Explorez tous les épisodes du podcast 腦作動

「爸爸！爸爸！」「點解有咁多人類係依度準備訓覺嘅？ 係咪新園區嚟嫁？！」夜晚 8 點半入場，11 點熄燈！海洋公園「快閃夜遊」到底有咩秘聞？今集帶大家解鎖平時去唔到嘅飼養員更衣室沖涼體驗？！想知 $1,200 兩個人值唔值得去？🤔 即刻去片！🐟💨

🛠️ 面對同一個 AI，為什麼產出的結果天差地遠？

職場兩極化的關鍵，往往不在於你用哪一個 AI 工具，而在於你背後的 「知識儲備」 與 「Prompting 提問架構」！

今集 Kevin 同 Manos 將大方分享：

🔹 文案與系統架構秘訣：如何套用經典廣告架構，讓 AI 寫出專業級文案？

🔹 NotebookLM 黑科技：教你把指定 YouTube 影片/文件匯入 AI，打造不瞎編、只根據權威資料回答的專屬智囊！

🔹 實務避坑指南：AI 賽馬預測失敗經驗談，告訴你 AI 的能與不能！

#NotebookLM #AI提問技巧 #AI職場兩極化 #PromptEngineering #GoogleAI #腦作動 #廣東話Podcast

今集節目，Manos同Kevin切身分享「幼升小」升小學嘅苦樂經歷同真實戰況！

📌 本集重點話題：

報名 20 間學校到底係咪太誇張？

面試班、Mock Interview 到底幫唔幫到手？

男校、女校、男女校點樣揀？對小朋友成長有咩影響？

官津抽獎、直資、私立同國際學校嘅抉擇心態！

各位準備緊或者經歷過升小學嘅家長，快啲喺下面留言分享你哋嘅升小經驗同戰略啦！

夜波場場深夜3、4點開波，搞到大家睡眠不足之餘，原來仲好影響市道生意？不過各大商場同埋連鎖快餐店都出奇招，通宵播波兼變身24小時營業嚟吸客！最搞笑係Manos分享，阿根廷比賽嗰陣老婆一頂唔順去瞓覺，球隊就即刻神蹟入波？！唔通真係有「相剋」定話其實係「福星」？即刻點擊收聽今集爆笑吹水內容！#世界盃 #阿根廷 #通宵睇波 #廣東話Podcast #吹水 #足球玄學 #香港商場

今集《腦作動》請嚟喺香港同日本兩邊走嘅特別主持兼專家 Kevin，同大家大爆日本創業同定居嘅內幕！想移居日本一定要識日文？開公司要做咩生意最易批？聽講投資金額大加碼？想知點樣可以用最低成本留喺日本，即刻點擊睇片啦！📌 本集關鍵字： #日本創業 #經營簽證 #福岡移居 #腦作動 #日本開公司 #香港人在日本 #但暫時係香港

Instagram:

https://www.instagram.com/kobe_makeup/

Threads:

https://www.threads.com/@kobe_makeup

做婚禮化妝師表面上幫人扮靚好幸福，但背後付出嘅體力真係非一般人頂得順！今集《腦作動》有 Kobe 同大家分享苦與樂。

💬 辛苦背後嘅難忘故仔：

最瘋狂通宵開工： Kobe 試過最「早」開工竟然係凌晨 12 點！原因係新娘要就傳統「入門」吉時，佢哋仲要對住牆坐足成晚？！

無師自學點開單： 從零開始、冇拜師學藝，點樣靠幫「姊妹化妝」一步步累積口碑，之後變身做接單嘅新娘化妝師？

最長連續兩個月冇放假： 旺季化妝師嘅爆肝日常！

一齊入嚟聽吓呢個充滿「幸福感」又極具挑戰性嘅手藝行業！

*Coverphoto嘅相源自Kobe (kobe_makeup) IG内嘅内容

今集Kevin同Manos同大家分享超興奮體驗！Kevin終於甩P牌，即刻同大家探討下香港「快線行60、慢線爬頭」嘅奇特開車文化。

之後Manos仲會帶大家講述日本鈴鹿 F1 Paddock Club 3日通行證！究竟入到去有幾奢華？

📢 本集精彩看點：

甩P牌心聲： 有P牌同冇P牌，喺香港公路真係兩種待遇？

紅隧/公路奇觀： 香港開車合流已經「大陸化」？快線慢駛逼人慢線爬頭？

$50,000 F1門票： 日本Suzuka Paddock Club通行證，包足三餐米芝蓮級Buffet！

星光熠熠貴賓區： 同女神 Anya Taylor-Joy 坐同班接駁車？近距離睇咸美頓、豐田章男！

神級Fit車陣： 鈴鹿賽道用過百部 Honda Fit 貼大擺出直升機坪？

鍾意賽車同聽開車經嘅朋友，千祈唔好錯過！

Facebook:

https://www.facebook.com/tcnyHK/

Website:

https://www.tcny.com.hk/

Instagram:

