في هذه الحكاية، نغوص في عالم الادخار، ليس كفكرة معقدة مليئة بالتقييد، بل كفن يمكننا تبنيه في حياتنا اليومية بسهولة. هل يمكننا التوفير دون أن نشعر أننا نحرم أنفسنا؟ كيف تؤثر العادات البسيطة على مدخراتنا على المدى الطويل؟سواء كنت تسعى لتوفير مبلغ صغير أو تعمل على هدف مالي كبير، هذه الحلقة ستمنحك الأدوات والإلهام لبدء رحلتك نحو الاستقرار المالي بطريقة ممتعة ومستدامة.

في هذه الحكاية، سنتناول شعورًا مألوفًا لكنه غريب: "لماذا نشعر أحيانًا أن بعض الشهور لا تنتهي؟" هل يناير هو المتهم الوحيد، أم أن هناك شهورًا أخرى تشارك في الجريمة؟ سنستكشف كيف تؤثر العوامل النفسية، وتغيرات الفصول، والروتين اليومي الممل على إحساسنا بمرور الوقت. 

كام مره حلمت أنك بتقع من مكان عالي أو بتجري ورا حد، طيب كام مره صحيت حاسس بفرحة أو بحزن من

الحلم؟ طيب هل بتحلم بالأبيض والأسود وبالألوان؟ اسمع حكاية رحلة إلى عالم الأحلام علشان تعرف الأسباب وراء كل اللي بتشوفه في الحلم

عايش جوه دماغك، أصوات كتير، ناس بتصارع بعض، حياة تانية موجوده في قلب دماغك مش بتسكت لا ليل ولا نهار، وأول ما بتحط رأسك على المخدة كل الأفكار والحكايات والسيناريوهات بتنهال عليك .. اسمع الحكاية علشان جبنالك حلول تسعدك تتخلص من لعنة التفكير الزائد

اذا كنت شايف ان خطك وحش ومش بتعرف تفهمه بعد ما تكتبه، أو لو قاعد سرحان بتشخبط على الورقة وبتطلع أشكال زي المثلثات، مربعات، دوائر أو غيرها، محتاج تسمع لقائنا مع المهندس وArt Director محمد عبد العزيز إلى هياخدنا في رحلة يعرفنا فيها على الخط وما وراءه من إبداع وجماليات.

تقدروا تتفرجوا على الحكاية من خلال لينك اليوتيوب

 https://youtu.be/BoaskJYhx_8

كلنا بنبقى محتارين واحنا خارجين هنلبس ايه؟! ونقف قدام الدولاب بالساعات ننقى لبسنا، بس هل عمرك فكرت أنت بتاخد كل الوقت ده ليه علشان تختار اللبس؟ طيب تخيلت قبل كده أن اللبس بياثر على شخصيتك مش بس كده ده الألوان كمان .. اسمع علشان تفهم.

دايما بعد كل اجازة بنحس بإرهاق، قلق، قلة تركيز، وبنواجه صعوبه في قلة النوم، وبنردد جملة واحدة "عايزين اجازة بعد الاجازة".ده احساس طبيعي كلنا بنحس بيه بس عمرنا ما فكرنا ايه السبب ورا احساسنا ده، والنهارده جايه علشان اجاوبكم ونحلل مع بعض بيحصل فينا ايه بعد كل اجازة؟

وسط زحمة الأفكار، بنتوه. التفكير لعنة، بيخلينا نحس إننا في متاهة. ولما اتكلمت في الموسم الأول، كنت بحاول أفهم نفسي وأشارك اللي جوايا. بس اكتشفت إننا كلنا متشابهين. في خوفنا، في طموحنا، وفي إحساسنا بالوحدة. عشان كده، رجعت في الموسم الثاني من بره المألوف، مستعدين نغوص أعمق، نطرح أسئلة أكتر، ونتكلم بصراحة. لو حسيت إن التفكير لعنة، فالموسم ده معمول ليك. استعد، لأن الكلام بصوت عالي… بيحول اللعنة لهدوء.انتظروا الموسم الثاني 😍✨

