودة محتواه، لازم تعرف انك بتهدر استثمارك في التصميم ومش هتحقق المبيعات اللي عايزها

المحتوى اللي أقصده هنا هو الكوبي رايتنج، مش الكونتنت رايتنج

في الحلقة دي اتكلمت مع رندا معتز عن الفرق بين الاتنين، ليه كصاحب شركة محتاج تعرف الفرق، أكبر الغلطات اللي بتحصل في الويبسايت، ايه هو الكرييتيف بريف، وازاي تختار الـ كوبي رايتر الشاطر

***
عايز تكبر شركتك وتشيل عن دماغك مشاكل التسويق من اول انك تلاقي خبراء في مجال تخصصك لحد الوصول لنتائج ملموسة؟ تقدر تبعتلنا من هنا

https://bit.ly/3vWybw7

لو انت خبير تسويق و عايز تشتغل مع فريف من الخبراء اللي قدروا يكبروا أنجح الـ ستارت ابس؟ تقدر تبعتلنا من هنا
https://bit.ly/33kD85k