https://www.instagram.com/tcnyhk/

https://www.instagram.com/lincolncwebb/

男人嘅玩物除咗車、錶、西裝，波鞋一定係其中之一。今次同 Lincoln 深入討論波鞋市場嘅變化。

本集亮點：

波鞋科技演進： 由當年嘅 Air 氣墊到而家嘅碳板，點解反而覺得以前啲鞋更經典？

收藏心得： 點樣處理收藏咗 10 年嘅「粉碎鞋」？StockX 買鞋仲有無保障？

品牌對比： Nike, Adidas 嘅優劣，到近年 Hoka、李寧點樣憑舒適度突圍。

投資心法： 而家買波鞋仲有無得升值？Crossover 真係唯一出路？

鍾意波鞋嘅朋友千祈唔好錯過！

Facebook: https://www.facebook.com/tcnyHK/Website: https://www.tcny.com.hk/Instagram: https://www.instagram.com/tcnyhk/https://www.instagram.com/lincolncwebb/唔少男人人生第一套西裝都係畢業或者結婚先去買，但你又知唔知「全訂造」同「半訂造」有咩分別？今集我哋請嚟 TCNY 負責人 Lincoln，同大家分享西裝背後嘅工藝！西裝「富貴身形」點樣救？咩叫 Made-to-Measure？點解著上身會舒服啲？Lincoln 揭秘：西裝佬最鍾意幫邊種人做衫？想提升男人味？先由學識揀西裝開始！快到我們的Youtube 專頁 或按以下連結收聽！

Instagram:

https://www.instagram.com/miss_manyan

Facebook:

https://www.facebook.com/missmanyan.hk/

【家長心聲】有一種恐怖片，叫「升小面試」

「阿仔，記住呀！入到去要坐直、微笑，老師問你鍾意做咩，你要答鍾意睇書，唔好話鍾意睇 YouTube 呀！」

明仔媽媽喺鏡頭後面，雖然努力保持住一個「慈母」嘅微笑，但其實佢眼神入面嗰種火，比起《恐懼鬥室》仲要嚇人。為咗拍嗰一分鐘嘅面試片，明仔已經「一 take 過」咗三十幾次。

喺香港做家長，真係要有超能力。你要識平面設計整 Portfolio，要識導演剪接拍片，仲要識預測未來。阿爸喺旁邊一邊用 AI 執緊明仔嗰張「充滿藝術氣息」嘅油畫，一邊細細聲問：「老婆，你話我哋幫佢報嗰間 Happy School，會唔會 Happy 到連書都唔使讀㗎？」

明仔媽媽冷笑一聲：「Happy School？呢個世界邊有真嘅 Happy School？係面試嗰陣大家一齊扮 Happy 咋！」

呢個就係現今香港升小學嘅真實寫照？！。想知點樣喺呢場「演技大賽」入面贏到個學位，又唔會搞到夫妻離婚、親情破裂？

即刻入嚟聽下文欣老師點樣拆解呢場升小「生存遊戲」！

2026年世界咁亂，投資淨係識買金同買磚頭？今集 Manos 同 Kevin 同大家深度拆解「致富四法」。點解話「算力」係未來嘅石油？點樣利用 AI 槓桿化你嘅人力資本？

📌 本集重點：

• 算力革命：點解要投資電力、水利同核能 ETF？

• 情懷資產：Pokemon 咭同 CCD 相機仲有冇得炒？

• 人力資本槓桿化：AI 點樣幫你「一個人做十個人嘅嘢」？

• 抗通脹心法：2026年唔好被時代拋棄！

阿強做咗高級文案十年，一直以為自己份糧好穩陣。點知 2026 年，公司引入咗最強AI，以前要寫三日嘅稿，依家AI三秒就生咗幾十篇出嚟。老細同佢講：「強仔，依家Hard Skills唔值錢喇，我請個實習生識撳掣都做得好過你。」

阿強失業之後，去咗搵佢個揸泥頭車嘅死黨大輝飲酒。點知大輝身穿名牌，仲請埋司機。大輝笑住話：「強仔，依家係講Personal IP嘅時代。我每日開住AI直播我揸車，AI幫我剪片、寫Caption，我變咗網絡紅人，啲贊助商排隊搵我。我雖然唔識寫 Code，但我識人脈，識利用AI幫我做Management。」

阿強醒晒，發現原來AI唔係要取代佢，而係將佢份工嘅「專業光環」打碎咗。佢以前自豪嘅技術變咗廉價勞動力，反而大輝呢種識得「做人」、識得建立個人品牌嘅人，先可以喺呢場階級洗牌入面，由底層成功「上流」。阿強決定唔再搵工，佢要學大輝咁，做AI嘅「主人」，重新搵返屬於自己嗰 5% 嘅人類洞察力。

草本堂 Website:https://www.dda.hk/草本堂 Facebook:https://www.facebook.com/dreamdermaart草本堂 Instagram:https://www.instagram.com/dream_derma_art/今集《腦作動》繼續有草本堂嘅阿Car同我哋分享頭髮護理心法！🌿開門做生意真係咩客都有！😱 竟然有客人喺護理期間播「動作片」？點解年紀輕輕就開始脫髮？頭髮又油又痕係咪代表身體出咗事？我哋仲會討論：✨ 洗頭係咪要洗兩次先乾淨？✨ 點解專家推崇用木梳同氣墊梳？✨ 點樣預防「牽引性脫髮」？想拯救髮際線嘅朋友，千祈唔好錯過！