حصلي موقف في رحلتي إلى دوسلدورف الألمانية كنت فكراه مضحك لحد ما شوفت المشهد التاني بتاعه

زمان واحنا صغيرين نحجنا في حاجات كتير اوي لمجرد رغبتنا اننا نحقق النجاح ده، طيب ليه مش بنعمل كده واحنا كبار؟

دايما بنشوف مشهدنا مع خدمة العملاء بس يا ترى ايه هو مشهد موظفين خدمة العملاء معانا؟

لو بتابعوا السوشيال ميديا بجنون وبتخافوا يفوتكم أي شيء، يبقى انت من فئة الفومو. 

في هذه الحكاية من بودكاست "بره المألوف"، نغوص في أعماق عقولنا لنفهم ظاهرة الانحياز السلبي، وهو الميل الطبيعي للتركيز على الجوانب السلبية أكثر من الإيجابية. لماذا نتذكر التعليقات السلبية بسهولة وننسى الإيجابيات؟ وكيف يؤثر هذا النمط من التفكير على حياتنا اليومية وعلاقاتنا؟ نستكشف معًا الأسباب العلمية وراء هذه الظاهرة ونقدم نصائح عملية لمواجهتها والتغلب عليها.

حوالي 40٪ من البشر يشعرون بالعجز عند رغبتهم في التعبير عن مشاعرهم .. يا ترى ازاي ممكن نحل المشكلة دي؟

تخيل إن القرد كان سبب في اكتشاف سر عظيم في عقل الإنسان، اسمع الحكاية علشان تتعرف على الخلايا العصبية المرآتية

لو بتعاني من متلازمة إرضاء الآخرين، اسمع الحكاية علشان تعرف تعالجها ازاي

تخيل إن فيه قرية برازيلية لسه داخلها الانترنت من أسبوع واحد بس!!

الجمادات مكونة من ذرات صغيرة جدا لا ترى بالعين المجردة، والذرات تتأثر بالطاقة التي تسلط عليها، والطاقة هنا هي الأحاسيس الإيجابية أو السلبية التي ينقلها الإنسان للجماد.

تعرف إن الإنسان بيتكون من 6 أشياء، اسمع الحكاية علشان تعرف نفسك

فتش في حياتك وستجدها مليئة بالانتصارات الغير معلنة، الانتصارات الصغيرة التي لا يهنئك عليها أحد، ولا يشعر بها أحد

عمرك فكرت تبعث لنفسك رسالة في المستقبل. في عيد ملادي الـ 29 قررت ابعت رسالة لنفسي بعد 18 سنه. يا ترى هقول ايه؟

إذا حبيت والقصة مكملتش وانتهت، يبقى أنت أكيد مريت بمرحلة الإلتياع .. اسمع الحكاية علشان تعرف إيه هو الإلتياع.

في زمن السوشيال ميديا، أصبح السير مع التيار هو القاعدة، والخروج عن الترند يعني أنك تفتح الباب للنقد وربما الهجوم. في حكاية "الخروج عن الترند"، نستعرض الجانب الآخر من الظاهرة: ماذا يعني أن تخالف الرأي المطروح؟ وهل يعكس ذلك شجاعة أو جهلًا كما يُشاع؟دايما اللي بيخالف الرأي المطروح في الترند بتواجهه انتقادات كتير أوي، وفي زمن السوشيال ميديا لو ممشتش مع الترند يبقى انت أكيد انسان جاهل

مثلث برمودا... اللغز الذي حيّر العلماء وألهم الكتّاب وصُنّاع الأفلام. مكان تختفي فيه السفن والطائرات دون ترك أي أثر، تاركًا وراءه أسئلة بلا إجابات. في هذه الحكاية، سنكتشف ماهية مثلث برمودا، ونستعرض حوادث الاختفاء الغامضة التي حدثت فيه، بالإضافة إلى التفسيرات التي حاولت فك شفرته. هل هو مجرد خرافة أم أن هناك حقيقة غامضة وراءه؟ استعدوا لرحلة مشوقة مليئة بالغموض والأساطير!