草本堂 Website:

https://www.dda.hk/

草本堂 Facebook:

https://www.facebook.com/dreamdermaart

草本堂 Instagram:

https://www.instagram.com/dream_derma_art/

小編一直覺得，人生嘅轉折點有時好似「平行時空」咁。如果當年阿Car冇因為自己嘅脫髮問題而去研究頭皮護理，今日嘅佢可能仲係一間美容院入面，日復一日咁幫客打針、做Facial，做緊一啲自己唔中意做嘅野。

可能好多人覺得，唔做美容行業，走去鑽研一個「頭皮護理」好奇怪。但其實呢份「唔認命」，帶出咗阿Car對事業嘅睇法ㄧㄧ活在當下。每一次嘅轉型，每一間新鋪嘅裝修，都係喺度幫自己「寫」下歷史。雖然中間經歷過疫情停業、經歷過管理上嘅挫敗，但正正係呢啲「歷練」，先令佢明白到：原來人生唔係要擁有幾多間鋪，而係搵到一份自己真心鍾意、可以全情投入嘅專業。

每份「劇本」並唔係初稿就攞去拍，當中想必經歷過修修改改，先可以令「劇情」更豐富、更精彩。而想「主角」經歷什麼嘅旅程、冒險、歷練，都係由自己一筆一筆地寫下。

如果小朋友同你講：「我想做電競選手！」你會支持定反對？今集我哋由《暗黑破壞神》講到《魔物獵人》，再深入探討一個家長最關心嘅問題：打機到底係浪費時間，定係一種必要嘅社交？Kevin 導演同 Manos 會分享佢哋成長過程中遊戲扮演嘅角色，以及如果依家佢哋嘅下一代沉迷打機，佢哋會點樣處理。打機學到嘅經濟學與社會學？遊戲中嘅「挫敗感教育」比現實更真實？專業電競選手 vs 興趣玩家，界線喺邊度？快到我們的Youtube 專頁 或按以下連結收聽！

(*今集個Title同description係Gemini老細生成 :D)

如果生產力全部交俾機器，人類嘅存在價值仲剩返啲咩？

今集我哋由日常用嘅 AI 工具，傾到政府嘅預算案補貼，最後深入探討一個嚴肅嘅話題：當 AI 取代咗大部分勞動力，我哋係咪會進入一個以「電力」同「資源」為貨幣嘅共產社會？

Kevin 同 Manos 會同大家腦洞大開，想像未來嘅「Soul-cial Media」時代。如果你對未來科技、社會轉型或者 AI 對就業市場嘅衝擊有興趣，呢條片你絕對唔可以錯過。

#AI #ChatGPT #Gemini #財政預算案 #數智化 #星加坡 #未來科技 #Podcast #廣東話 #字幕生成

仲記得自己細個時第一次比屋企人帶去旅行嗎？果種第一次坐飛機、第一次知道咩叫做“旅行“；到到自己大個啲，同班死黨一齊去旅行，可以自己提出有啲咩地方想去，最深刻一定係前一日大家先發現book錯咗凌晨3點去食放題。
再到到依家已經自己決定所有嘅，但唔單單係幫自己決定，仲要幫自己另一半、小朋友、自己屋企人甚至另一半嘅屋企人決定。你可能會發現同你第一次去旅行嘅感受已經唔同咗，有好多野背負咗上身，令到你好攰。
但係自己仲依稀擁有細個同屋企人去旅行嘅記憶，而依家只不過係角色唔同咗，難道依份「攰」可以同給予小朋友去旅行嘅開心記憶比較嗎？

日式到會品牌 日之苑

本集限定主持Otto嘅Website:

https://www.ninoenhk.com/

本集限定主持Otto嘅IG:

https://www.instagram.com/ninoen_sushi/

本集限定主持Otto嘅FB:

https://www.facebook.com/ninoen.hk/?locale=zh_HK

DayOff³ Party & Event Space - Hong Kong

本集限定主持Aiko嘅IG:

https://www.instagram.com/dayoff3_party.n.event/

本集限定主持Aiko嘅FB:

https://www.facebook.com/dayoff3.partyroom/

同班friends去開P，最重要嘅野就唔係個爐啦! 重要嘅當然係個地方同食物啦。但有時更重要嘅係班friends，因為大家開始踏入咗依個社會之後，大家仲有一日可以夾埋一齊係一個地方變番小學雞嘅機會少之有少。

但如果有，依個地方可以暫時令大家放低各種Email去覆；都暫時冇啲客人問你送貨包唔包運費。係一個地方可以大家聚埋一齊，有一大堆食物係中間張大枱比大家任食，仲有好多桌遊比大家玩，就好似番番去以前中小學時某日嘅聖誕聯歡會咁。

唯一唔同嘅就係大家睇落已經唔再係着住校服嘅佢哋了

本集限定主持嘅IG:https://www.instagram.com/chillhole.coffee_and_massage/本集限定主持嘅FB:https://www.facebook.com/profile.php?id=61586540378443身為忙碌啲都市人們，我哋每人手邊都有至少一部智能手機應該係基礎配備吧。依部手機幫我哋處理日常好多嘅工作同回覆；係我哋最艱難嘅時候有人send啲meme比你睇；甚至佢同你進出好多很有味道嘅地方，係你回應大自然嘅時候有其他嘢做；佢甚至幫你記得曬所有你唔洗再抄落本簿仔嘅帳號密碼。佢，的確好似比自己嘅另一半更加親密。但有時候應該比啲時間自己放低所有嘢，數位排下毒，好似幫自己個腦暫時放低所有資訊，享受咩都「唔洗住」嘅時間。

隨住我聽到有幾下敲枱聲，我係一個監獄的飯堂醒來，抬起頭之後看到了三位強壯的大漢望住我。

中間果位就隨即問：「新仔喎，點呀，你又哀咩入嚟？」

我冇答佢，只係繼續發呆地望住張枱。

佢再說道：「唉，咁冇禮貌嘅，我講先啦，我叫小明，係因為係便利店偷野；係我左邊嘅係大明，佢係因為醉駕；而右邊嘅係中明，係醉酒鬧事同傷人而入嚟。放心啦，大家都係犯錯之人，就算再輕嘅罪行我哋係依都見過曬啦~」

我勉勉強強地重恰精神：「真係？！ 我其實因為冇扣巴士個安全帶所以先咁，但其實...」

(我正想講下一句嘅時候，三位大漢己經離我而去，再冇同我講過一句野)

(#故事純屬虛構如有雷同實屬巧合)

各位見到依個descripation嘅觀眾們，小編要鄭重地向大家講聲十分抱歉，我哋啲片嘅upload速度實在快唔過《道路交通(安全裝備)規例》8D乘客配用巴士安全帶條例嘅修改速度。係依度再次同大家抱歉，所以依條影片係系條例生效時嘅對話。

飛機餐冷知識： 飛機餐啲味道係比我哋平時食嘅比較重同濃，因為機艙壓力同艙內濕度較低會令我哋味覺較弱

平時大家坐飛機，基本上都已經當飛機係普通交通工具；入到飛機就就咁坐低等落機。如果係要工幹嘅朋友們，基本上已經坐到冇咩感覺，冇咗小朋友時屋企人第一次帶你坐飛機時嘅興奮；食到嘅飛機餐通常都唔會期待啲咩，甚至可以話係唔會好食得去邊(除非你坐頭等啦)。

但如果我話坐飛機時會發生一啲驚喜，我唔係話啲咩唔好嘅野！而係例如你食到一次難得好食嘅飛機餐；坐位因為一啲原因令你免費升級咗做商務客位；或者只係最純粹見到啲超正嘅空姐或空少。

依啲少少嘅意外體驗，都係我哋人生之中嘅開心時刻。畢竟飛機係依個世紀限定嘅交通工具！

隨住Z世代都開始踏入工作階段，唔同嘅公司都開始面對要同Z世代相處，但好多老一輩的同事發現原來Z世代有好多價值觀係同自己完全相反，又話Z世代唔捱得、又話佢哋嘜，變咗好多時間都係火星撞地球咁，令到好多Z世代都唔中意番一份長工，甚至小編聽講話有啲公司唔中意請Z世代入職。

但其實Z世代依啲小朋友自細就擁有同前輩們唔一樣啊成長環境，細個唔洗為一個麵包同其他兄弟姊妹爭飯食；都唔洗一讀完中學之後就冇書讀，要為咗自己同屋企人嘅生活而出嚟「捱騾仔」，只不過需要多啲時間明白同理解佢哋。

依家新一代嘅小朋友其實比前輩們更有知識，佢哋會更明白依家世界發生嘅種種事宜，不論係科技上同思維上，雖然經驗上一定不及前輩們，但通過磨合，大家都可以互相收吸；互相進步。

試問，又邊度洗標籤佢哋係「Z世代」呢？

以前細個嘅時候，一見到人字拖+門口+屋企人就等於自己要與世長辭，就好似鐵達尼號阿Jack個結局咁。雖然差啲比個人字拖打到諗唔番起依個PTSD，但以前嘅教導方式就係咁，雖慘不忍睹，但刻骨銘心。

到依家，世代係進步嘅，己經唔可以再用如此方式教自己嘅小朋友，唯有出各種方法令小朋友明白我哋唔同人嘅家規，到底有啲咩陷阱係各位父母都可能唔小心做咗，但又唔知係唔太係合適之舉呢？！

小編祝各位遲到嘅新年快樂！！🎊 唔經唔覺又過咗一年，嚟到2026年唔知大家有啲咩抱負呢？ 可能係要向李嘉誠嘅家底為目標？定係要超過上年嘅某目標？定係只係簡簡單單地汁好自己屋企某個從秦代到依家嘅角落？

反觀2025年，自己又有咩達成咗？又有咩達成唔到？達成唔到嘅嘢有冇想係2026年搞掂佢？無論2025年係好係壞，2026年都係一個新嘅開始！好好運用依個新嘅12個月！