في هذه الحكاية، نطرح تساؤلًا جريئًا: هل يمكن أن تكون قصة الغواصة تيتان مجرد خدعة كبرى مضحوك علينا بها؟نناقش النظريات والشكوك التي تدور حول الحادثة، ونستعرض الأدلة والآراء المتباينة. هل كانت هناك أهداف خفية وراء القصة؟ وما الذي يجعل البعض يعتقد أن الأمر كله ملفق؟خطر في بالي إن قصة الغواصة تيتان كلها ممكن يكون خدعة وكدبة كبيرة مضحوك علينا فيها .. تفتكروا؟

هل بتتكرر رؤيتك لرقم معين؟ أو كلمة بتسمعها في كل مكان؟ أو حلم بيطاردك مرارًا؟ ممكن يكون ده أكتر من مجرد صدفة!

في حكاية "دي علامة يا مارد"، نستكشف كيف أن تكرار رؤية أشياء معينة في حياتنا اليومية قد يكون رسالة من الكون. سنغوص في مفهوم الإشارات الكونية، وكيف يمكن أن يساعدنا في فهم مواقفنا بشكل أعمق أو نوجّه حياتنا في الاتجاه الصحيح.

في هذه الحكاية، نأخذك في رحلة لاستكشاف العلاقة الفريدة بين الألوان والطاقة الروحية لكل فرد. كيف يمكن أن يعكس كل لون طاقة خاصة تتناغم مع روح الإنسان؟ وكيف يستطيع المكفوفون الشعور بالألوان من خلال الحواس الأخرى والطاقة المحيطة بهم.تعرف إن كل روح ليها لون، طيب لو النظرية دي صح .. لون روحك هيكون ايه؟

في هذه الحكاية، سننخوض رحلة مثيرة إلى عالم الموارد البشرية مع خبيرة المجال مي كامل، التي تمتلك خبرة واسعة في إدارة الموارد البشرية بمنطقة الشرق الأوسط.

نناقش أهم القضايا والتحديات التي تواجه الشركات في بناء فرق عمل فعّالة، وكيفية تحقيق التوازن بين متطلبات العمل واحتياجات الموظفين. 

تتحدث مي عن استراتيجيات تطوير الكفاءات، إدارة المواهب، وأسرار جذب أفضل الكوادر والاحتفاظ بها، فسواء كنت موظفًا تبحث عن نصائح لتحسين مسارك المهني، أو مديرًا تسعى لفهم أعمق لديناميكيات الموارد البشرية، فإن هذه الحلقة مليئة بالرؤى القيمة والنصائح العملية التي ستفيدك في رحلتك المهنية.

لا تفوّت فرصة التعرف على هذا الجانب المحوري في نجاح أي مؤسسة!

متلازمة الحياة المؤجلة هي حالة نفسية وسلوكية نعيشها عندما نربط سعادتنا بتحقيق أهداف مستقبلية، متجاهلين أهمية الاستمتاع باللحظة الراهنة. في هذه الحكاية، سنتعمق في فهم هذه الظاهرة، نتعرف على أسبابها وتأثيراتها، ونناقش خطوات عملية تمكننا من كسر هذه الحلقة المفرغة والبدء في عيش حياة مليئة بالرضا والسعادة الحقيقية، بعيدًا عن الانتظار المستمر.