2026年嘅小編都有新發現！原來兩位主持都係抖M向的 :D

做人應否打破規矩? 我很同意這句話，所以這次就打破小編每次都係description寫一大段廢話嘅傳統，唔寫了。 :D

我記得之前小編同班friends一齊去咗元朗一間比遠離YOHO大商場去食打邊爐，去到佢係座落係一個屋邨商場仔嘅旁邊，間打邊爐商舖門口有好多人等，好受歡迎咁好熱鬧；但其實依個商場基本上好冷清，一係落咗閘、一係已經係吉舖，好耐冇人打理、只係得番啲7-11、牙醫診所係依啲吉舖之間勉強生存住。同打邊爐商舖係有個好鮮明嘅對比，彷彿好似係黑暗中的火柴，但再亮，也照亮不了整個房間一樣。

小編一直都覺得平行時空論好有趣，如果另一個平行時空嘅我唔係小編，可能係系一間小學教緊小朋友英文；

又可能係揸緊部貨車啱啱過咗德國境運緊貨去比利時；

或者我可能係非洲的某個地方為咗個午餐伏擊緊一隻班馬；

又或者我可能只係海灘嘅一粒石頭，咩都唔洗考慮。

可能我咁寫會有好多人覺得好無稽，但其實依個「平行時空論」帶出對小編嘅睇法其實好簡單ㄧㄧ活在當下，有啲決定唔到我哋揀，唔好因為後悔自己冇揀到另一條路；應該話之前嘅各種經歷與歷練、失敗與成功，而令到有今日嘅我，今日嘅你。

係你幫你自己「寫」下你的「歷史」，而每一「筆」都係體驗，人生的體驗。

雖然小編唔係聽903嘅，但依個因為電台主持離職而感到傷感係的確有嘅，小編仲記得之前881的早上節目"一家大晒"，佢係一個比較分享日常嘅節目嚟，所以啲内容比較chill。仲記得之前有位叫Tristan同Choco嘅舊電台主持一齊同葉宇澄做節目，因為小編一路以來都係聽慣咗佢哋嘅聲音同三位主持之間嘅化學作用，但突然佢哋因為各各唔同原因而離職自己覺得會缺少咗一啲嘢，就好似平時有個人會同你分享好多嘢，之後突然就冇咗果種空虛感。

(但後來有Anjay的加入，好快就唔記得咗佢哋ww)

但的確，雖然電台主持或者其他做傳媒行業的，只不過係一份工作，但其實會不知不覺間從佢哋嘅日常學到好多嘢，令聽者吸收唔同知識，森美小儀就更加唔洗講啦！

家長A: "其實一個小朋友學幾多課外活動先足夠?"

家長B: "首先你要知道佢對咩有興趣!"

家長A: "但我唔報課外活動點知佢有咩興趣?!"

家長B: "我要知道佢有咩興趣先可以報課外活動嫁!"

之後家長A就過咗收生時間都唔知點算..

我好記得小編仲係十幾歲嘅時候，有條淺藍色嘅手巾仔，佢基本上都係袋係我後右邊嘅褲袋，而每日都會跟係身攞嚟抺手用。

但果時嘅我仲未學會珍惜啲嘢，直到有一次到過年番鄉下，係食咗中午飯之後一想起身果下聽到「橢」一聲，我見到有條手巾嘅物體卡咗入張木造嘅凳板同板之間，而我仲見到我原先褲袋嘅手巾仔短咗，然後當時就只有我聽到，就咁企住同望住咗張凳一陣。

回過神嚟之後先發現唔係多咗條手巾仔，而係條跟咗我好一兩年嘅手巾仔爛咗... 佢分開咗一半... 我係張凳攞番另一半條手巾仔之後先真真正正地察覺唔係啲咩魔術表演，佢係真係爛咗。好快，條手巾仔就已經冇要，雖然阿媽都好快有條新嘅比我，但就已經唔係平時果條。

果一下我心入面就知道「原來啲嘢如果我咁唔小心用佢，佢係會爛；爛咗就永遠都唔會再見到佢。」

雖然只係一條小手巾，但果下嘅深刻程度令我到依家都仲記得一條小手巾比我嘅課堂。

有時候一件物件的情感係不知不覺之間建立起來，它的獨特之處係只有自己知道；就算有同一件新嘅代替品都唔會取代到，特別係依家物質較豐富的我哋。

家長1: "欸呀!!! 好煩惱唔知幫小朋友報啲咩N班呀!! 依個又幾好... 果個又唔錯..."

家長2: "吓?! 啲N班咁快已經可以幫小朋友報啦咩?!"

某家長: "嗯? N班係咩嚟? 食得嫁?"

是咁的，等小編同大家科普下先

其實所謂N班，即係學前預備班，都叫做PN班，教育局有規定到9月開學前同埋小朋友年滿2歲先可以入讀。通常啲家長已經會係啲小朋友1歲時幫手搜集資料，睇有咩心儀學校想入嘅，就唔似有個家長對依個N班冇咩基本理解。 (如果想了解更多N班info，可以係網上搵更多資訊😉)

(如果Kevin睇到，請你唔好嬲，真係唔係講你🥹，認真🕊️)

我發覺人類嘅語言通常都有加入好多情感、情緒入去，從而令目標對象理解當時自己的心情。

例如依句

"我想食個飯!"

只要我加個Emoji去表達心情，成句個感受已經好唔同

"我想食個飯!😫"

；相反，如果放太多情感，又會變到比人話太意氣用事，演變成溝通衝突，即係鬧交，但唔係話鬧交冇溝通效率，每個人類對鬧交嘅定義好唔同，有啲只係佢哋嘅溝通方式。

其實溝通溝通，都係要溝先會通，唔好覺得一個陌生人會一下子就理解自己嘅溝通方式，就覺得人哋會明白；情願解釋得一清二楚，假切人哋唔認識，之後再磨合，先為止有效溝通!

「連續創業，終身學習」乃為創業家的口號。

其實唔單只係創業，一生中都有好多野係終身學習，冇一步登天的。

小編又好老土嘅咁攞愛迪生嘅一句名言出嚟「天才是1%的天分加上99%的努力」基本上冇人係可以唔努力，就可以成為人哋講嘅天才，當中亦有無數次失敗先有依個成就；就算你好努力都好，都唔好比自己嘅努力方向錯咗，依家個世界有好多野唔係一成不變，尋日以為啱嘅事物，今日可能已經唔係咁樣，要自己消化同理解，甚至重新做一條「道路」出嚟，専係方便自己嘅。

反而逆之，創業也如此。

Fun Fact: 其實火鍋放題係比你任食，唔係比你任攞走嫁☆~

基本上差唔多所有嘅自助放題餐廳都唔可以攞走店内的任何食物，有啲就算係最尾你想一路行一路食嘅雪糕都唔比嘅。

不過其實我估大家都一定試過會多放咗啲野飲係枱面，但又太飽飲唔落，又冇可能放番出雪櫃咁唔respect，就打算就咁攞走之後再飲。不過其實咁樣就己經係唔比嘅，但若果比cctv睇到都未至於要叫經理出嚟處理佢，咁我咁講唔係話叫人任攞唔嬲，而係只係自己過唔過得去，同埋人地睇你過唔過分。就算只係一罐汽水都好，比人叫到要攞番出嚟係佢哋餐廳規則，都要遵守番；成功攞走罐汽水係唔希望浪費已經放咗係枱上嘅飲品。

若果太過分的，就只會變成城中熱話，仲係對食物嘅一種唔尊重！

是咁的，身為一位依家小朋友讀緊K2嘅家長，有一日小朋友嘅功課係要我哋整艘飛船，話要將啲飛船貼係個課室後面個板度。

當日我見女女好開心咁攞住佢用咗半個鐘紙砌嘅飛船帶番學校，但係之後我見到唔同嘅小朋友有唔同做法，有個就攞住幅近畢卡索風格嘅飛船油畫入咗學校；又有個推住咗個用超合金焊接差唔多半個人咁高嘅飛船入咗學校；到我差唔多開車走時，有部貨車開入嚟，係一支40米高嘅火箭發動引擎，就停咗係學校個停車場。

心諗「依家啲小朋友真係好用心做功課~☺️」

(本故事部分純屬虛構)

阿媽：「阿仔呀，點解我部Iphone個update一升就由18去咗26嘅?，係咪我個野壞咗呀?」

阿仔：「放心啦，阿媽，佢只係skip咗19至25姐，跟番個年份姐，冇咩野嘅」

*一段時間後

阿媽：「阿仔呀，點解我update咗之後有啲野咁矇嘅，係咪我老花?」

阿仔：「唔係你老花呀！只係佢UI嘅新界面(液態玻璃)嚟!」

從來冇update過嘅阿爸：「Update? 咩有update依啲咁嘅野嘅咩?」

(p.s. 其實唔只係Iphone，啲電子產品如果佢有software update，都請記得keep住update佢哋，啲update通常都有效延長電子產品嘅壽命！特別係佢嘅鋰電池！)

當係熱帶生長嘅咖啡豆，遇上咗溫帶生長嘅葡萄，到底會醞釀出何種味道？！係甜中帶苦？定係澀裏透甜？係溫和？微風？

定係好似小編寫依編野一樣，精神得嚟沉醉？...

今集係滿滿釣蝦知識嘅一集📖

佢哋眼大大、手手腳腳又幼又細，時不時又會玩弄你個蝦勾，當你鈎咗佢上嚟時又會掙扎，你真係忍心食咗佢哋嗎？當然唔會啦！但加咗椒鹽另計~

其實釣蝦活動可以係一項好親子嘅活動，首先一項好重要嘅因素有-冷-氣！至少香港大多釣蝦場都係室内場，唔洗擔心自己成為雪條，融咗都唔知；第二，可以比小朋友知道果啲蝦無助又絕望嘅感覺？唔係，係比小朋友練習耐心同釣到啲蝦嘅成功感！第三，釣到嘅蝦當然唔會白白浪費啦，佢哋都會提供唔同嘅烹飪方式去調製啲蝦蝦，令到佢哋以最鮮嘅時候比你放入個口。