هل يمكن أن يكون هناك عوالم أخرى موازية لعالمنا؟ وهل نعيش نسخاً متعددة من حياتنا بناءً على قرارات مختلفة؟نبدأ مع جذور الفكرة عند الفلاسفة الإغريق، مثل أفلاطون، الذي قدّم مفهوم "عالم المثُل"، ثم ننتقل إلى النظريات العلمية الحديثة مثل "نظرية العوالم المتعددة" التي قدمها هيو إيفريت.حكاية تأخذك في رحلة بين الواقع والخيال، وتدفعك للتفكير في السؤال الأبدي: "ماذا لو؟" شاركنا رأيك: هل تصدق بوجود عالم موازٍ؟ ومَن تتخيل نفسك فيه؟

في هذه الحكاية، نستكشف قوة الأفعال البسيطة واللطيفة التي يقوم بها الغرباء وكيف يمكن أن تغيّر يومنا للأفضل. هل سبق أن قال لك شخص غريب كلمة طيبة أو قام بتصرف عفوي جعل يومك الصعب يبدو أخف؟

نغوص في أهمية هذه اللحظات وكيف تؤثر على نظرتنا للإنسانية،نتحدث عن الأسباب النفسية التي تجعلنا نثق في بعض الغرباء دون غيرهم، وكيف يمكن لتصرفات صغيرة أن تترك أثراً كبيراً.

استمع معنا واستلهم فكرة أن كلمة طيبة أو تصرف بسيط قد يجعل يوم أحدهم أجمل حتى لو كان مجرد غريب.

في هذه الحكاية، نتحدث عن مفهوم "الاستحقاق الذاتي" وكيف يمكن أن يؤثر على حياتنا وقراراتنا اليومية. هل تشعر أنك تستحق الأفضل في حياتك؟ أم أنك تجد نفسك دائمًا تقلل من قيمة ما تقدمه أو ما تستحقه؟ سنستعرض طرق بناء شعور صحي بالاستحقاق من خلال خطوات عملية.

شاركنا تجربتك، هل شعرت يومًا أن هناك عائقًا داخليًا يمنعك من الإيمان بأنك تستحق الأفضل؟ وكيف تعاملت مع هذا الشعور؟ نحن هنا لنفتح النقاش ونستمع لآرائكم وتجاربكم. لا تترددوا في مشاركتها في التعليقات! 😊

يمكنكم مشاهدة الحلقة كاملة من لينك اليوتيوب

يخلق من الشبه أربعين، هل عمرك شوفت حد شبهك بالضبط؟ طيب هل سألت نفسك هل أشباهك كلهم بشر ولا ممكن يكون أماكن، قصائد، نصوص شعريه؟ بلاش هل حصلك أنك حسيت إنك عشت الموقف قبل كده؟ أسألة كتيرة اجابتها كلها في الحكاية

بنكبر وإحنا فاكرين إننا اتربّينا في نفس البيت، نفس الأم، نفس الأب، نفس القوانين، بس الحقيقة إن ولا واحد فينا شاف نفس النسخة.

في الحكاية دي بنقرب من سؤال بسيط شكله بريء، بس إجابته تقيلة: هل فعلًا كل طفل شاف نسخة مختلفة من أهله؟ وليه الكبير دايمًا شايل مسؤولية، والأوسط حاسس إنه لوحده، والصغير متّهم بالدلع؟ هل الاختلاف ده ظلم؟ ولا نتيجة طبيعية لتغيّر البشر والوقت والتعب؟

الحكاية دي مش عن ترتيب الميلاد، ولا عن مقارنة الإخوات، لكنها عن التوقيت، وعن النسخة اللي كانت موجودة وقت ما دخلنا الدنيا، وعن قد إيه النسخ دي من غير قصد بتصنع شخصياتنا.حكاية تخليك تعيد النظر في طفولتك، وفي أهلك، وفي نفسك ويمكن تخلّيك تسأل: لو اتولدت في وقت تاني كنت هبقى مين؟

في هذه الحكاية، نقترب من ذلك الصوت الداخلي الذي مرّ علينا جميعًا في لحظة ما. الصوت الذي يجعلنا نتوقّف قبل أن نبدأ، ونتراجع ونحن على 

وشك خطوة مهمّة، ونشكّ في أنفسنا في اللحظة التي نكون فيها أقرب ما نكون إلى التغيير.