但你又知唔知釣蝦都有比賽？到底係點比？釣咗嘅蝦要當場食曬？今集由主持Manos一一解答！

*今日嘉賓嘅汽車服務IG:

https://www.instagram.com/sentoautotech/

所謂「咩人用咩樣」，唔係話你見到啲唔識嘅人你要變身林峯咁樣，而係你面對咩人用咩嘅「面具」去同人溝通。

比個例子:

假切依家你係服務業嘅朋友們，當然目的係要服務客人啦「Your Every Smile~ Your Every Hello~🎤」；之後Lunch Break突然有個陌生電話打嚟，想話你有個包裏未領取，十分機靈的你一聽就知道係騙案，當然就好有禮貌地口述咗好多生果拼盤比佢，之後繼續一日嘅忙碌啦；放咗工之後就發現老婆係公司門口等你，佢打扮得美若天仙，彷彿已經忘卻咗一日嘅辛勞。但佢突然同你講「你果然記得今日咩日子！☺️」下意識的求生欲就自動同你回覆咗「記得~~ 點會唔記得呢?😇」

但心諗「欸~~~~~!~~~~~~~! 係咩日子呀呀呀呀呀呀呀!!...」

係依個例子入面，何謂「假」；又何謂「真」？唔通最真係啲生果拼盤？！

"天青色等煙雨 而我在等妳" -- 青花瓷

"眼看著妳難過 挽留的話卻沒有說" -- 說好不哭

"雨下整夜 我的愛溢出就像雨水" -- 七里香

依幾首歌都係小編聽得周杰倫最多嘅其中之三，亦都係三首由我細細個就聽得好多嘅歌，應該係果時收音機電台有時都成日播。

不過小編唔係周杰倫十分粉絲，都冇去到之前周杰倫個演唱會，我睇到都有啲人評論依個演唱會有好有壞，所以小編我就不多評價吧~

你上一次入去戲院睇戲係幾耐之前？仲記唔記得幾年前Marvel嘅Avengers Endgame果陣時戲院嘅墟撼？大家仲爭住話要二刷三刷；反觀依家，有啲戲院想話要有個爆場都好難，莫講話有啲己經執咗笠。

其實入戲院睇個戲都只不過係對一部電影嘅尊重，唔係話你係Netfilx睇就唔尊重佢，但畢竟每部電影都係導演、演員、特技替身同各唔同後期人員嘅作品結晶嚟，係戲院都會有最好嘅臨場感，最重要一點係當你睇感人戲嘅時候會有好多人跟住喊；睇搞笑戲嘅時候會有好多人跟住笑，而依個氣氛係冇地方可以比得上嘅！而F1依部戲就好好咁比到你係戲院睇臨場感啦！

其實有時都唔只係F1依部戲，如果你覺得有啲電影嘅故事或者題材好令你興奮或有興趣，真係不妨入戲院睇，無論最後係不似預期定係各有驚喜，都可以令你對當個故事更有沉浸感！

Kat Ig link:

https://www.instagram.com/katri_siuyin_ng/

話說細個小學時有個肥仔成日比其他同學蝦，之後佢果時自己立志話自己要成為一位健身教練，誓要將蝦過自己嘅同學一拳打飛去西班牙。過咗咁多年之後，佢成功咗，成功成為咗一位訓導主任，就咁。

(小編廢話講完)

其實講真，係香港生活壓力大，情緒病已經對唔少香港人造成影響，但作為旁人嘅我哋，唔係話唔關自己事就算數，有時如果見到身邊嘅人有各種情緒問題，其實簡簡單單的一個陪伴就足夠。

之前有部電影嘅對白「我未必可以幫到你，但我會陪著你」

既然你睇到依度，咁我就問你個IQ題啦！

有咩明星80後嘅人會覺得佢係歌手; 90後嘅會覺得佢係演員; 00後嘅會覺得佢係廚師？

冇錯啦！佢就係Gordon Ramsay！

好啦，我正經啲。冇錯啦！佢就係謝霆鋒！

所以依位80後Kevin叔叔主持就抱住滿滿的回憶同青春去睇謝霆鋒，即使佢唔係100%謝霆鋒歌迷！

"青春呀~~ 係青春呀~~~ 我個青春番曬嚟啦~~!!"

(Kevin睇Con内心示意對白)

幾十年前嘅我哋，一講到「過大海」，就一定會有好多叔伯姨婆制止你，話咩「你人仔細細學咩人過大海呀?」「因住輸到底褲都冇埋!」「十賭九騙呀! 何況你又唔係星爺識特異功能」

但到咗依家「咩呀，各位叔伯姨婆冷静啲，我只係帶一家人去巴黎人酒店玩兩日，小朋友又有Play House玩，附近又有好多唔同特色餐廳食！」

係呀! 今時今日嘅澳門己經同以前有好大分別，文化產業己經好多元化，當然！澳門嘅賭博業都係咁篷勃，你依然都可以為賭博業作出貢獻嫁~😉 (*小編己被打死)

Kinki IG:

https://www.instagram.com/kinkichan1114/

植萃品牌IG:

https://www.instagram.com/beinggraces/

自駕體驗IG:

https://www.instagram.com/oncarrentalhk/

身為男人，當然係就咁用清水洗面就搞掂啦👍🏻

邊度有話咩要用好多唔同嘅產品去護膚姐？

但係，當有一日我見到有款男士專用嘅12合一爽膚水

我... 就心動了

因為佢唔單只爽膚水，仲可以係洗髮水、護髮素、沐浴露、牙膏、漱口水、運動飲料、潔廁靈、汽車機油、鋼化膜、鞋油，佢仲可以係清湯鍋底！

我仲唔買爆？！

(以免誤導，現實世界冇如此為我哋男人著想嘅產品)

(*返回現實世界)

但其實，當人到咗某個年紀，就算係男人，都唔想唔認自己嘅皮膚狀況比以前差咗。小編聽講有位朋友己經有咁嘅諗法，然後佢就諗下有冇啲咩野可以幫到手，之後佢經過洗手間時就望到老婆用嘅產品，就搵咗支搽面嘅搽上去，但正當佢覺得搽咗上去太油之際，老婆就己經企咗係門口目擊整個"戰爭罪行"，然後...

然後就從此冇聽過佢嘅消息lu~ 可能已經過上了幸福快樂的生活吧~😊

依個故事就教訓我哋就算係護膚都要用得其所！😉

*依集嘅時間線番番去Kevin未到考牌嘅時候

Kinki IG:

https://www.instagram.com/kinkichan1114/

植萃品牌IG:

https://www.instagram.com/beinggraces/

自駕體驗IG:

https://www.instagram.com/oncarrentalhk/

細細個嘅時候，一定有唔少小朋友個夢想係做一個(柴可夫)司機，因為型呀嘛！可以揸住自己部車載人，又有一個自己嘅空間~ 幾好呀~~

大個咗之後，發現自己住係一個叫香港嘅地方：道路超複雜、養車超揦脷、考車高消費、塞車塞到暈。

最後我都決定! 坐公共交通工具算..

到底係香港揸車係為乜?... 有咩原因可以令到唔少香港人都仲咁中意揸車呢？(除咗搵食之外!)

Kinki IG:

https://www.instagram.com/kinkichan1114/

植萃品牌IG:

https://www.instagram.com/beinggraces/

自駕體驗IG:

https://www.instagram.com/oncarrentalhk/

Yea!!!!依集就係第100集了! 小編我要好多謝導演，好多謝監制比依個機會我.... 呀...不是...

唔知大家有冇試過買一啲自媒體嘅朋友嘅產品? 即係例如係IG或者FB度見到啲產品或者服務好啱心水就買咗，佢哋基本上唔係啲咩好有名嘅名牌產品或服務，但可能你已經follow咗依個媒體一段時間、對佢哋嘅推廣手法好有興趣或者只係純粹好中意自媒體某位人兄，你都會好樂意地去支持佢哋！

但其實做自媒體又係咪真係咁易？ 有啲咩條件係做自媒體必備？我哋咁啱有幸係第100集請到靚女Kinki同我哋傾「自媒體」(雖然連Kinki都未能解釋自媒體係咩意思...)

「快啲，八千轉，兩米車」

「阿叔，我依部車自動波嚟喎，我又唔係余文樂同黃秋生。」

雖然我哋作為道路使用者嘅老海鮮，香港嘅道路設計差依回事就已經唔係啲咩新鮮事啦，有人仲搞笑話你揸得掂香港條路，咁全世界都揸得到！

不過，對有啲啱啱考到車牌嘅小朋友就唔同，突然要面對好多決定，包括要係5米内諗掂要唔要切線、唔可以開太慢會比人呠、各種放置唔合適的路牌之類，好似連新手村都未出就要打最終Boss咁。

而咁啱得咁蹺，就有位啱啱考到牌嘅P牌主持人同大家分享自己「胖佬」咗幾多次，學車師傅又點面對依位「學霸」？

係依個資訊同網絡超方便嘅時代，你基本上唔需要出街就可以睇到曬唔同地方嘅盛事，係網上就己經有好多直播現場直播依啲盛事，甚至可能一蚊都唔洗洗，最多硬食幾個廣告就搞掂。

的確，就經濟同方便而言，睇直播可能係最好；但有時「親身體驗」依四個字都好重要! 親身洗幾千蚊買張飛、親身去排幾個鐘入場、親身過去賽場體驗氣氛、坐係坐位上曬到懷疑人生。

無論經歷係好好定麻麻地，都係自己用雙眼睇過、雙腳行過、雙手試過，最最最重要係同隔離果位一齊經歷過，種種唔同嘅親身體驗，又點可以係直播上體驗到呢?

有時候唔係話見到嘅所有嘢都都要頂到佢出大西洋，佢做嘅事都真係的確有唔少問題，但依啲事都可以令我哋有前車可鑑，令我哋唔好重複犯錯。

可能你會話：「就算我係個網絡内容創作者，點會做依啲如此事情呀！」但其實就算冇依啲公關問題發生，網絡内容創作者本來就係唔容易嘅事。基本上所有野都要一腳踢，仲要可能最後整出嚟冇人睇，仲要可能有其中一條片講錯野冇為意就身敗名裂。

所以，真的，不簡單。。。