ليست هذه الحكاية عن الخوف بمعناه السطحي، ولا عن التردّد العابر، بل عن جزء خفي في داخلنا، يتصرّف وكأنه يحاول حمايتنا، بينما يعطّلنا أحيانًا في أكثر اللحظات حساسية. هذه الحكاية لا تطلب منك أن تكون أقوى، ولا تضغط عليك لتتجاوز نفسك بالقوة، بل تفتح مساحة هادئة للفهم والتأمل: من أين يأتي هذا الصوت؟ متى يظهر؟ ولماذا يعلو حضوره كلما اقتربنا من خطوة حقيقية في حياتنا؟

اشترك في صفحة التلجرام من ⁠هنا

عمرك حسيت إن سؤال في دماغك هو نفس السؤال اللي ناس كتير حواليك بيسألوه؟ أو فكرة جات لك، وبعدها بفترة قصيرة لقيتيها ظهرت عند ناس

ما يعرفوش بعض، وفي أماكن مختلفة، وفي نفس التوقيت تقريبًا؟

في الحكاية دي من بودكاست برة المألوف، بنقرب أكتر من ظاهرة توارد الأفكار، ونحاول نفهم ليه بنفكر زي بعض؟ وليه نفس الأسئلة بتظهر في عقولنا عبر سنين وأماكن مختلفة؟ وهل الأفكار ملك لأشخاص ولا بتختار الوقت اللي تظهر فيه؟

من العلم، للفلسفة، للتجارب الإنسانية، ومن الاكتشافات المتزامنة لحد المشاريع اللي ظهرت في نفس اللحظة من غير اتفاق، بنفتح مساحة للتأمل في “العقل الجمعي”، وفي اللحظة اللي بتبقى فيها الفكرة جاهزة وتدور على اللي يستقبلها. الحكاية دي مش علشان نطلع بإجابات نهائية، لكن علشان نعيد النظر في طريقة تفكيرنا، ونفهم إحنا بنفكر لوحدنا ولا مع بعض؟

تنويه 🔔

تتناول هذه الحلقة بعض القضايا العلمية والتقنية والنزاعات القانونية كأمثلة توضيحية ضمن سياق فكري وثقافي عام، دون ادعاء إصدار أحكام قانونية أو تبنّي رواية طرف بعينه. المعلومات الواردة تعتمد على مصادر علمية وإعلامية متاحة حتى تاريخ نشر الحلقة، وقد تكون بعض القضايا المذكورة لا تزال قيد النظر أو التطور. يهدف هذا المحتوى إلى النقاش والتأمل الفكري، وليس إلى تقديم استشارات قانونية أو علمية متخصصة.

اضغط هنا للوصول لجروب التليجرام

في أول حكاية من الموسم الثالث من بودكاست برّة المألوف، بنقرب أكتر من عالم العلاقات من زاوية مختلفة. الحكاية دي بتدور حوالين اللغات اللي بنعبّر بيها وقت القرب، ووقت الخلاف، ووقت الاعتذار. من غير تصنيفات، ومن غير أحكام، الحكاية بتقدّم مساحة للفهم، فهم النفس، فهم الآخر، وفهم الاختلافات اللي بتخلّي نفس الموقف يتشاف بأكتر من طريقة.

حلقة هادئة، عميقة، ومليانة وعي، بتساعدك تشوف العلاقات بشكل أبسط، والتواصل بشكل أصدق، والاختلاف بشكل أقل حدّة.

استمع للحكاية وخد منها اللي يشبهك ..

اضغط هنا للوصول لصفحة الانستغرام

اضغط هنا للوصول لجروب التليجرام

لينك اختبار لغات الحب هنا
لينك اختبار لغات الخلاف هنا

لينك اختبار لغات الاعتذار هنا